| kaçigar | Tarih: Cuma, 16-09-11, 10:52 PM | Mesaj # 1 |
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
| Domalaynı cırı
Ertteden beri men Karaçayğa kirmevçem,
Bayğa bolmasa, carlı adamğa timevçem.
Kaphınladan a men cüzden azın sürmevçem, oy tay-ta,
Kaphınlanı da bir belüp-belüp sürüvçem.
Vağonña kuyup da ne Armavirge iyivçem,
Armavirde da bir ginyaz kibik cürüvçem,
Men tura edim da ol konak üyde olturup,
Stolumu da sıylı içgileden tolturup.
Ğappolanı ne Oydur keldi üsüme,
Kündüz colukğanma men, keçe kergen tüşüme.
- Tursañ a, Domalay, turur kezivüñ bolğandı,
Elkuşnu başı da bir kaphın atdan tolğandı.
Ol kezivde da bir atlanırğa süymevçem,
Çığara barıp a öltürlüklerin bilmevçem.
Örleb a biz Elkuş başına barğanbız.
Ğappo ulu da ne gerohuna uzaldı,
Çolak Biyaslan a, tartıp, kamasın çığardı.
Elkuşnu başı da ol kızıl kandan kızardı.
Seni cavuñ a aman niyet tutsun teñine.
Seni cavuñ aman niyet tutsun teñine,
Baş tokmağımı da kesip sukdula ceñime.
Ana karındaşım ma Golalanı Nanıdı,
Oruslu katınım teppe kekelimden tanıdı.
Ölgen ölügümü da eltip caordan atdıla,
Meni ol kök atımı, Terkden ötdürüp, satdıla,
Altın kamamı da, zaloğğa salıp, tartdıla,
Olturğan cerde da meni cırımı aytdıla.
Şitkaladadı eki iynaral cuvuğum,
Duniyanı da ma kol ayazlay cürütgen.
Kanımı da alalmay, ketip barama,
Oy, Gappolanı da ma Oydur degen bir itden.
Süygen teñiñ Gappolanı Oydurdu,
Çığara barıp, çolak Biyaslanña soydurdu,
Halal kanımdan haram itleni toydurdu
Oydur da ketgendi bu duniyadan, tüp bolup.
Domalay catadı, ma kaya ıranda, kurt bolup,
Ölgen a ölügümü, eltip, cardan atalla,
A, kaya ıranda da bir cav çırakla canalla
Gezohnu ulanı bılay cigit tuvğan Biynöger!
Cigitlik bolmasa, homuhluknu bir da süymegen.
Oyra, o süymegen.
Suvda batmağan a, ne va canñan otda küymegen,
Ötürük aytmağan, kişige amanlık bilmegen.
Oyra, o bilmegen.
Tamada karnaşıñ, Umar, it avruvdan(1) avruydu.
Amalın tavusub, ol cuvuknu-teñni soruydu.
Oyra, o soruydu.
Ol öledi, deydile, sanları kızıb, küedi,
Ölüründen alğa teñlerin körürge süedi.
Oyra, o süedi.
Da avruy ese, canım, aña darmanña ne carar?
İt avruvnu horlar kallay bolsun, Tabu(2), bir madar.
6
Cuvuk-teñ keldile, kıyın avruğannı kördüle.
Atlarına minib, bılay tavğa, tüzge sürdüle.
Oyra, o sürdü;
Biz madar izleb, alan, ne keçe, ne kün catmaybız,
Aña carar darmannı ne tavda, tüzde tabmaybız.
Oyra, o tabmaybız.
Aylanabız, alanla, biz aña darman izleybiz,
Darman a tababız, aña ne cararın bilmeybiz.
Oyra, o bilmeybiz.
Biynöger, sorayım deb, obur katınña(3) barğandı,
Bek calbarğanında, obur katın taşın salğandı.
Oyra, o salğandı.
Oburnu taşı, burulub, üç tizginñe sıyındı:
— Darmannı keliri tınç tüyüldü, — dedi, — kıyındı.
Oyra, o kıyındı.
7
— Aña cararık bardı — bir ak maralnı sütüdü,
Anı tutarık ana karnaşıñı egeridi.
Oyra, egeridi.
— Barmay tohtasañ, batır, seni canıñ sav kallıkdı,
Kalmazlık a bolsañ, karnaşıñ ızıñdan barlıkdı.
Oyra, o barlıkdı.
Biynöger ketgendi ana karnaşına it tiley,
Umar a kalğan edi, ma kiyik-maral süt küsey.
Oyra, o süt küsey.
Men barğan edim a ana karnaşıma konakğa,
Başım kaldı sora bu tav ellege comakğa.
