Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
  • Page 1 of 1
  • 1
Forum (Nığış) » ИНТЕР КАВКАЗ ФОРУМ » Литература и Искусство | Адабият бла Санагъат » Къарачай-малкъар тилде джырланы сёзлери. (Бир къаумланы тынгларга боллукъсуз)
Къарачай-малкъар тилде джырланы сёзлери.
kaçigarTarih: Pazar, 20-12-09, 6:31 PM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Багъалы ДЖамагъат!

Сау болугъуз болушханыгъызгъа да, къарап окъугъаныгъызгъа да бу белюмню. Кесибизни джырларыбыз унутулмасынла, бизге джетхен эселе, бизни ызыбыздан ёсе келген къауумгъа да джетсинле деп кюрешебиз. Амалыгъыз бар эсе уа бери кирип бир-эки джырчыкъ да къоша туругъуз, не да джазгъанларыбызда терс зат керсегиз да билдиригиз хар нени тюзетирча. Ариу тилибизни, джырларыбызны унутмайыкъ!

Bagalı Camagat!
Sau boluğuz boluşhanıgızga da, karab okuğanığızga da bu bölümnü. Kesibizni cırlarıbız unutulmasınla, bizge cetgen esele, bizni ızıbızdan öse kelgen kaumğa da cetsinle deb küreşebiz. Amalığız bar ese ua beri kirib bir-eki cırçık da koşa turuguz ne da cazganlarıbız da bir ters zat körsegiz da bildirigiz har neni tüzetirça Arıu tilibizni cırlarıbıznı unutmayık!

Сени тансыкъ кёзлеринг

А. Газаев и О. Сокурова

Сени тансыкъ кёзлеринг
Сейир насыпда жиляй,
Эринлеринг айтдыла,
Шош, акъырын шыбырдай:
Эринлеринг айтдыла,
Шош, акъырын шыбырдай:

Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.
Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.

Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.
Дуния толкъунларында
Къалмагъанлай жутулуп.

Жомакъда айтхан кибик,
Минг жылланы термилип,
Бир бирни тапхан кибик.
Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.

Кёзюм къарангы этип,
Дуния бола къарангы,
Жан дарман излегенча,
Изледим къарамынгы.
Жан дарман излегенча,
Изледим къарамынгы

Кимни джаны ауруду?
Сени кёрюр насыпны
Джашау энтда джаудурду.
Сени кёрюр насыпны
Джашау энтда джаудурду.

О, джаным, джаным, джаным,
Сюйсенг да джюрек бла,
Эшиталмадынгмы мени
Ол чарс кюн тилек бла?
Эшиталмадынгмы мени
Ол чарс кюн тилек бла?

Шукур, энтда тюбедик,
Сени тансыкъ кёзлеринг
Сейир насыпда жиляй,
Эринлеринг айтдыла,
Шош, акъырын шыбырдай:
Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.
Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.

