Segizinçi martnı ertteni har taulu üyürge da birça başlañan edi. Erttenlikde kün cılıvu uyatıvçu sabiyleni beşik bavların kara kuzğun teşdirgen edi adam sıfatda kelgen cırthıç canıvarla. Ol murdarlık, ol artıklık milletibizge ne üçün bolurğa kerek edi degen soruv soruvlay kalğandı. Colla, caşav colla... Kalay kıyındı bu sözleni teren mağanaların açıklağan, añılağan... Köçgünçülüknü açı caraları ömürde da sav bolmazla, ala milletni cüreginde caşaydıla. Ol kıyınlık köp milletleni cilathandı, cilathannı koy da cerni başından dump eterge azdan koyğandı Köçgünçülüknü azap colun közleri bla körgen anı açı kanatından açığan, ol collada tobuklana dağıda milletini öhtemligi esine tüşe da es cıya, adamlıkların, milletliklerin, taululukların tas etmey bizge deri tilibizni, dinibizni, adet-törebizni saklayalğan, cetdirgen tamatalarıbızğa uzak ömür, sauluk tileybiz!
Кёчгюнчюлюк...
Сегизинчи мартны эрттени хар таулу юйюрге да бирча башланган эди. Эрттенликде кюн жылыуу уятыучу сабийлени бешик бауларын къара къузгъун тешдирген эди адам сыфатда келген жыртхыч жаныуарла. Ол мурдарлыкъ, ол артыкълыкъ миллетибизге не ючюн болургъа керек эди деген соруу соруулай къалгъанды. (с) Жолла, жашау жолла... Къалай къыйынды бу сёзлени терен магъаналарын ачыкълагъан, ангылагъан... Кёчгюнчюлюкню ачы жаралары ёмюрде да сау болмазла, ала миллетни жюрегинде жашайдыла. Ол къыйынлыкъ кёп миллетлени жилятханды, жилятханны къой да жерни башындан думп этерге аздан къойгъанды
Кёчгюнчюлюкню азап жолун кёзлери бла керген аны ачы къанатындан ачыгъан, ол жоллада тобукълана дагъыда миллетини ёхтемлиги эсине тюше да эс жыя, адамлыкъларын, миллетликлерин, таулулукъларын тас этмей бизге дери тилибизни, динибизни, адет-тёребизни сакълаялгъан, жетдирген таматаларыбызгъа узакъ ёмюр, саулукъ тилейбиз!
