Ana Cokdan bürtük, bar etib,
Bawuruñda költürüb,
Anam, bizni ösdürdüñ,
Ak sütüñü içirib.
Suw ağaçıñ boynuñda,
Seni urçuğuñ koluñda,
Közüñ kıymay sen bizni
Tüşürürge koynuñdan.
Balalarıñ awrusa,
Sen külmeyin, ışarmay,
Kesiñ karab keçe, kün,
Başhalağa ışanmay.
Kıyın künde tıbırda
Otubuznu candırdıñ,
Üyübüznü sakladıñ,
Cüregiñ bla cılıtıb.
Halibizge kayğırıb,
Seskeklenib, sak bolub,
Kara çaçıñ közüwsüz
Bizni üçün ak bolub.
Caşaw ullu teñizdi,
Ol teñizden ötalmay,
Seni kölüñ biçgença,
Biz da tamam etalmay.
Zaman çabıb, oy anam,
Biz da sürüb cetalmay.
Caşaw ketib baradı,
Seni razı etalmay.
Meni urğan cüregim -
Seni cürek kesegiñ,
Keçe kün da tilegim:
Uzak bolsun ömürüñ.