Къалай болду да былай?
Мени къыйын чагъымда,
Узакъ, жууукъ ауазла
Къулагъыма чалына...
Жангыз сени ауазынг
Чакъырмады, келмеди.
Кимни кюсегеними
Дунияда жан билмеди.
Ол кюн, санга термиле,
Сынадым мен жангызлыкъ,
Анам, жууукъ, тенг, кёк, жер
Этгенча манга азлыкъ.
Кёзюм къарангы этип,
Дуния бола къарангы,
Жан дарман излегенча,
Изледим къарамынгы.
Ол кюн, ким билсин, манга
Кимни джаны ауруду?
Сени кёрюр насыпны
Джашау энтда джаудурду».
О, джаным, джаным, джаным,
Сюйсенг да джюрек бла,
Эшиталмадынгмы мени
Ол чарс кюн тилек бла?
Ол къыйын такъыйкъада
Къалай сезмединг аны —
Джюрегим джюрегингде,
Ачып, жиляй бургъанын?
Сен ачысанг — ол ачып,
Джарысанг — джарыгъанын?
Тылпыуча, кёз джарыкъча,
Керек болуп тургъанын?
Джаным сени джанынга —
Джан сакълаучу мёлеклей,
Тургъанын кече, кюн да
Хауа кибик кереклей.
Ол кюн мен тюйюлмедим
Ажалынгдан къутхаргъан,
Джанымы къолгъа алып,
Джанынгы сакълап тургъан?!
Ким биледи, джан джулдузум
Сени ючюнмю батмады?
Джаным сени джанынгы
Ненча ёмюр сакълады!
Ненча джюз, неча минг джыл
Келдинг мени кёрюрге,
Джанынг ташха, агъачха
Кёче ненча ёмюрде?
Бизге алай къыйналып
Тюшдю эсе джюрюрге,
Ол кюн сен ауазымы
Эшиталмасанг — къыйнал.
Ары деричиннге уа
Биргемесе, сен ийнан!
Ийнан, сау ёмюрлени
Мен биргенге болгъаннга,
Мен дуниядан кетсем да,
Джаным сенде къалгъаннга.
Мен ахыр джолгъа чыкъсам,
Саулукъдача джашыра,
Келмезмисе ол кюн сен,
Мени ары ашыра?
Сюйгенле, сюймегенле
Джылау этгенде манга,
Сен кенгдеми къалырса,
Тыш адамгъа санала?
Джилямукъ къатыш сёзле
Джазармыса дефтерге,
Онг тапмай, амал тапмай
Ауазымы эшитирге?
«Болалмадыкъ эсе да
Биз бир таулагъа ие,
Кетди,— депми джилярса,
— Мени жанындан сюе?»
Угъай, кёзюнг кёрмесе,
Ийнанма мен кетгеннге.
Мени саппа-сау сун да,
«Тын!» — де джиляу этгеннге.
Биз тюбеучю джерлеге
Кел, келгенча биринчи.
Сакъла, келме ызымдан,
Ма мен андан келгинчи!

***** ****** ******

«Гапалау»

Жайлыкъланы къоруй кетди, ханс болду,
Жарлы балам бу дуниядан тас болду, ой,
Анасына жигит туугъан Гапалау!

Стаутда толу къазан къайнайды,
Сени юсюнгде тогъуз а къазыкъ ойнайды, ой,
Анасына жигит туугъан Гапалау!

Къанынг барад къырдыкланы мор этиб
Ижалары елтюрдюле зор этиб, ой,
Анасына жигит туугъан Гапалау!

Гапалауну ёлтюрдюле, сойдула,
Жаш къатынын ау тюбюнде къойдула, ой,
Анасына жигиттуугъан Гапалау!

Жаучыларынг малларынгы сюрелле,
Ижалары сени ызынгнан кирелле, ой,
Анасына жигиттуугъан Гапалау!

(Стауатынг жилян жырмаз мурсады,
Сени ёлтюрген Ижаланы Мусады, ой,
Анасына жигиттуугъан Гапалау!)

***** ****** *****


КЕЛ, КЕЛ, КЕЛ... ТАУЛАНЫ КЕР

Жазда жайда сакълайма тауларымда,
Кёксюл ашхамларымда тангларымда,
Шуёхум кюндюз кёллендиредиле жол ызла,
Кече уа сени ашырыкъдыла жулдузла.

Кел, кел, кел...
Тауланы кёр,
Жерими жазы жайы да шоркъа тауушлу,
Жолунга тюшер кенг ала насып ал къушлу.
Кырдыкны чыгъып кюн жылтыратхан кезиуде,
Жугъутурланы кёрюрсе тауну кесинде.

Чакъырама сакълайма тауларымда,
Кюзню ашхамларымда тангларында,
Эл бердирликни жыйгъан да жигер эллиле,
Салкъын тёбеннгиде эшитилир эрирей.

Кел, кел, кел...
Сакълайды эл,
Жерими кюзю бишхен шапталла тюрсюнлю
Къуанч жарытыр сени тюшюнгю тюнюнгю,
Бирге къарарбыз элимде баргъан тойлагъа,
Алгъыш этербиз чагъырдан мюйюз толгъанда.

