93: 1-11.
93 Суура Аддзуха - Эртден.
(Бир бёлек кюнню Джабраил келмей, уахью да созулуб Мухаммад къайгъылы болгъанды. Джюреги къыйналыб не этерге билмей, бек джунчугъанды. Ол заманда аны сюймеген джаулары, къууанч эте: "Мухаммадны Аллахы аны ташлады, ол алай боллукъ эди", - дегендиле. Ала аны джинле бла къатышыб тургъаннга санагъандыла. Анга джууабха бу суура тюшгенди).
Рахматлы Джумушакъ Аллахны аты бла.
1.Мен ант этеме эртден кёзюу бла да,
2.къап - къарангы кече бла да.
3.(Мухаммад), Раббинг сени ташламады, Аны сеннге кёлкъалдысы да джокъду.
4.Дуниядан эсе, сеннге ахырат хайырлыды. 5.Раббинг а, артда сеннге берир, сен да разы болурса .
6.Сора Ол сени ёксюзлей табыб кесине къысмадымы?
7.Аджашмакъда табыб тюз джолгъа салмадымы?
8.Джарлы халда табыб бай этмедими?
9.Ёксюзню айтсакъ, аны кючлеме (тюртме).
10. Садакъачыны айтсакъ, аны да къыстама.
11.Раббинги нигъматларын айтсакъ а аланы хаман айт,