TUWAR MALLANI ATLARI Buzow - altı ayğa deri.
Tana - altı aydan cılğa deri.
Buğağaturu - cıldan cıl bla carımğa deri, tişi tuwar mal.
Kunacin - cıl bla carımdan eki cılğa deri, tişi tuwar mal.
Bışdadı - közüwünden alğa buzow tabhan.
İynek - közüwü cetib buzow tabhan.
Ekicaşar - ekinçi cılı barğan erkek tana.
Üçlü - üçünçü cılı barğan (biçilse, biçilmese da) erkek tuwar mal.
Uwanık - üçünçü cılı barğan (üçlü wuanık, törtlü, beşli... cetige deri), biçilgen tuwar mal - cegilmese.
Buğa - üçünçü cılından arı biçilmegen tuwar mal.
Ögüz - cegilgen tuwar mal, biçilgen, üç cılından ozğan.
KOY BLA EÇKİ MALLANI ATLARI
Kozu - beş-altı ayğa deri anasın eme turğan.
Toklu - beş-altı ay tolğan, anadan ayırılğan.
Kırawkakğan - kaç tuwğan kozu.
Cümel kozu - kış aylada oyumsuz tuwğan kozu.
Marka kozu - keserge carawlu, eki-üç ay bolğan kozu.
Kışda - cılı cetmey kozu tabhan koy.
Kozulu koy - eme turğan kozusu bolğan koy.
İşek - cılğa cetgen koy.
İşek irk - cılğa cetgen, biçilgen erkek koy mal.
İşek koçhar - cılğa cetgen, biçilmegen erkek koy mal.
Toklu koçhar - altı aydan cılğa deri, biçilmegen erkek koy mal.
Koçhar - onsegiz aydan atlağan, biçilmegen erkek koy mal.
Mañıramaz - üç cıldan arı ozğan koçhar (har cıldan - bir mañıramaz, eki mañıramaz deb, cetige deri baradı).
Ulak - altı ay bolğunçu, eçkini balası.
Çemiç - altı aydan bir cılğa deri, tişi mal.
Çınay - bir cılğa cetmey kozlağan.
Erkeç - cıldan ozğan, biçilgen erkek mal.
Teke - cıldan ozğan, biçilmegen erkek mal. Ol da, üç cıldan ozsa, mañıramaz deb atalıb, ceti mañıramazğa deri baradı.
CILKINI ATLARI