Чакъырама сакълайма тауларымда,
Къышны ашхамларында тангларында,
Бетинги сыларла Минги тауну желлери,
Билесе жюрекни жылыуну суукъ женгмезин.

Кел, кел, кел...
Урса да жел,
Жерими къышы ушайды сейир жомакъгъа,
Акъ кёгюрчюнле къаяладан акъгъан жумакъла,
Санарма мен санга жигитлени атланы,
Айтырма санга таурухларындан нартланы.

Кел, кел, кел...
Тауланы кёр,
Жерими жазы жайы да шоркъа тауушлу,
Жолунга тюшер кенг ала насып ал къушлу.
Кырдыкны чыгъып кюн жылтыратхан кезиуде,
Жугъутурланы кёрюрсе тауну кесинде.



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Pazar, 20-12-09, 6:39 PM | Mesaj # 2
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda

*Алтын кибик* 0

Altın Kibik

Ариу болмаз сюйгенле
Arıu bolmaz süygenle

Бир бирни англамасала
Bir-birin anglamasa

Сен жилямукъларынгы
Sen cilamuklarıngı

Тегюп тегюп жиляма
Tögüp tögüp cilama

Алтын кибик бармагъынг

Altın kibik barmagıng

Кюмюш кибик тырнагъынг
Kümüş kibik tırnagıng

Сюеме деп айтаса
Süyeme deb aytasa

Неге къыйнайса мени
Nege kıynaysa meni

Бийик таугъа миннгенме

Biyik tauga mingenme

Кермей болмайма сени
Körmey bolmayma seni

Бир кесекхе амал алып
Bir kesekge amal alıb

Шукур да болгъанем
Şukur da bolganem

Алтын кибик бармагъынг

Altın kibik barmagıng

Кюмюш кибик тырнагъынг
Kümüş kibik tırnagıng

Сюеме деп айтаса
Süyeme deb aytasa

Неге къыйнайса мени
Nege kıynaysa meni

Кезлеринг кекдюле сени

Közlering kökdüle seni

Кек атлы жалы кибик
Kök atlı calı kibik

Керегенг сен манга
Keregeng sen mannga

Къушха къанатла кибик
Kuşha kanatla kibik

Алтын кибик бармагъынг

Altın kibik barmagıng

Кюмюш кибик тырнагъынг
Kümüş kibik tırnagıng

Сюеме деп айтаса
Süyeme deb aytasa

Неге къыйнайса мени
Nege kıynaysa meni

Къашынгы бла кезюнг

Kaşıng bla közüng

Ортасында ай барды
Ortasında ay bardı

Санга термилип тургъан
Sannga termilib turgan

Ненча тюрлю жан барды
Nença türlü can bardı

Алтын кибик бармагъынг

Altın kibik barmagıng

Кюмюш кибик тырнагъынг
Kümüş kibik tırnagıng

Сюеме деп айтаса
Süyeme deb aytasa

Неге къыйнайса мени
Nege kıynaysa meni

Узакъ жолну келирме

Uzak colnu kelirme

Сени жангыз бир керюрге
Seni canngız bir körürge

Тенгизни жюзюп етерме
Tenngizni cüzüb öterme

Чачынга бир тиерге
Çaçınga bir tiyerge

Алтын кибик бармагъынг

Altın kibik barmagıng

Кюмюш кибик тырнагъынг
Kümüş kibik tırnagıng

Сюеме деп айтаса
Süyeme deb aytasa

Неге къыйнайса мени
Nege kıynaysa meni

(Газаланы Алим жырлайды)

**** ***** ******

*Шоркъа суу*
Тау дорбанны тешип чыгъама ой орайда
Къысыр ташланы саркъып жууама ой орайда
Жол узакъды мен ашыгъама ой орайда
Тау желни да жетип озама ой орайда

Эй, терен езенле, чегетле,
Эй, къотур къаяла, кюн бетле,
Сизге жангур келсин кюз жетсе
Суу тамчыларым суукъ аязым
Сизни ийнакълай озама

Сорушадыла шоркъа сууларынг ой орайда
Тар езенден кенге чыкъсала ой орайда
Керек жерде бурулуп ала ой орайда
Етедиле къуукъладан да ой орайда

