Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
  • Page 1 of 1
  • 1
Forum (Nığış) » GENEL BÖLÜM » Edebiyat Sanat » NAZMULA(Şiirle)-Laypanlanı Bilal(Лайпанланы Билал)
NAZMULA(Şiirle)-Laypanlanı Bilal(Лайпанланы Билал)
kaçigarTarih: Pazar, 09-08-09, 7:14 PM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
ÖLÜMSÜZLÜKGE UZALA

Kaynay-kaynay suvu kuruğan
Kazanña uşama,kıyın cüregim
Çaba- çaba talağı turğan
Acirge uşama,cürük cüregim

Taşnı teşgen kırdıkğa uşa
Taş tübünde da sınsıma
Taş başında da sızğırma
Kaç kelligin bilgenley caşa

Kaç kelse wa canawlada,
Biyagı taşnı tübüne
Tüşeriñi bilgenley caşa
Tuwğan taşıñ sın taşıñ bolur

Süymey eseñ a ölürge
Eliyası ,kün tayağı da bolğan
Başıbızdagı kökge uşa
Karalsañ da kögerseñ da
Dunıyanı kuçaklab caşa
Dunıyanı költürüb caşa
Kurşow bolub bir kör sen da
Alamnı kesiñe sıyındıralsañ
Zamannı kesiñe sıyındıralsañ
Adamnı kesiñe sıyındırslsañ
Caşaw ,ölüm da seni içiñde. Sen a
Ölümsüz bolluksa cürek

Laypanlanı Bilal

*** *** *** ***
ЁЛЮМСЮЗЛЮКГЕ УЗАЛА

Къaйнай-къайнай сууу къуруган
Къазаннга ушама,къыйын джюрегим
Чаба- чаба тaлагы турган
Аджирге ушама,джюрюк джюрегим

Ташны тешген къырдыкга уша
Таш тюбюнде да сынсыма
Таш башында да сызгырма
Къач келлигин билгенлей джаша

Къач келсе уа джанаулада,
Бийагы ташны тюбюне
Тюшеринги билгенлей джаша
Тууган ташынг сын ташынг болур

Сюймей есенг а ёлюрге
Елийасы ,кюн тайагы да болган
Башыбыздагы кёкге уша
Къаралсанг да кёгерсенг да
Дуныйаны кучаклаб джаша
Дуныйаны кёлтюрюб джаша
Къуршоу болуб бир кёр сен да
Аламны кесинге сыйындыралсанг
Заманны кесинге сыйындыралсанг
Адамны кесинге сыйындырслсанг
ДЖашау ,ёлюм да сени ичингде. Сен а
Ёлюмсюз боллукса джюрек

Лайпанланы Билал

*** **** ***

Ay da kökden uçhalay kelib
Kaya yerninde tohtağandı
Cürekden da çığıb ketib
Mıdahlık keçeni tolturğandı

Curtda canğız terekni
Şuwuldağanın eşitgença bolama
Mölek kanatlı ana tilekni
Adamladan,zamanladan da ötüb
Caşawğa salawat yetib
Aylanñanın sezgença bolama.

Kalıwbalada ana caşına
Etgen tilekni küçü kudreti
Anamı tilegine qoşulub
Büğün meni çırmawdan saklaydı

Anala ketsele da ana til kaladı
Atala ketsele da Ata curt kaladı

*** **** ***

Ай да кёкден учхалай келиб
Къайа ернинде тохтагьанды
ДЖюрекден да чыгьыб кетиб
Мыдахлыкъ кечени толтургьанды

ДЖуртда джангьыз терекни
Шууулдагьанын ешитгенча болама
Мёлек къанатлы ана тилекни
Адамладан,заманладан да ётюб
ДЖашаугьа салауат етиб
Айланнганын сезгенча болама.

Къалыубалада ана джашына
Етген тилекни кючю къудрети
Анамы тилегьине къошулуб
Бюгюн мени чырмаудан сакълайды

Анала кетселе да ана тил къалады
Атала кетселе да Ата джурт къалады

**** **** ****

Şo miñ-miñ cılnı adam ulusu
Kan da ter da tögüb nege
Nege küreşe edi em ahırında
Kesi kesinden boşarık bolub

Tuwduklağa tillerin curtların
Ölümsüzlüknü koyğança koyub
Ketgendile Ata babala biz a
Biz ne koyarıkbız tuwduklağa

Tuwduklarıbız da bollukmudu kaydam
Ahırzaman kölekgesi
Üsübüzge tüşgendi büğün

Ala bolsa da örge karamağan
Körlük tüldü köknü, culduznuda
''Hayt '' derge.Bu eki söz-
Ölümsüzlükge eki atlam

Şıbılası bardı deb
Kökge karamazğa bollukmudu
Adam ulunu miñcıllık coldu
Bizni kolubuzdan üzülmez
Bizni tölüde tohtamaz, oğay!

