87 Суура Ал агъла - Эм мийик.

Рахматлы джумушакъ Аллахны аты бла.

1.Махтаула бла Мийик Раббинги атын тазала.
2.Хар нени джаратыб, толу сыфат берген.
3.Хар неге да энчи къадар бериб, тюз джолун да кёгюзтген.
4.отлауланы да битдирген,
5.артда аланы къара къаудан этиб къойгъан.
6.Биз сеннге бу Къуранны окъутурбуз, сора сен да аны унутурукъ тюлсе,
7.къуру Аллах унутдурургъа сюйгени болмаса. Ишексиз, Ол уллу айтханны да, ичинден айтханны да эшитеди. (Джабраил Файгъамбаргъа Къуран аятланы окъугъан заманда, унутуб къоярма деб къоркъуб, ол уллу - уллу айтханды, бу аятла ол заманда тюшгендиле).
8.Биз сеннге джолну эм тынчха тынч этербиз. Адамлагъа ислам динни тутхан къыйын кёрюнсе да, халкъ ол джолгъа тюшгенден сора, арт ахыры бек тынч, рахат джашау болуб къалады. Нек десенг ол халкъгъа тынчлыкъгъа келгенди.
9.Айтыб (Къуран бла) эсгертгенинг хайыр бере эсе, (хаман) эсгерт.
10.Аны эсге аллыкъ а, къуру Аллахдан къоркъгъан адамды.
11.Андан джанлагъан а эм джарлы адамды,
12.эм уллу отда кюерик,
13.ол анда не ёлмез, не сау болмаз.
14.Насыблы болду, кесин да тазалаб,
15.Раббисин да эсгериб намаз этген.
16.Огъай! Сиз а дуния джашауну сайлайсыз,
17.ахырат а сизге хайырлыды, бошалмазлыкъды.
18.Ишексиз, бу хапарла алгъыннгы джазыулада да барды,
19. Ибрахимни да, Муссаны да китабларында.