Эй, терен езенле, чегетле,
Эй, къотур къаяла, кюн бетле,
Сизге жангур келсин кюз жетсе
Суу тамчыларым суукъ аязым
Сизни ийнакълай озама

Эй, терен езенле, чегетле,
Эй, къотур къаяла, кюн бетле,
Сизге жангур келсин кюз жетсе
Суу тамчыларым суукъ аязым
Сизни ийнакълай озама

Тау дорбанны тешип чыгъама ой орайда
Къысыр ташланы саркъып жууама ой орайда
Жол узакъды мен ашыгъама ой орайда
Тау желни да жетип озама ой орайда

Эй, терен езенле, чегетле,
Эй, къотур къаяла, кюн бетле,
Сизге жангур келсин кюз жетсе
Суу тамчыларым суукъ аязым
Сизни ийнакълай озама

(Газаланы Алим жырлайды)

**** **** *****

*Эшиклени ары бир ач...*

---Эшиклени ары бир ач, ары бир киреим,
Кезлеринги ариулугъун кесим бир кереим

---Кезлерими ариулугъун билмегенмисе
Чегетледе къара дугъум кермегенмисе?

---Эшиклени ары бир ач, ары бир киреим,
Къашларынгы ариулугъун кесим бир кереим

---Къашларымы ариулугъун билмегенмисе
Къарылгъачны къанатларын кермегенмисе?

---Эшиклени ары бир ач, ары бир киреим,
Санларынгы ариулугъун кесим бир кереим

---Санларымы ариулугъун билмегенмисе
Чегетледе субай нарат кермегенмисе?
(Газаев А., Сокурова О.)

*** ***** ***

Узденов А.

«Къарт атамы осияты»

Чууакъ кёкден кёлек тигиб кийсенг да,
Джулдузладан тюйме этиб тиксенг да,
Сен ыйлыкъма атанг кийген кийимге,
Къапталында аны халы тюймеге!

Сен ыйлыкъма топуракъ башлы юйлеге,
Сен ыйлыкъма атанг ёсген тийреге,
Сени сыйынг, намысынг да - алада,
Джашасанг да накъут-налмаз къалада!

Чий алтындан чурукъланы кийсенг да,
Джанынг саудан эсгертменги кёрсенг да,
Сен ыйлыкъма атанг кийген чабыргъа,
Тау Джуртунгда эрле къазар къабыргъа!

Башха халкъны тебен этиб кюрешсенг,
Тукъум сайлаб халкъны эки юлешсенг,
Ана тилни учуз этиб сёлешсенг,
Адамлыгъынг джокъду, анга ыйлыкъ сен!

Бир онгсузну аякъ тюбге теблесенг,
Ачхалыд деб, шиндиклид деб сый берсенг,
Джолоучугъа сатыб берсенг айранны,
Таулу тюлсе, ким эсенг да, бил аны!

Чагъыр ичиб, таулума! - деб къычырсанг,
Джутлугъунг бла дуния малгъа сатылсанг,
Намыс, адет кете барыр сенден кенг,
Сагъыш эт да, бу затлагъа ыйлыкъ сен!

Туудукъларым, сизден ахыр тилегим:
Эки кесек болгъан мени джюрегим -
Бирге болсакъ Къарачайым, Малкъарым,
Къычырырсыз, эшитирча къабырым!

* ** * **** *****



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Pazar, 20-12-09, 6:48 PM | Mesaj # 3
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Алания

«Сюйген анама джыр»

Ой Хузайматым Хузаим джанынга къурман болаим
Сюйгенлеринги эшткенме къызчык энди алагъа къояим

Ол сен джюрючю шоссе джоллада мен джюрююлмеин арыйма
Худжунга къалсын кек джаулукчугунг къайдан керсемда таныйма

Ол сен джюрючю шоссе джоллада сен баурунгдан джыгылгын
Ерге кобаргъа къаруунг джетмеи мени атымы айтыб къычыргын

