96 Суура Алгъалакъ - Къан кесек.

(Эм биринчи тюшген суура. Мухаммад араблыланы идоллагъа табыннганларын джаратмай, джюреги къачыб, азыкъ да алыб, Нёр тауда Хира деген дорбуннга барыб, кече - кюн да анда туруб, кёб сагъышла, оюмла этиб, хар нени сюзюб, джаратылгъан затлагъа къараб, дуниягъа Ие излеб кюрешгенди. Сора бир джолда, ол билмей тургъанлай, бир зат келиб анга Аллахны буйругъун айтханды. Джабраил мёлек болгъанын а ол билмегенди).

Рахматлы Джумушакъ Аллахны аты бла.

1.Джаратхан Раббинги аты бла окъуб башла!
2.Инсанны уюгъан къан кесекден джаратхан. (Ананы хатхусунда джабышгъан суу кесекчикден джаратхан).
3.Окъу (айт), сени Раббинг бек чомартды.
4.Ол къалам бла джазаргъа юретген,
5.аны хапары болмагъан затха юретген.
6.Огъай алай тюлдю! Ишексиз, ол адам тамам чекден чыгъады, (Бу хапар Абу - джахилни юсюнденди. Ол Мухаммадны Кябада намаз къылыб кёрсем, мен аны таш бла уруб башын эзерме дегенди),
7.ол кесин керексизге санамакъ бла
8.Ишексиз, къайытыу Раббинги аллынады.
9.Ол чырмау болгъан адамны кёрдюнгмю сен, (Абу-джахилни)
10.бизни къулубуз (Мухаммад Кябада) намаз къылгъан заманда.
11.Кёлюнге къалай келеди, ол тюз джолда эсе уа.
12.Неуа ол, Аллахдан къоркъмакъгъа чакъыра эсе уа?
13.Ол да (Абу Джахил) хакъны ётюрюк этиб, анга чарлай эсе уа.
14.Сора ол, Аллах къараб тургъанын билмеймиди?
15.Огъай, ол умут этгенча тюлдю! Тохтамаса (Мухаммаддан), Биз аны кекелинден сюйреб келтирибиз, 16.ётюрюкчю, терсейген кекелинден - 17.сора чакъырсын, ол джыйынын!
18.Биз да джаханимни сакълауулларын чакъырыбыз!
19.Огъай, алай тюлдю! Сен анга, чыртда, бойсунма, (Мухаммад). Аллахха да табын , Анга джууукълашыргъа да кюреш,