| kaçigar | Tarih: Çarşamba, 09-09-09, 10:39 PM | Mesaj # 1 |
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
| KARA KÜN
Карачаевцы
İtle buşuvlu uluyla, canım,
Kiştikle - açı makıra,
Eşikle katı kagıladıla,
Üydegileni çakıra.
***
Uşkok kalakla tiyelle, canım,
Terk açılmagan eşikge.
Anası üsüne kaplandı, deydi,
Sabiy seskenñgen beşikge.
***
Tañg ertten, canım, ne bolup kaldı,
Bilmey turganlay Malkarga?
Kıyama künü cetdimi, deydi,
Bu mart ayında har targa?
***
Tavlaga kaçıp baralla, canım,
İzgiltin bolgan a koyla.
Endi etillik bolurmu, deyse,
Malkarda algınça toyla?
***
Har üyge kirip, okuyla, canım,
Kıralnı katı buyrugun,
Malkar halknı va bılaydan, deydi,
Kayrı ese da kururun.
***
Kıyama künñge uşaydı, canım,
Tögerek - sıyıt, hadaga.
Birça Allahha biz tayanayık,
Madar cokdu da kadarga.
***
Tıgırıklanı kişnep baradı
Bılaydan kaçhan tor atıñg.
Har üy sayın a bölgendi, deydi,
Stalin üç da soldatın
***
Aş, hapçuk zat da alalmaydıla
Karıvsuz kartla, sabiyle.
Caşla askerde kaldıla ansı,
Cetmez edile bu künle.
***
Şkol 2 allında saklaydı, canım,
Bizni eltirik maşina.
Andan a karap, sarnaydı ana,
Kara kan cavup başına.
***
Malla taralıp müñgüreydile:
«Kimge koyasız bizni?» - dep.
Ay, kıyınlı halk, sañga bolmazmı
Ullu Allahdan bir sebep?
***
Biz curtubuznu koyup barabız,
Kimle kararla tavlaga?
Umutubuznu üzüp ketmeybiz,
Allah cetdirir cavlaga.
***
Ogurlu kartla maşinaladan
Cilâp karayla da artha,
Kaytmazlıkların seze bolurla
Candan bagalı bu curtha.
***
Cilâv, hadaga, kıçırık, - urup,
Bizni talagan suvmudu?
Barı da birge koşulup, burup, -
Cahanim degen bumudu?!
***
Çıgıp barabız biz Malkar tardan,
Ala barırmek ak kardan?
Sekirip ketsek edi va cardan.
Ne hayır bolur biz bardan?
***
Kart, maşinadan sekirip tüşüp,
Cerni kuçaklap, cilâdı,
Ol, tobuklanıp, ol, duva tutup,
Allında taşnı sıladı.
***
Oy, sav kalıgız, siz tavlu elle,
Karagan közge asıvla.
Oy, sav kalıgız, kiyikli cerle,
Siz, biyik tavla, terk suvla!
***
Oy, tuvgan cerim, ogurlu curtum,
Sen sav kal, canım, salamat!
Korkma, biz kaytıp kelirbiz artha,
Allahha bol sen amanat!..
***
Sav kalganıbız kaytırbız artha,
Allahdan bir buyruk bolsa,
Halklaga teyri eşik açılıp,
Etgen tilekleri tolsa!..
Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
|
| |
| |