Сени усюнгде ма ол чепкенинг ол узунна сегюлсюн
Менден башхагъа муратынг баресе къой джюрек канынг тегюлсюн

Сени усюнгде ма ол чепкенинг ой джуа турсан онгмаган
Сени кибик мингни табарма башында акъылы болмаган

Сени анангда мени сюймейди Аллахда сюймейсин аны
Менден башхагъа мураты баресе кюеу кермесин джаны

Сени башынгда ак джаулукъчугунг бурулуб тюшсюн бойнунга
Джиланла кириб джатсылла менден кызгъанган койнунга

Стол усюнде боза аякъ мен аны алыб ичеим
Сени анангда мени сюймейди дейле энди ананга къояим

**** **** *****

Абдуллах Борлаков

*Атаны къачы*

Ата ат бла ата джуртунг айтылыр
Ата ат бла этген ишинг танылыр
Ата ат бла тукъум болур юй болур
Ата ат бла халкъгъа улан къошулур
Ата ат бла тукъум болур юй болур
Ата ат бла халкъгъа улан къошулур

Ата къачны сыйламагъан абыныр
Ата хакъгъа акъылы аманны джаны табыныр
Ата сыйны кёре билген танылыр
Ата хатер этсенг хар ненг табылыр
Ата сыйны кёре билген танылыр
Ата хатер этсенг хар ненг табылыр

Джети атагъа ата тукъум айтылыр
жанынг къурман болсун атанга
Атам ючюн мени кёлюм мийкде
Узалмайын джетеме мен кёкге
Атам ючюн мени кёлюм мийкде
Узалмайын джетеме мен кёкге

Ата къачха келигиз сый береиик
Анны уллуду балалада къыйыны
Сыртда джолда кёб ишледе айланганд
Юйдеги ючюн кёб джерде къыйналгъанд
Сыртда джолда кёб ишледе айланганд
Юйдеги ючюн кёб джерде къыйналгъанд

Ата ат бла ата джуртунг айтылыр
Ата ат бла этген ишинг танылыр
Ата къачны сыйламагъан абыныр
Ата хакъгъа акъылы аманны джаны табыныр
Ата къачны сыйламагъан абыныр
Ата хакъгъа акъылы аманны джаны табыныр

**** ***** *****

«Салам»

*Къарачайны къадау ташы*

Къарачайны къадау ташы,
Таудан ургъан салкъын аяз сылайды,
Деу къарчаны дёгек джашын,
Кюн кесине нёгерликге сайлайды.

Бир джарлыны юзмей ашын,
Тау милетим къыйыны бла джашайды,
Къум тюзледеда тутхан башын,
Уясына къайтхан къушха ошайды.

Кёре джырны суукъ къышын,
Малчы къойун туарында къурайды,
Къарачайны къадау ташын,

Ай саякъ да туурасындан къарайды.
Таулу къызны кёзюн къашын,
Тау джитиден Чолпан джулдуз марайды,
Къарачайны къадау ташин,

Ёхтем тулпар огъурлукъгъа сынайды.
Бир джарлыны юзмей ашын,
Тау милетим къыйыны бла джашайды,
Къум тюзледеда тутхан башын,
Уясына къайтхан къушха ошайды

**** ***** *****

Келин келеди

Келин киргенди бизни юйюге, жерни жарыта,
Къууанч бергенди жашны, къызына, жарыкъ жырлата.
Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Келин уяла босагъабыздан басханды,
Къайын анасы алына барып, къучакълагъанды.
Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Жашла хайт дегиз, татлы къонакълагъа къарагъыз,
Къууанч этсинле, жарыкъ болсунла, иги жарагъыз,
Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.
«Элия»



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Pazar, 20-12-09, 7:00 PM | Mesaj # 4
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda

