Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
  • Page 1 of 1
  • 1
Forum (Nığış) » GENEL BÖLÜM » Madanıyat em adet » Ana til
Ana til
kaçigarTarih: Cumartesi, 05-04-14, 10:38 PM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Ana til

21.02.2012 0 1636  T. Abayhanlanova
Abayhanlanı Tanzilya,
Orconikidze poseloknu Orta şkolunu 8-çi klassını sohtası

Ana til - adamnı  ata-anası, ata-babaları, milleti söleşgen tildi. Adam talay tilni bilirge boladı, bilalgan da etedi. Bilirge da kerekdi. Alay a em bagalı, adamnı kesini ençi tili - ana tilidi. Anga «ana til» deb da boş aytılmaydı.
Adam sagış, oüm ana tilinde etedi. Ana tilni makamı adamga cılıu, küç-karıu, sauluk beredi. Ana tilinde cırlauçulanı, tıngılauçulanı da kölleri carık, caşauları uzak boluuçusu ertde eslenngendi. Alanı adeblilikleri, namıslılıkları da ullu boladı. Ala ata-babalarını sıyların miyikde tutadıla, alanı tin baylıkların «sata» aylanmaydıla.
Adam kaysı tilde söleşirge öç ese, ol milletni adamıdı deb boş aytılmaydı. Sabiyliginden başlab, söleşgen tilni üsü bla adamga ol milletni millet angısı singib, tini, kılıgı da anga köre kuraladı.
Millet da tilini üsü bla saklanadı. Tili unutula barsa, - ol milletni adamları başha tillede söleşe tursala, - ol millet sedireb, til tas bolsa, millet da tas boladı. Milleti bolmagannı ua tüz, taza halisi da, sıyı da bolmaydı. Ol sebebden, ana tilin bilmegen, süymegen adam - ol milletin, ata-babaların, ata-anasın, kesin da uçuz, sıysız etedi (anga satlık hali derge bollukdu).

Ana tilim
(Semenlanı İsmail)

Til degening adam cannı başha candan
Sıylı etgen,
Til degening har insannı bilim berib
Alga eltgen,
Tili bolgan bu duniyanı patçahıdı,
Töründedi.
Bolmagan a baş bauludu, hayuannı
Kemindedi.

Poetle ana tilni üsünden aytırga, anı teren caşau maganasın çerterge anı üçün küreşedile.
Aman til bardı derge caramaz, har tilde da kesiça bir igilik bolur, alay a, har kimge da kesini tili ariu körünüuçüsü hakdı.
Bizni tilibiz a, karaçay-malkar (alan) til, duniyada bek ertdeleden oguna bek keng cayılıb turgan türk tilleni em ertdegili butagıdı. Bek ertdegili, bay, seyir, taza tildi. Anı alimle ertde açık etgendile.
Bizni har biribiz bu seyir tilibizni igi bilirge, saklarga,
kesibizden gitçelege bildirirge borçlubuz.

Ana tilim
(Mamçulanı Dina)

Ana tilim - taularımı kadau taşı,
Namısımı,nasıbımı sıylı başı,
Ana tilim - cüregimi   bulbul  cırı,
Milletimi nür çıragı, sıyı, sırı.
Ana tilim da, Ata curtum da birdile mennge.

Biz Karaçay-Çerkes respulikada caşaybız. Bizni respublikabız Rossiyanı em ariu cerlerini biridi. Men cay atam bla Biyçesınnga çıkganımda, bir seyir bolgan edim. Keçe culduzla  kolung bla uzalıb ceterça, alay çuuak körüne edile. Kündüz miyik kayalanı tübünde karasang, caşil talada, alanı içleri bla kümüşça cıltıragan suula, suu sekirtmele, alaça cıltıragan ak kancalbaş üyle.Men kuuanama bıllay curtda tuuganıma kesimi da bu tabigatha uşarım keledi.Ariu
da, karıulu da,bilimli da,namıslı da bolsam, tabigatnı ariuluguna kelişirik edim...
Bizni respublikanı adamları mamırlıknı süygen adamladıla.Ala bir-birine boluşadıla, kuuançnı, kaygını, da birge etedile, bayramlanı birge bardıradıla.

Curtum, desem sabiy bolub, kuçaklayma anamı,   soldat bolub, çegibizni saklama, anna bolub unutama cukumu...
Curtum desem, tauça bolub teren kölüm, har carsıudan saklayd meni deu halkım. Curtum desem,   nença tilde, nença cırga seyirsinib tınglayma...

Nür türsünlü, tatlı tilli Ata curtum,
Köküregingde   ösdürgense    sen meni.
Işan mennge , Curtum-canım,
Canım-sendend! Canım-sended!

Adam cerni süygen adet ese, süeme seni, adam cerni süygen borç ese, süeme seni, adam cerni süygen dert ese, süeme seni…
Adam cerni süygen bediş ese da, ıylıkmayma kişiden - süeme seni, kök naratlanı, kök bulutlanı, tuugan curtum!

Şkolçula ana tilde cazgan çıgarmaların entda sallıkbız internet-portalıbızda.
http://www.elbrusoid.org/articles/madaniyat/390239/



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Madanıyat em adet » Ana til
  • Page 1 of 1
  • 1
Search:

Copyright Karachay © 2024