Assı | Tarih: Salı, 14-06-11, 8:10 PM | Mesaj # 1 |
Albay
Grup: Admin
Mesaj: 93
Ödüller: 0
İtibarlarınız: 5
Konum: Dışarıda
| Cetdi da zaman, kuvanç etebiz. Kuvanç cetdi da - boza içebiz.
Sıylı camağat, kulak iyigiz. Alğış sözüme - amin – deçigiz.
Allah eştsin deb, alay başlayım Kölüm carıkdı, tavkel aytayım.
Adet bla Namıs – em ullu baylık. Tav adet, tüldü, bu duniya zarlık
Kökde kuvansañ cerni unutma Haram cumuşha kesiñi sukma.
Alğış tileseñ kesi canıña Anı da, tece, başsız carlığa.
Eñiş süremge bek katı çabma Kiriş süremge bazınmay barma.
Karğış közlünü közüne kirme. Kölü camannı, tüşge da, iyme.
Sıysız aşama, sıysız aç bolma. Aşnı halalın, itge da, koyma.
Caşav kuraşdır anañ süygença Tolsun muratıñ - kesiñ körgença.
Kartlık allına çarpımay cetgin Tuvduk bolğan da munu tilesin.
Carlı honşuñu caşları bolsun Bay honşuña da, ırıshı, konsun.
Boluşmay eseñ, kacav da bolma. Otha – buzğa da, atlan, sen, oñ bla.
Alğan zatıñı - kaytar alğarak Bergen zatıñı - cokla artdarak.
Kayğı kozğama – ırcı üleşme. Üyü künsüz bla çırt da küreşme.
Murtat üzük bla teñ-cav da bolma. Malın – itin da katıña koyma.
Colğa va, alan, asıl bla atlan. Suklanıv ese, akılğa suklan.
Caşav – caşavdu, amandı deme Cuvuksa - deb da, çına tireme.
Caman adamğa, caşav hal aman. Halal aşağan, tarıkmaz andan.
Canı corğalı - köbnü çabadı Topal canlı va - colda kaladı.
Çınığıv - ese, igiden çınık Sılık üretgen kuru sılıklık.
Eşek – eşekdi, cavhar nal urma Tebsi kurama caman bla cut bla.
Canıñ tinlensin igi cumuş bla. Kabır da kazma tili vulu bla.
Nasıb kalağa col ışan köbdü. Kaysı colğa da kerek zat ötdü.
Carık muratha da tözümdü eltgen. Köknü – cerni da tözümdü teşgen.
Açha da, halal, coya bilgenñe, Savğa - sakatha ülüş etgenñe.
Caşağan insan - ölgen da eter Bizge berilgen bizge da ceter.
Allah bergenñe boynu salayık Cürek içleni din bla casayık.
Alğış sözüme – amin – deçigiz. Hay da, alanla, kuvanç etçigiz !
Bir köb tübeyik carık künlege Nasıb köb kelsin tavlu üylege!
Sözümden ese, siz, köb caşağız! Carıkdı kök da, örge karağız.
18.02.06.
Sapar Öz. Turna Avuş. Bashanstan.
|
|
| |