*** **** ****

Шо минг-минг джылны адам улусу
Къан да тер да тёгюб неге
Неге кюреше еди ем ахырында
Кеси кесинден бошарыкъ болуб

Туудукълагьа тиллерин джуртларын
Ёлюмсюзлюкню къойгьанча къоюб
Кетгендиле Ата бабала биз а
Биз не къойарыкъбыз туудукълагьа

Туудукъларыбыз да боллукъмуду къайдам
Ахырзаман кёлекгеси
Юсюбюзге тюшгенди бюгюн

Ала болса да ёрге къарамагьан
Кёрлюк тюлдю кёкню, джулдузнуда
''Хайт '' дерге.Бу еки сёз-
Ёлюмсюзлюкге еки атлам

Шыбыласы барды деб
Кёкге къарамазга боллукъмуду
Адам улуну мингджыллыкъ джолду
Бизни къолубуздан юзюлмез
Бизни тёлюде тохтамаз, огьай!

*** *** *****

Kaydağımı unutub
Seyir tüşle körgenme
Ay carığın uyutub
Ayran etib içgenme

Künden -nartüh gırcından
Külün da kökge çaçıb
Awuzum küe aşadım
Ol ay ayranña çançıb

Cerime tansık bolub
Keramat tüş körgenme
Curtda cañız Terekge
Baş ururga kelgenme

Halkıma tansık bolub
Kuçaklay kadaw taşnı
Betden betge körgenme
Karça bla Botaşnı

Mıdah edi betleri
Közleri sağıştan tolu
Halk talk bolmaz dey yedile
Tilibiz esen bolub

Ayrılık kirmey tursa
Söz bolub,men- sen bolub
Halk Talk bolmaz dey edile
Birige bilgen bolub

*** *** ***

Къайдагьымы унутуб
Сейир тюшле кёргенме
Ай джарыгьын уйутуб
Айран етиб ичгенме

Кюнден -нартюх гырджындан
Кюлюн да кёкге чачыб
Ауузум кюе ашадым
Ол ай айраннга чанчыб

ДЖериме тансыкъ болуб
Керамат тюш кёргенме
ДЖуртда джангыз Терекге
Баш урурга келгенме

Халкъыма тансыкъ болуб
Къучакълай къадау ташны
Бетден бетге кёргенме
Къарча бла Боташны

Мыдах еди бетлери
Кёзлери сагьыштан толу
Халкъ талкъ болмаз дей едиле
Тилибиз есен болуб

Айрылыкъ кирмей турса
Сёз болуб,мен- сен болуб
Халкъ Талкъ болмаз дей едиле
Бириге билген болуб



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Pazar, 09-08-09, 7:20 PM | Mesaj # 2
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Canım çıga yedi da sensiz kalama deb
Sensiz kaldım.Da nek çıkmadı da canım?
Ay medet
Kemsiz etseñ alay boladı deydile...

Bıllay bir nege küeme açıyma
Akılımdan şaşarça bolub
Kesi -kesimden şaşarça bolub

Oğay bıllay bir nege kıyınlaşama
Ana tilim seni sıfatıña kirib
Bir tış halknı caşına erge çıkğança,
Ata curtum ana tilsiz kalğança
Can töñekden ayrıla turğança
Oğay bıllay bir nege kıyınlaşama

Ata curtum bar anatilim saw
Ala üçün kerekdi caşarğa ,ölürge da
Sınsımam,sınmam,büğülgen da etmem
Bu aythanımı eterge unamağan cürekge
Kalay eteyim ne eteyim ansı?

*** *** ***

ДЖаным чыгьа еди да сенсиз къалама деб
Сенсиз къалдым.Да нек чыкъмады да джаным?
Ай медет
Кемсиз етсенг алай болады дейдиле...

