99: 1-8.
99 Суура Аззалзала - Тебрениу.
Рахматлы Джумушакъ Аллахны аты бла. Къыямат кюнню келлик хапары.
1.Джер къаты тукъум тебреннген заманда,
2.джер да къарнында джюгюн тышына чыгъаргъан заманда,
3.сора инсан: "Мынга не болгъанды", - дер,
4.сора ол да (джер) ол кюн аланы хапарларын айтыр.
5.Сени Раббинг анга уахью (буйрукъ) этгени ючюн.
6.Сора ол кюн адамла джыйын - джыйын, Аллахны аллына тебиниб барырла, этген ишлерин кёрюр ючюн.
7.Сора биреу мискъала зарра чакълы (букъучукъ тенгли) бир ашхылыкъ - сууаблыкъ этген эсе, аны кёрюр,
8.Биреу да мискъала зарра чакълы бир аманлыкъ этген эсе, ол да аны кёрюр