82: 1-19.
82 Суура Ал инфитаар - Джарылыу.
(Къыямат кюнню къалай келлиги).
Джазыкъсынуучу джумушакъ Аллахны аты бла.
1.Кёк джарылгъан заманда,
2.джулдузла да чачылгъан заманда,
3.тенгизле да бир - бирине къуюлгъан заманда,
4.къабырла да ачылгъан заманда,
5.хар ким нени хазырлагъанын, нени къойгъанын билир.
6.Эй, Инсан! Чомарт Раббингден терсине сени не зат терилтеди,
7.сени джаратыб, толу этиб, субай санла берген.
8.Ол сени кеси сюйгенича сыфатда къурады да.
9.Огъай, алай тюлдю! Сиз сюд кюнню ётюрюкге санайсыз.
10.Сизни юсюгюзде уа сакълауулла (мёлекле) бардыла.
11.(Аллахны) сыйлы, (гюнах, сууаб) джазыучулары,
12.Сизни не этгенигизни ала биледиле.
13.Ишексиз, ашхыла зауукълукъда болурла,
14.ишексиз, чекден чыкъгъанла уа джаханимде болурла.
15.Сюд кюн ала отда кюерле.
16.Ала андан бир таша джер табмазла,.
17.Сора ол къаллай кюндю? Аны сеннге ким билдирир?
18.Энтда (сорама), ол къыямат кюн деген, къаллай кюндю? Сеннге аны ким ангылатыр?
19.Ол кюн бир джан бир джаннга, къолундан бир зат келмез. Ол кюн а, оноу бары да, къуру бир Аллахха тохташыр