Быллай бир неге кюеме ачыйма
Акъылымдан шашарча болуб
Кеси -кесимден шашарча болуб

Огьай быллай бир неге къыйынлашама
Ана тилим сени сыфатынга кириб
Бир тыш халкъны джашына ерге чыкъгьанча,
Ата джуртум ана тилсиз къалгьанча
ДЖан тёнгекден айрыла турганча
Огьай быллай бир неге къыйынлашама

Ата джуртум бар анатилим сау
Ала ючюн керекди джашаргьа ,ёлюрге да
Сынсымам,сынмам,бюгьюлген да етмем
Бу айтханымы етерге унамагьан джюрекге
Калай етейи не етейим ансы?
Лайпанланы Билал
*** *** ***

Carlı tilim,bay tilim
Culduz tilim,ay tilim
Dunıya tilim,tar tilim
Budyan tilim,tram tilim
Navruz,Adurhay tilim
Karça tilim, Botaş tilim
Tav tilim,taş tilim
Nart tilim,caş tilim
Karaçay tilim Ana tilim

*** **** ***

ДЖарлы тилим,бай тлим
ДЖулдуз тилим,ай тлим
Дуныйа тлим ,тар тлим
Будйан тилим трам тилим
Науруз,Адурхай тилим
Къарча тилим Боташ тилим
Тау тилим,таш тилим
Нарт тилим,джаш тилим
Кюн тилим,гюл тилим
Къарачай тилим ,Aна тилим

*** *** *** ***

BİZ...

''Kobannı taşın calab ,
Suwun içib turluk esek da,
Kayıtırıkbız arı,caşarıkbız anda''
Degen tawlulanı caşları-
Büğün
Kesibizni dunıya malğa aldatıb
Ata-babaladan kalğan tıbırlanı
Ata-babala catthan kabırlanıda
Atıb,
Kaw-kuw bolub keteribizni kim ayatadı?

Biz-
Ne kara keçele da
Sözleri tawlağa,
Közleri tañlağa uşağan
Taşlada culduzlanı köre caşağan
Kuturğan canıwarnı-şıbılanı-
Sırtından kayiş kobarıb alğan
Cazıw suwdan tutdurub
Kayadan salındırsada
''Mından ullu kıyınlığıñdan da
Sen sakla'' deb,es taşlamay
Ahırga deri erkişiley kalğan
Tawlulanı caşları
Alanı ''Arakıdan esirgen ayazır,
Ayrandan esirgen ayazımaz'',
Degen sözlerin da unutub,
Toyub kuturub,kurub keteribizni kim aytadı?

Biz,
Tamblanı sabanın süre
Boyunshada bargan ögüzle esek
Barazada bargan ögüz-
Esibizdi tarihibizdi

Biz-
Başlarıbıznı baş künñe salıb
Gürge baraz,ortabayrım, şabat,
Iyıh künlege çırmalıb,
Cürekleribiz
zamannı takikalağa üleşe,
Köknü ceti katına çığarğa küreşe
Caşağan teyri adamları
Cer kurtlağa burulmazbız
Kırılmazbız.

Har curtnu kesini Kadaw taşı
Kadaw taşlada süeledi adam mekamı
Har curtnu kesini cañız teregi...
Terekleden kuraladı dunıya çegeti.

Adamladan kuraladı halk.
Tamçıladan kuraladı köl.
Kölnü saklar üçün
Tamçılanı saklarga kerekdi.
Adamlanı köz karamlarından,umutlarından
Cürek tılpıwlarından,tileklerinden
Ölümsüzlükle termiliwlerinden
Kuralğan kudretdi Teyri da Allah da

Biz-
Zamannı,alamnı,dunıya kazannı da
Çaçılırğa koymay baylab turğan
Culduz çıklı caşaw sıncırıbız
Birem-birem olgenlikge
Birgeley ölümsüzbüz biz.

Biz-
Tabigatnı alamça çeksiz, zamança uzun,
Birde caznı,birde kaçnı,birde kışnı,
Birde caynı türsününe kire,
Har takikada cañıra,türlene,
Ölede tuwa turğan
Ömürle cırıbız,ömürlük cırıbız

Laypanlanı Bilal



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Edebiyat Sanat » NAZMULA(Şiirle)-Laypanlanı Bilal(Лайпанланы Билал)
  • Page 1 of 1
  • 1
Search:

Copyright Karachay © 2018