ШУКУР, ЭНТДА ТЮБЕДИК

Сени тансыкъ кёзлеринг
Сейир насыпда жиляй,
Эринлеринг айтдыла,
Шош, акъырын шыбырдай:
Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.
Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.
Къалай болду да былай?
Мени къыйын чагъымда,
Узакъ, жууукъ ауазла
Къулагъыма чалына...
Жангыз сени ауазынг
Чакъырмады, келмеди.
Кимни кюсегеними
Дунияда жан билмеди.
Ол кюн, санга термиле,
Сынадым мен жангызлыкъ,
Анам, жууукъ, тенг, кёк, жер
Этгенча манга азлыкъ.
Кёзюм къарангы этип,
Дуния бола къарангы,
Жан дарман излегенча,
Изледим къарамынгы.
Ол кюн, ким билсин, манга
Кимни джаны ауруду?
Сени кёрюр насыпны
Джашау энтда джаудурду».
О, джаным, джаным, джаным,
Сюйсенг да джюрек бла,
Эшиталмадынгмы мени
Ол чарс кюн тилек бла?
Ол къыйын такъыйкъада
Къалай сезмединг аны —
Джюрегим джюрегингде,
Ачып, жиляй бургъанын?
Сен ачысанг — ол ачып,
Джарысанг — джарыгъанын?
Тылпыуча, кёз джарыкъча,
Керек болуп тургъанын?
Джаным сени джанынга —
Джан сакълаучу мёлеклей,
Тургъанын кече, кюн да
Хауа кибик кереклей.
Ол кюн мен тюйюлмедим
Ажалынгдан къутхаргъан,
Джанымы къолгъа алып,
Джанынгы сакълап тургъан?!
Ким биледи, джан джулдузум
Сени ючюнмю батмады?
Джаным сени джанынгы
Ненча ёмюр сакълады!
Ненча джюз, неча минг джыл
Келдинг мени кёрюрге,
Джанынг ташха, агъачха
Кёче ненча ёмюрде?
Бизге алай къыйналып
Тюшдю эсе джюрюрге,
Ол кюн сен ауазымы
Эшиталмасанг — къыйнал.
Ары деричиннге уа
Биргемесе, сен ийнан!
Ийнан, сау ёмюрлени
Мен биргенге болгъаннга,
Мен дуниядан кетсем да,
Джаным сенде къалгъаннга.
Мен ахыр джолгъа чыкъсам,
Саулукъдача джашыра,
Келмезмисе ол кюн сен,
Мени ары ашыра?
Сюйгенле, сюймегенле
Джылау этгенде манга,
Сен кенгдеми къалырса,
Тыш адамгъа санала?
Джилямукъ къатыш сёзле
Джазармыса дефтерге,
Онг тапмай, амал тапмай
Ауазымы эшитирге?
«Болалмадыкъ эсе да
Биз бир таулагъа ие,
Кетди,— депми джилярса,
— Мени жанындан сюе?»
Угъай, кёзюнг кёрмесе,
Ийнанма мен кетгеннге.
Мени саппа-сау сун да,
«Тын!» — де джиляу этгеннге.
Биз тюбеучю джерлеге
Кел, келгенча биринчи.
Сакъла, келме ызымдан,
Ма мен андан келгинчи!

Сезлери Зумакулланы Танзиля, макъамы Асанланы Кулина

**** ***** ******


КЁЗЛЕРИНГ КЁЗЮР А ОЙНАЙ…

Кёзлеринг кёзюр а ойнай,
Сёзлеринг жюрекни байлай,
Жюрегиме ауруу бергенсе.
Келиб а къатымда олтуруп,
Жюрегими да толтуруп,
Кёп ахтыннганымы уа кёргенсе.

Керти да сюеме деученг,
Сюймеклик салам бериученг,
Ой, адамла сени бузгъунчу
Башынг а акъылдан толсун,
Жюрегинг таукел а болсун,
Кетейик, ишибиз озгъунчу.

Юйюнгю аллындан къарап,
Мени да узакъдан танып,
Келиб а къолуму тутуучу.
Къара кёзлериме къарап,
Сёлешген сёзюмден танып,
Чайнамай, ичине жутуучу.

Энди уа къатыма да келмейди,
Салам да жазып да иймейд,
Бир кенжи айланып кетеди.
Келип, къатымда олтуруп,
Жюрегими да толтуруп,
Бир аман ачыула этеди.

