MİNGİ TAU Sen kökge cete miyikse
Kavkaz tavlanı içinde.
Miyala kibik cıltıray,
Kanga buzların üsünde
Üsünde bardı ak tonun,
Sen cay da, kış da kiyese.
Kün buzulurğa tebrese,
Boran eterge süyese.
Kün ariv, çuvak turganlay,
Tohtamaydı boranın,
Cay da, kış da erimeydi
Üsündegi buzların.
Tögereginde toğay otlayla
Altın müyüzlü kiyikle.
Seni többenge çıgıvçandıla
Bögekle bla cigitle.
Kiyik buvların öküredile
Konguravlanı kakkança,
Cuğuturların turuşadıla
Atlıla çarsha çabhança.
Kablanların, aslanların
Buğoylarına kirelle.
Pokunların, gujdarların
Adam cıyını bilelle.
Ayülerin muruldaydıla
Şındık çegetni içinde.
Börülerin kalkıydıla
Koylanı köre tüşünde.
Kök caşnasa sızdıralla
Eteklerin cel ete...
Menden küçlü cokdu deb,
Kesin kesine köl ete.
Kablanların karab turalla
Beklege kirib, mınayıb,
Borsukların, tülkülerin
Cuvuk barırda uyalıb.
Kankazların kankıldaydıla,
Çın tavukların cırlayla.
Kargaların kark-kurk ete
------------------------------------------------
CIRDA AYTILGANI
Sen kökge cete miyikse
Kavkaz taulanı içinde.
Miyala kibik, cıltıray,
Kanga buzlarıng üsüngde.
Üsüngde bardı ak tonung,
Sen caz da, kış da kiyese.
Kün buzulurga tebrese,
Boran eterge süyese.
Kün ariu, çuuak turganlay,
Tohtamaydı boranıng,
Cay da, kış da erimeydi
Üsüngdegi buzlarıng.
Buznu, karnı cıyıuçu,
Başınga bulut konuuçu.
Tögereğinge basınıb,
Taulula karab toymauçu.
Kesin begitmey cıkgannga,
Başha bolmay, bir causa.
Sau duniyanı başında
Em belgili bir tausa.