kaçigar | Tarih: Perşembe, 10-09-09, 0:25 AM | Mesaj # 1 |
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
| Bilal LAYPAN
САКЪ БОЛУГЪУЗ СЁЗГЕ
Сёз ючюн джаратханды шайырны Аллах. Сёзню, тилни джангыртыр ючюн, саугъалагъанды аны керамат бла, фахму бла да. Сора, Аллах берген кераматны, фахмуну Аллахха, адамгъа къаршчы бурса уа поэт, анга бек уллу къыйынлыкъла джетерикдиле. Аллах берген керамат бла, фахму бла Ибилисге къуллукъ этсе,- бергенин сыйырлыкъды Аллах андан: поэт кераматсыз, фахмусуз да къаллыкъды. Кёб башха палах да джетерикди анга: ол заманда да сокъуранмаса, тюшюнмесе – бютеу багъалатхан затларын барын - джашауу да аланы ичинде - тас этерикди поэт. Адабиятдан, дуниядан да сыйсыз болуб кетерикди... «ШАЙЫРНЫ БОРЧУ» статьядан.
***
Сёз менден тамадады, Къалюбалада джаратылгъанды ол. Къыйынлыкъдан неда къартлыкъдан Ёлюрге да боллукъду ол.
Сёз менден тамадады: Кёрмесем аны къачын, сыйын – Кесими да болурму сыйым? Сёз ючюн да соруллукъ – алдады.
Сёз менден тамадады. Ёмюрледен келеди адет: Сёзге орнун къоюб, Алай кетеди джашаудан поэт.
Ары дери да поэтге, Джангыз былайды джашау: Сёзню атха миндириб, Кеси барады джаяу.
Аллах берген джанындан Поэт Сёзге этеди юлюш. - Кимди да джан салгъан Сёзге? - Сёзге джан салгъан – Поэтди, алай а, Аллахданды Сёзню да джаны.
Ангылагъан халкъ аны, Сёзге болур артыкъ да сакъ. Сёзде барды Адам, Сёзде барды Хакъ.
Сёзню хакълыгъы, акълыгъы ючюн, Шайыр джанын этеди къурман. Сезилгенлей турлукъла Сёзде Аллах бла адам.
Сакъ болугъуз: джашайла Сёзде Аллах эмда адам.
ÖLÜMSÜZLÜKGE UZALA
Kaynay-kaynay suvu kuruğan Kazanña uşama,kıyın cüregim Çaba- çaba talağı turğan Acirge uşama,cürük cüregim
Taşnı teşgen kırdıkğa uşa Taş tübünde da sınsıma Taş başında da sızğırma Kaç kelligin bilgenley caşa
Kaç kelse wa canawlada, Biyagı taşnı tübüne Tüşeriñi bilgenley caşa Tuwğan taşıñ sın taşıñ bolur
Süymey eseñ a ölürge Eliyası ,kün tayağı da bolğan Başıbızdagı kökge uşa Karalsañ da kögerseñ da Dunıyanı kuçaklab caşa Dunıyanı költürüb caşa Kurşow bolub bir kör sen da Alamnı kesiñe sıyındıralsañ Zamannı kesiñe sıyındıralsañ Adamnı kesiñe sıyındırslsañ Caşaw ,ölüm da seni içiñde. Sen a Ölümsüz bolluksa cürek Laypanlanı Bilal
*****************
Ay da kökden uçhalay kelib Kaya yerninde tohtağandı Cürekden da çığıb ketib Mıdahlık keçeni tolturğandı
Curtda canğız terekni Şuwuldağanın eşitgença bolama Mölek kanatlı ana tilekni Adamladan,zamanladan da ötüb Caşawğa salawat yetib Aylanñanın sezgença bolama.
Kalıwbalada ana caşına Etgen tilekni küçü kudreti Anamı tilegine qoşulub Büğün meni çırmawdan saklaydı
Anala ketsele da ana til kaladı Atala ketsele da Ata curt kaladı
*********************
Ana tilekle kurşalağan Ana cilamukla tazalağan Cer da caraların ayazğa tuta Buruladı alkın alğınça Alay a rahat soluvun alğınçı Cañı kayğıla cañı carala Alay a igi umutla ,corala Ana tilekle taza cürekle ötgür kökürekle Kutharırla dunıyanı kutharırla L.Bilal
**************
Şo miñ-miñ cılnı adam ulusu Kan da ter da tögüb nege Nege küreşe edi em ahırında Kesi kesinden boşarık bolub
Tuwduklağa tillerin curtların Ölümsüzlüknü koyğança koyub Ketgendile Ata babala biz a Biz ne koyarıkbız tuwduklağa
Tuwduklarıbız da bollukmudu kaydam Ahırzaman kölekgesi Üsübüzge tüşgendi büğün
Ala bolsa da örge karamağan Körlük tüldü köknü, culduznuda ''Hayt '' derge.Bu eki söz- Ölümsüzlükge eki atlam
Şıbılası bardı deb Kökge karamazğa bollukmudu Adam ulunu miñcıllık coldu Bizni kolubuzdan üzülmez Bizni tölüde tohtamaz, oğay!
