Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
  • Page 1 of 1
  • 1
Forum (Nığış) » GENEL BÖLÜM » Tavruhla » KELİN BLA KAYIN ANA
KELİN BLA KAYIN ANA
kaçigarTarih: Salı, 11-01-11, 11:43 PM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda

KELİN BLA KAYIN ANA

Ertte-ertte bir katın bla kişisi aşap, caşap bolğandıla. Alanı bir cañız caşları bolğandı. Bir zamanda katınnı eri ölgendi da, anası bla caşı kalğandıla. Caş maravçu bolğandı. Har zamanda vuğa aylanıp, anası da kesi da kuru kiyik et bla caşağandıla. Bir bölek cıldan sora, katınnı caşı bek aythılık bolğandı. Anası caşına katın alğandı. Bir belek cıl bolğandan sora kelin anasına igi bolmay tebiregendi. Kelin har iñirden, et aşağan zamanda kayın anasına süeklerin berip etin erine bla kesine sala turğandı. Anı kayın anası alay aythandı: - Oy, men kor bolayım kelinime, maña süeklerin beredi da, çuñurun-muñurun da kazıp, bir igi toyama.
Anı kayın anasına alay etivçüsün caş bilmegendi. Caş anasına har iñirden, aşağan zamanda artha kalğanına tıñısız bolup turğandı Caş: «Marcama, etni kesim üleşip bir kermesom» dep, bir iñirde etni kesi üleşgendi. Anasına etni şavgütlerinden, süegi az bolğan cerlerinden bergendi. Sora anası kelininden ese alğa boşağandı.
- Oy, kor bolayım men caşıma, kazarğa süek tapmadım ansı, toyğan a igi etdim, - degendi.
Caş, katınnı kayın anasına igi bolmağanın bilgendi. Anası kelini kesine aman bolğanlıkğa, anı amanlığın caşına bildirmezge küreşip turğandı Ekinçi kün, iñirde kelin etni üleşgendi. Biyağı anası artha kalıp boşağandı. Sora, ol iñirde anaları, çuñur-muñurun kazıp, zavuk etdim, toydum demegendi. Caşı: «Endi mıña bir amal etmey esem bolmaydı», dep tebiregendi. Aşap boşağandan sora, caş üynü içinde ne suv, ne özge suvsapha içer zat koymağandı. Keçeni güz ortalık zamanında caşnı katını, kiyik etden igi aşağanı sebepli, suv içerge vyanñandı. Üyde, ayamay izlep, suv tapmağandı Kesi suvğa barırğa korkup kişisin vyathandı Eri: «Kesiñ suvğa bar da iç», dep barırğa unamağandı. Sora katın kesi suvğa barğandı. Ol ketgenley caş, kobup, aña esletmey, tınç ızından barğandı. Katın suvğa cetip, suv içerge bavurlanñanlay, caş cetgendi. Terk okuna sermep eki butundan tuthandı Tuthanlay, suvğa - suvğa bulğağandı. Katın kıçırık etgendi. Caş: - Uy, suv anası suvlu kız, kayın anasına aman bolğannı har zamanda da eterigim bılaydı, - dep, kim bolğanın tanıtmay, suvğa - suvğa bulğağandı Endi bolur degenden sora, koyup, kesi terk okuna üyüne kaythandı. Katın esin taşlarğa azdan kalıp, kaltıray - kaltıray, üyge kaythandı. Ol üyge kaythanlay, kişisi: - Saña ne bolğandı, nek cibigense? - dep bek seyirsinñen kibik etgendi. Katını bir kesekge deri abızırap, avzundan söz da çığaralmay turup, sora ahırında, haparın bek kıynalıp aythandı. Ol künden sora, kelin kayın anasına et üleşgende, tap üleşip bolğandı.



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Tavruhla » KELİN BLA KAYIN ANA
  • Page 1 of 1
  • 1
Search:

Copyright Karachay © 2024