Кёкледе учхан кёгюрчюн,
Саламла айтсын мени ючюн,
Ол узакъ тауладан келеди
Гюняхымы сен аласа,
Жюрекге жара саласа,
Мен да санга тарапып, ёлюп.

Къолунгдагъы къобузунгу,
Башлыкъ тиксенг, къол ызынгы
Кишиге да сормай билиучем.
Ма сен айланнган жерледе,
Мен сени кёрген кюнледе
Санга жюрегими бериучем

*** *** ***

ДЖУРТУМ

Тюзлюкню баласыса,
Къарайса кекге гюнахсыз
Джаша халкъым!
Терсликни да кердюнг,
Сынадынг аны ажымсыз
Джаша халкъым!

Джанны джюрегисе, джюрекни джаныса,
Ой Джуртум
Тюнене бюгюн да,
Бюгюн да тамбла да,
Сенсе Джуртум!
Таурухну таурухуса,
Билеме аны эртдеден,
Джаша халкъым!

Ой хар ненг да бир шамды,
Сеирсе, тюшгенча кекден,
Джаша халкъым!
Джанны джюрегисе, джюрекни джаныса,
Ой Джуртум
Тюнене бюгюн да,
Бюгюн да тамбла да,
Сенсе Джуртурм!

Джарыкъны джарыгъыса, тангыса,
Билеме тангны,
Джаша халкъым!
Таунгда да тюзюнгде да
Тиеди кюню насыбны,
Джаша халкъым!

Джанны джюрегисе
Джюрекни джаныса
Ой Джуртум
Тюнене бюгюн да,
Бюгюн да тамла да
Сенсе Джуртум!

С. Узденов

*** *** ***

КЪАРАЧАЙЫМ-МАЛКЪАРЫМ

Деу Аланла зорчуладан, жауладан-
Кеб емюрлени Аллах бла сакъланнган,
Сеир журтну эркелете инакълай,
Биз жашайбыз Малкъар бла Къарачай.

Бу дунияны жаннети деп аталгъан,
Тау жерибиз махтау бла айтылгъан,
Сууларыбыз тамам кюмюш белбау,
Къуанчыбыз - эки башлы Минги тау.

Къарачаим, Малкъарым
Экигиз да эки учар къанатым,
Бир миллетден жаратылгъан эки халкъ,
Шох турабыз бир бирге болуп жал.

Таматаны сыйлап орун бергенле,
Тышырыуну ана къачын кергенле,
Къартларыбыз - тюз оноулу, келбетли
Джаш телюбюз - тау намыслы, адебли.

Къыйын кюнде шохун, тенгин сатмагъан
Башхалагъа саут алып чапмагъан,
Тюзлюк жолда тенг атлагъан эгизле,
Зорлукъ, ачыу сынамагъыз емюрде.

Къарачаим, Малкъарым
Экигиз да эки учар къанатым,
Бир миллетден жаратылгъан эки халкъ,
Шох турабыз бир бирге болуп жал.

*******************************

KARAÇAYIM-MALKARIM

Dew Alanla zorçuladan, cawladan-
Keb ömürleni Allah bla saklanñan,
Seyir curtnu erkelete inaklay,
Biz caşaybız Malkar bla Karaçay.

Bu duniyanı canneti dep atalğan,
Taw ceribiz mahtaw bla aytılğan,
Suwlarıbız tamam kümüş belbaw,
Kuançıbız - eki başlı Miñi taw.

Karaçaim, Malkarım
Ekigiz da eki uçar kanatım,
Bir milletden caratılğan eki halk,
Şoh turabız bir birge bolup cal.

Tamatanı sıylap orun bergenle,
Tışırıwnu ana kaçın kergenle,
Kartlarıbız - tüz onowlu, kelbetli
Caş telübüz - taw namıslı, adebli.

Kıyın künde şohun, teñin satmağan
Başhalağa sawut alıp çapmağan,
Tüzlük colda teñ atlağan egizle,
Zorluk, açıw sınamağız ömürde.

Karaçaim, Malkarım
Ekigiz da eki uçar kanatım,
Bir milletden caratılğan eki halk,
Şoh turabız bir birge bolup cal.