****************
Bir buşuwu qayğısı carsıwu Bolmağan kim bardı bu dunıyada Alay abütew adamuluğa tüşgen qorquw Töppe tükleriñi örge turğuzadı
Dağıda adam ''hayt''derge qüreşedi Kökge cergede umutlu qaray ''Baçha tolu bolsun'' deb urunadı Mal kütedi ''köb bolsun'' deb
Alay a qorquw ketmeydi kölden Aşıñ-suwuñ soluğan hawañ da Ölür ot bolub boşasala İşiñden küreşiñden bütew caşawuñdan da Ne hayır ne mağana
**************
Kögürçünñe karasañ Sılarıñ keledi Cılannı kuçaqlarğa Kimni barlıkdı kölü?
Seyir etgen: Tübegenim Oramda uppalaşa turğan Cılan bıla kögürçüññe
Alay a esleb karağanımda Kögürçün - cılan közlü kögürçün edi.
Kögürçün betli cılanla Cılan közlü kögürçünle, Sizge cer da - tar, kök da - tar Sürkele uçhan canla, Canğız zarlık etmez tarlık- Ol keñ coluğuz sizni
*****************
Kaydağımı unutub Seyir tüşle körgenme Ay carığın uyutub Ayran etib içgenme
Künden -nartüh gırcından Külün da kökge çaçıb Awuzum küe aşadım Ol ay ayranña çançıb
Cerime tansık bolub Keramat tüş körgenme Curtda cañız Terekge Baş ururga kelgenme
Halkıma tansık bolub Kuçaklay kadaw taşnı Betden betge körgenme Karça bla Botaşnı
Mıdah edi betleri Közleri sağıştan tolu Halk talk bolmaz dey yedile Tilibiz esen bolub
Ayrılık kirmey tursa Söz bolub,men- sen bolub Halk Talk bolmaz dey edile Birige bilgen bolub
(Laypanlanı Bilal)
*********************
Canım çıga yedi da sensiz kalama deb Sensiz kaldım.Da nek çıkmadı da canım? Ay medet Kemsiz etseñ alay boladı deydile...
Bıllay bir nege küeme açıyma Akılımdan şaşarça bolub Kesi -kesimden şaşarça bolub
Oğay bıllay bir nege kıyınlaşama Ana tilim seni sıfatıña kirib Bir tış halqnı caşına yerge çıkğança, Ata curtum ana tilsiz kalğança Can töñekden ayrıla turğança Oğay bıllay bir nege kıyınlaşama
Ata curtum bar anatilim saw Ala üçün kerekdi caşarğa ,ölürge da Sınsımam,sınmam,büğülgen da etmem Bu aythanımı eterge unamağan cürekge Kalay eteyim ne eteyim ansı? Laypanlanı Bilal
***************
Közleribiz carır üçün künça ayça Sözleribiz carar üçün künça ayça Söleşeyik Karaçayça
Elibleçe sıylı Elleribizde Candetleça ariw cerleribizde Karaçay tilni bereketi tursun
Başha curtda başha halk bla Caşarğa tüşse ol halknı Tilini adetini da bilirme Meni curtumda meni cerimde Caşab turğanla , caşarğa kelgenle da Razı bolub süyüb ürenirle Meni tilime adetime İnnetleri tüz ese alanı
Karaçay Halklığınğı tas etmegen eseñ sen Krallığın bar ese seni Frantsiyaga Frantsuz til kulluk etgença İñilitsge İñiliz til kulluk etgença Karaçay til senñe alay kulluk eter
Laypanlanı Bilal
******************
Carlı tilim,bay tilim Culduz tilim,ay tilim Dunıya tilim,tar tilim Budyan tilim,tram tilim Navruz,Adurhay tilim Karça tilim, Botaş tilim Tav tilim,taş tilim Nart tilim,caş tilim Karaçay tilim Ana tilim
***************
BİZ...
