Krımşauhallanı Tausoltan haci üyürünü arasında.

 D. Ermakovnu işi-caşauu aslamısına Tiflisde boladı. Alay a ol 1880-çı cılladan başlab, Kavkaz bla kalmay, cuuuk emda Orta Aziyada da köb kere bolgandı. Anı seyirlik fotolaboratoriyası Tiflis şaharda ornaladı. Ol cıllada Dmitriy Ermakov caydan cayga Kavminvod kurortlada solub aşıradı zamanın.

 Anı bla baylamlı İssisuuda fotoişini ffilialın da açadı. 1883-çü cıl ol Rossiyanı belgili alimleri V.F. Miller, M.M. Kovalevskiy bla birge Malkarga, Tegeyge da baradı. Shauatnı, Bashannı, Çegemni seyirlik süjetlerin suratha tüşüredi. Izı bla tış kralçı colouçula bla talay kere Eski Karaçayda işin bardıradı. 1896-çı cıl birinçi surat katalogun Tiflisde basmalaydı. Anda segiz ming surat bardı da, barısına ençi pasport caraşdırıb basmalagandı. Alay demeklik, camagatda belgili adamlanı tukumların, atların da cazıb, suratnı kayda, kaçan alganın da belgileb, alay çıgargandı. «Vidı Kavkaza», «Zerkalo Kavkaza» degença albomla, poçta otkrıtkala Tiflisde, Odessada, Sankt-Peterburgda, Moskvada, Narsanada, Rostovda çıgadıla emda büteu duniyaga

 

 

 Olturganla (soldan) - poruçik Botaşlanı Abdul-Rahman haci, Krımşauhallanı Abdurzak haci, Dauletgeriy haci, praporşçik Tausoltan haci; süelgenle - Botaşlanı Üsüb, Özdenlanı Alisa afendi, poruçik Krımşauhallanı Aslanbek. 1896-çı cıl.

cayıladıla.

 Andan da ozub, suratla kavkaz temaga atalgan rossiyaçı emda tış kralçı colouçulanı statyaları bla kitabların da casaydıla. Alay a, ol avtorla, har zamanda, har kalayda da suratlanı tüblerine bir halda tolu haparların cazıb barmaganları eslenedi.

 İzdatellege ne başhası bardı kim eseng da - es bölürça ekzotikalı zat bolsa boldu. Ol zatnı hatasındandı kartcurtçu kartlanı «kabartılıla» bolganları da. Revolüsiyaga deriçin bu surat cazıuçu Evgeniy Markovnu «Oçerki Kavkaza» degen kitabında (ol kitab 1887-çi bla 1914-çü cıllada üç kere basmalanngandı) «Stariki kabardinsı» deb çıkgandı. Ol halda Bayçoralanı Cammolatnı üyürü bla tüşgen suratına da «Kabartı üyür», Ogarı Teberdiden Bayçoralanı Ojaynı suratına da «Kabartı üyür» deb cazılıb, poçta otkrıtkala cayıladıla. Surat 1967-çi cılda da «Oçerki Karaçaevo-Çerkesii» degen kitabha tüşedi.

 Köb bolmay da, Nalçikde Vladimir bla Mariya Kotlyarovla E. Markovnu kitabın cangıdan çıgaradıla, tübünde cazıula da, tüzetilmey, burunça kaladıla. 1897-çi cıl vengrli alim İ. Deçi Budapeştde «Kavkaz» degen ekitomluk kitabın çıgargandı. Anı ekinçi tomunda Orusbiylanı üsünden suratlau oçerkde da bu başında aytılgan suratla basmalanadıla - anda da ol halatla bla.

Sovet vlastnı cıllarında kartcurtçu aksakalla tüşgen surat ol közüudegi ideologiyaga kelişmegeni sebebli, bırnak bolub turadı. Sıngar, bir kere Leningradda (atsızçuusuz) basmalanadı, ansı başha bir cerde tübemeydi. Suratnı em seyir «odisseyası» ua 1978-çi cıl boladı. Ol cıl «Karaçaylıla» degen tarih-etnografiya oçerkle kitab bolub çıgadıla. Arı bu surat da salınırga belgilenib edi.

 Özge, andagı kartlanı-hacileni sarhların retuş etib, çırpa börklege uşatırga kerekse, deydile avtorga (Şaman uluga). Ol halda basmaga ters tüşerin izlemey, avtor anı kitabdan alıb koyadı. Ermakovnu surat katalogunu kopiyasın a Karaçay-Çerkes oblastnı kraeved muzeyini fondlarına beredi (iş etib izlegen anda tabarıkdı). Sıngar, 1980-çı cıllada tarihçi Tekelanı Kemal Dmitriy Ermakovnu kolleksiya suratların Moskvada «Tarih muzeyni» fondlarından alıb, bu suratnı tübüne da «Elita karaçaevsev» deb cazıb, kesini monografiyasında çıgargan edi.

 
 

 Tüzlüknü ornuna salırga madar çıgadı. 1992-çi cıl aksakallanı suratları «Narodı Kavkaza» kitabha tüşedi, mıçımay Ufuk Taukul anı karaçay-malkar kulturaga atalgan kitabına tüşüredi, dagıda Kipkelanı Zarema «Karaçay-Malkar duniyası» gazetde, ızı bla da monografiyası bla albomunda basmalaydı.

Ol da alay bola turganlay, bir humaraçı «Humara i humarinsı» degen kitabında, bıltır da bir belgisiz avtor çerkes tilde çıkgan gazetde «kabartı kartla» deb basmalagandıla.