Oyra, o comakğa.
Biynöger tüşünde, ey, ullu bıçağın biledi,
Ertdenbla turub, ana karnaşından it tiledi,
Oyra, o tiledi.
Ana karnaşı anı konak kibik a körmedi.
Egeçden tuvğanña egerni havhluğun bermedi.
Oyra, o bermedi.
Saña it bermegen da, sen izlegença, it bolsun,
Duniyadan, sora, Biynöger cigitley, tüb bolsun.
Oyrad, o tüb bolsun.
— Boş ışanñan edim men allay cuvukğa da cakğa,
Bu üynü sanamazma kesime cuvuk ocakğa.
Oyra, o ocakğa.
— Öpkeleb ketdim andan, guruşha bolub, cav bolub,
Ak maralnı savmay, Teyri(4), kayıtmazma sav bolub.
Oyra, o sav bolub.
8
Mıdah bolub bara, Kubadiy uluna tübedi,
Ol, haparın bilib, Biynögerge ma bılay dedi:
Oyra, o bılay dedi:
— Bizde bardı, canım, Cemegeyden(5) kelgen gacile,
Ala tabhanla bolalla ızçı kaspar pariyle.
Oyra, o pariyle.
Kubadiyları va Biynögerge cuvuk bolmayla,
Arbazlarında, canım, bir kaspar(6) itle oynayla.
Oyra, o oynayla.
Ol barğan edi sora Kubadiylağa it tiley,
Ala tura edile talkıda tuvar teri iyley.
Oyra, o teri iyley.
Kubayları va munu konak kibik kördüle,
İtlerinden saylatıb, eki kasparnı berdile.
Oyra, o berdile.
Alanı alıb, Biynöger kayıthan ed üyüne,
Üretgen edi da eski arbazına, sözüne.
Oyra, o sözüne.
Men, bu vuğa tebrey, salam aythan edim kartlağa,
Örleb çığarıkma maralla otlavçu çatlağa.
Oyra, o çatlağa.
Kartla salam alıb, bir köb tilek tiledile,
Muratıma cetib kayıtırımı nzledile.
Oyra, izledile.
9
Anda, bara-bara, salam berdim oña, avlakğa,
Örge karadım a kiyikle kelivçü kulakğa.
Oyra, o kulakğa.
Egerleni iyib, men vuğa iylene tebredim,
Oy, Ullu Bashannı miyik tavlarına örledim.
Oyra, o örledim.
Ey, tavnu başında aylana-aylana sorukdum,
Tuvra karıvsuz bolub, izlegenime colukdum.
Oyra, o colukdum.
Ketib barğanlayıma, Gucdar(7) çıkğan edi allıma,
Ol tübege edi bılay meni ceti kanlıma.
Oyra, o kanlıma.
Olsağatdan tögerek, oy, tuban boldu, çars boldu,
Ğucdar kiyigim sora meni allımdan tas boldu.
Oyra, o tas boldu.
Ol tübetgen edi bir kaña cayaklı kiyikge,
Sürüb anı çığardım sadak atsañ cetmez miyikge.
Oyra, o miyikge.
Oyra, çaba-corta, men anı ızından çıkğan em,
Çıñıl kayada boynundan urub a cıkğan em.
Oyra, o cıkğan em.
Oy, tav töppelede aylana-aylana, bezgen em,
Üç ayaklı maralnı uzakdan karab körgen em.
Oyra, o körgen em.
Üç ayaklı Gucdar cañıdan çığadı allıma,
Bıllay künle kelsinle süymegenime, kanlıma.
Oyra, o kanlıma.
10
Ğucdar kiyikni ma bılaydı, teñle, haparı:
Ol, biraz barıb a, ızına aylanıb karadı:
Oyra, o karadı.
Töppesi cıltıray ed, ma Miñi Tavda buz kibik,
Anı aybatlığı, — bu toyda oynağan kız kibik.
Oyra, o kız kibik.
Dağıda arivluğu, — çuba içinde kız kibik,
Aythan karğışları va — carağa sebgen tuz kibik.
Oyra, o tuz kibik.
Kekeli cıltıray ed, da bir miyala köz kibik,
Tuyakları citi, — bılay cırmı tikgen miz kibik.
Oyra, o miz kibik.
Müyüzleri anı — sora etge çançhan tiş kibik,
Tavğa örlegeni — bu kökde barğan kuş kibik.
Oyra, o kuş kibik.
Oyra, müyüzleri tüz etge çançıvçu tiş kibik,
Meni ol künüm da keçe körüvçü tüş kibik.
Oyra, o tüş kibik.
Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
|
| |
| |
