Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
Page 1 of 11
Forum (Nığış) » GENEL BÖLÜM » Mizah » AT BLA EŞEK -АТ БЛА ЭШЕК
AT BLA EŞEK -АТ БЛА ЭШЕК
kaçigarTarih: Çarşamba, 19-05-10, 11:00 PM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
AT BLA EŞEK

At bla eşek sen aman, men igi dey ketip, eki ortada
söz boldula. Söz bolğan bla da kalmay, bir birlerin
tabanladıla. Tınmağanlarından sora, alanı ekisin
da canıwarlanı patçahına – aslanña – eltdile.
– Ne ot tüşgendi sizge? Ne zat üleşesiz? – dep açıw-
landı aslan.
– Meni tersligim cokdu. Bu eşekdi koymağan.
Kuruda maña küyüksünñenley aylanadı, – dep ta-
rıkdı at.
– Alaymıdı? – dep sordu aslan eşekge.
– Da kalay küyüksünmezme, terslikni köre tur-
ğanlay? – dedi eşek, hahaylap. – Mından ese, meni
kulaklarım ulludula. Munu kuyruğu da nege uşay-
dı, cipi cerni hansı kibik?! Meni kuyruğum a,
bağalı patçahıbız, seni kuyruğuña uşaydı.
Anı üsüne wa men okuy da bileme: «İyha-a-a… iyha-
a-a…» – dep. Bu wa, tişlerin açıp kişnegenden sora,
cuk bilmeydi. Ma alay bolup turğanlay da, adamla
menden ese, munu sıylı köredile. Aña kalay çıdar-
ğa bollukdu, ı?
– Da atnı da bolur senden ozğan ceri…
– Uğay, anı menden ozğan ceri cokdu. Oza ese –
aşap ozadı. Ol a alay mahtawlu iş tüyüldü, – degenni
aytdı eşek.
Aslan sağışlandı.
– Alay ese, ekigiz da çabışığız da, kim ozsa da,
aperimlik anı bollukdu, – dedi aslan.
At bla eşek çabışdıla. At eşekni colda koyup,
ozup ketdi. Aslan mahtawnu atha berdi. Eşekni içi
bütünda küydü. Horlanñan etgenlikge, atha zarlan-
maklığı kalmadı. Atnı namısın tüşürür üçün,
bügün da, bügeçe da anı üsünden cetgen cerde aman
haparla cayıp aylanadı deydile, atnı sögüp.
«Eşek eşekligin etmey koymaz» dep, tawlula, bayam,
anı üçün aythan bolurla.

АТ БЛА ЭШЕК

Ат бла эшек сен аман, мен иги дей кетип, эки ортада
сёз болдула. Сёз болгъан бла да къалмай, бир бирлерин
табанладыла. Тынмагъанларындан сора, аланы экисин
да жаныуарланы патчахына – асланнга – элтдиле.
– Не от тюшгенди сизге? Не зат юлешесиз? – деп ачыу-
ланды аслан.
– Мени терслигим жокъду. Бу эшекди къоймагъан.
Къуруда манга кюйюксюннгенлей айланады, – деп та-
рыкъды ат.
– Алаймыды? – деп сорду аслан эшекге.
– Да къалай кюйюксюнмезме, терсликни кёре тур-
гъанлай? – деди эшек, хахайлап. – Мындан эсе, мени
къулакъларым уллудула. Муну къуйругъу да неге ушай-
ды, жипи жерни хансы кибик?! Мени къуйругъум а,
багъалы патчахыбыз, сени къуйругъунга ушайды.
Аны юсюне уа мен окъуй да билеме: «Ийха-а-а… ийха-
а-а…» – деп. Бу уа, тишлерин ачып кишнегенден сора,
жукъ билмейди. Ма алай болуп тургъанлай да, адамла
менден эсе, муну сыйлы кёредиле. Анга къалай чыдар-
гъа боллукъду, ы?
– Да атны да болур сенден озгъан жери…
– Угъай, аны менден озгъан жери жокъду. Оза эсе –
ашап озады. Ол а алай махтаулу иш тюйюлдю, – дегенни
айтды эшек.
Аслан сагъышланды.
– Алай эсе, экигиз да чабышыгъыз да, ким озса да,
аперимлик аны боллукъду, – деди аслан.
Ат бла эшек чабышдыла. Ат эшекни жолда къоюп,
озуп кетди. Аслан махтауну атха берди. Эшекни ичи
бютюнда кюйдю. Хорланнган этгенликге, атха зарлан-
макълыгъы къалмады. Атны намысын тюшюрюр ючюн,
бюгюн да, бюгече да аны юсюнден жетген жерде аман
хапарла жайып айланады дейдиле, атны сёгюп.
«Эшек эшеклигин этмей къоймаз» деп, таулула, баям,
аны ючюн айтхан болурла.



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Mizah » AT BLA EŞEK -АТ БЛА ЭШЕК
Page 1 of 11
Search:

Copyright Karachay © 2017