Taula sarnaganda
Açıklama:
.
As Alaniya
Taula sarnaganda
Segizinçi martda, tang alasında,
Halknı tar ırbınnga tıydıla.
Sabiy, kart demey, halknı barısın da
Meşinalaga jıydıla.
Tau kuşla kibik, öhtem taulu jaşla
Uruşda kazauat etelle.
İesiz kalıp, kabırla, sın taşla,
Halkımı ua kayrı eltelle?
Tersligibiz bolmay, alıp baralla,
Kayrı eltgenlerin bilmeybiz.
Kartaularıbız uzakda kalalla,
Biz a ışarmaybız, külmeybiz.
Taulada kalgan itleni ürgenleri
Jüreg'a jauungu aşaydı.
Sauluk iynekleni ökürgenleri
Kıyama aylanngannga uşaydı.
Biz haripleni alıb'a baralla,
Vagonla, sınjırça, tizilip.
Jolda atılganlay köple kalalla,
Jaşar ömürleri üzülüp.
Kabırların öksüz koymazla taulula,
Ertte, keç bolsa da, kaytırla.
Adamlıkların joymazla taulula,
Terslege dauların aytırla.