''Kobannı taşın calab , Suwun içib turluk esek da, Kayıtırıkbız arı,caşarıkbız anda'' Degen tawlulanı caşları- Büğün Kesibizni dunıya malğa aldatıb Ata-babaladan kalğan tıbırlanı Ata-babala catthan kabırlanıda Atıb, Kaw-kuw bolub keteribizni kim ayatadı?
Biz- Ne kara keçele da Sözleri tawlağa, Közleri tañlağa uşağan Taşlada culduzlanı köre caşağan Kuturğan canıwarnı-şıbılanı- Sırtından kayiş kobarıb alğan Cazıw suwdan tutdurub Kayadan salındırsada ''Mından ullu kıyınlığıñdan da Sen sakla'' deb,es taşlamay Ahırga deri erkişiley kalğan Tawlulanı caşları Alanı ''Arakıdan esirgen ayazır, Ayrandan esirgen ayazımaz'', Degen sözlerin da unutub, Toyub kuturub,kurub keteribizni kim aytadı?
Biz, Tamblanı sabanın süre Boyunshada bargan ögüzle esek Barazada bargan ögüz- Esibizdi tarihibizdi
Biz- Başlarıbıznı baş künñe salıb Gürge baraz,ortabayrım, şabat, Iyıh künlege çırmalıb, Cürekleribiz zamannı takikalağa üleşe, Köknü ceti katına çığarğa küreşe Caşağan teyri adamları Cer kurtlağa burulmazbız Kırılmazbız.
Har curtnu kesini Kadaw taşı Kadaw taşlada süeledi adam mekamı Har curtnu kesini cañız teregi... Terekleden kuraladı dunıya çegeti.
Adamladan kuraladı halk. Tamçıladan kuraladı köl. Kölnü saklar üçün Tamçılanı saklarga kerekdi. Adamlanı köz karamlarından,umutlarından Cürek tılpıwlarından,tileklerinden Ölümsüzlükle termiliwlerinden Kuralğan kudretdi Teyri da Allah da
Biz- Zamannı,alamnı,dunıya kazannı da Çaçılırğa koymay baylab turğan Culduz çıklı caşaw sıncırıbız Birem-birem olgenlikge Birgeley ölümsüzbüz biz.
Biz- Tabigatnı alamça çeksiz, zamança uzun, Birde caznı,birde kaçnı,birde kışnı, Birde caynı türsününe kire, Har takikada cañıra,türlene, Ölede tuwa turğan Ömürle cırıbız,ömürlük cırıbız
Laypanlanı Bilal
KADER KEÇE
Sanlarım davaçıdıla-davçudula başıma: Başdan akıl ketse, ayakğa küç ceter. Kereksizge köb kıynadıñ bizni. İssiden, suvukdan, avruvladan da saklamadıñ. Tohtamadıñ etginçi bizni sakat. Tört sanımdan hayır kalmağandı? deb, Dağıda, vyalmay, tersleyse bizni. Etmeseñ edi sen bizge cavluk, Zamansız ketmez edi savluk?.
Tıñılayma davuna töñegimi. Tıñılayma davuna cüregimi. Tañña deri tohtamayla davla. Meni rahat koymayla ala.
Canımı tohtavsuz talaydı töñek. Türlü-türlü urub, kıynaydı cürek. Keçe uzunu eteme sağış. Kaçımı kaltırata, cuvuklaşadı kış.
Kıyamat kün tirilib, bolurma sav. Başhalağa koşulub, sanlarım da aytırla dav. Bilmeyme, kutulurmamı soruvdan. Alay a, hayır çıkmaz korkuvdan.
Andan ese, hazırlanayım ahıratha. Caşavumu tüşüreyim kağıtha. Kaltırasa da kalam tuthan kolum, Kesi kesimden bir alayım soruv.
Küreşeyim cuknu caşırmay, aytırğa tüzün. Allahnı allındaça, açık bolsun sözüm. Sora bir köreyim, ne aytırın halk. Halk aythanña da tıñlarık bolur Hak.
Alay a, bügeçe cazmayma cuk. Küreşeme bolurğa Ğarşha cuvuk. Kalğanladan başharak, tileyme Allahdan: Şayırnı, şiyirni da haramdan, günahdan, Özübüznü, sözübüznü da haramdan, günahdan Tazala, kuthar. Ak söz da Hak söz bla bolurça et?. Anı tileydi Allahdan bügeçe poet.
2011 cıl, 26-27 avğust
Ana tilin süygenni, Har zamanda kölü tok, Anatilni süymegenni, ''ANAM'' derge erkinligi cok.
|
|
| |