Assı | Tarih: Cuma, 23-12-11, 0:14 AM | Mesaj # 1 |
Albay
Grup: Admin
Mesaj: 93
Ödüller: 0
İtibarlarınız: 5
Konum: Dışarıda
| Noğayçık
Nart tavruh 1 ERTTEN KONAK Nart Elini gım-ğım kartı-kurtu bar, Örüzmekni taş kaladan curtu bar. Taş curtuna ertten konak iyleşdi, – Ey, kim bardı üyde? – deb’ a söleşdi. Arbazda bir sabiy caşçık oynay tura edi da, – Caşçık, konak alamısız? – dedi da! – Nek almaybız, konak koydan cuvaşdı, Konakbayğa kuvançdı! – Alay-alay söleşdi, dey, caşçık da: – Ey, konak, kel, abızırama azçık da! Konak degen – Teyridendi, – dedi, dey, Arı tüyül – beridendi, – dedi, dey. – Da men sizge cıl konakğa kelgenme! – – Kelgen eseñ, sav kele tur, elgenme. – Da men, – dedi, – künden irik aşarma, Alaşam da künden geben boşar da! Sabiy caşçık kerti seyir etdi, dey, Sabiy caşçık üyge kirip ketdi, dey. Nart Örüzmek çıkdı, deydi, birazdan. – Kel, konak, – dep söleşdi, dey, arbazdan. – Kel, cuvuk bol, nek turasa tışında? Kel, sav kel, – dep carık boldu, – tüş atdan! – Da men sizge cıl konakğa kelgenme! – Ay, anı üçün korkma, cigit, elgenme! – Da men, – dedi, – künden irik aşarma, Alaşam da künden geben boşar da! – Ne konaksa, bir irikden korka eseñ! Atha geben biçen nedi, corğa ese! Konak bolsañ konakbaynı sıylaysa, Tüş atıñdan, meni nege sınaysa!
|
|
| |