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Pazar, 20-12-09, 7:14 PM | Mesaj # 5
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Жайгъы ингирде
Къобан таладан
Салкъын аязчыкъ урады.
Сюймеклик салгъан
Жюрек жарадан
Бир мыдах макъам чыгъады.

Жангызлыкъ салгъан
Сагъыш тузакъха
Кесим кесимми байлайма.
Къарап илкерге
Чексиз узакъха
Санга жулдузчукъ сакълайма.

Битхен къанатынг
Айгъа тииере
Учду женгерин табаргъа.
Кезюм къарады
Анга термиле
Сени бла алай ойнаргъа.

Жайгъы ингирде
Къобан таладан
Салкъын аязчыкъ урады.
Сюйген адамым
Бир узакъдады
Болурму менден азабы

**** ****** *****

Учкекен

«Фатима»

Мен алгъы бурун, сюйюб башлагъанма,
Ой, ариу Фатима, атынгдан,
Ингирге дери олтуруб турсам да,
Туруб кетелмейме къатынгдан.
Фатима эди, ой Фатима эди,
Акъ марал атадым атынга,
Сюймеклигими сенге айтыб-этиб,
Джуукъ олтурсанга къатыма.
Джашнай а келеди ариу маралым,
Къарамындан киши тоймайды.
Ариулугъун ушатыб,
Кюн анга айланыб тохтайды.
Джырынгы джырласам ариу Фатима,
Джоргъа болады тору атым.
Бек тилегелей а келиб къалырса,
Деб буду мени мурытым
Сюймеклик ауруу а ол сан аурууду,
Кийик санларымы арытты,
Кезлерингден ургъан нюр джарыкъчыгъынг
Саулай элибизни джарытты.
Ой, нюр джаннгады бизни элибизге,
Джанкъылыч ойнайды башында,
Алтын чаччыгъы джылтырай келеди
Майна къарачыгъыз къашына.
Ой тау тюбюнде Теберди элибиз,
Ой джылтырайды, ой джашнайды..
Ол ариу кезлючюк орамгъа чыкъса,
Бизни кезлерибиз къамайды.
Сенден кёзлерими алалмай къалдым,
Ариуум, джанымы бермесем.
Айгъа ушатыб къарай эдим сенге,
Мен, айны кёгде уа кермесем.
Юйюбюзню джанында ол терен келню,
Биз къайыкъгъа миниб ётеик.
Бу джерни хауасы сенге джарашмайды,
Биз тюз джерлеге да кетеик.
Келчи бир кетеик, ой келчи кетеик,
Мен джер салайым тору атха.
Андан саугъа уа алыб къайтырбыз,
Бютеу тийредеги къызлагъа.
Фаэтоннга миниб бырырбыз, Фатима,
Айланырбыз Кавказ таулада,
Ёлгенле сени тилерик болмазла,
Мен а берлик тюйюлме саулагъа.
Къууанч бла къалыгъыз ой, джаш тенглерим,
Мен узакъ джерге кетеме,
Мен кесим къалсам да, сиз кеб джашагъыз,
Джырымы осият этеме.

**** ***** *****
Теппеев Алим

«Сокъ къобузум»

Тау жырым журтуму алгышлай
Сен ойна таулага тау кушлай
Жай къанат эртенги жарыклай
Насыплы жашауну алгышлай

Сокъ къобузум ойначы тюекле
Куанчдан толурча жюрекле
Байрамда той эте ма былай
Жырларча бу жырны халкъ саулай

Тау жырым журтуму алгъышлай
Сен жашна жазгыда гоккалай
Хар жерге бар сыйлы къонаклай
Бурунгдан?? адамны тансыклай

**** **** ****


Къобузчу къыз

Къобузчу къыз бирчик жырла
Къулакъ салайым
Тилейме ашыкъмай тур да
Кёзюнге къарайым

Назик ёрюм тамашады
Шендю чакъгъанча
Тауланы зынгырт атады
Шоркъа акъгъанча

Назик ёрюм тамашады
Шендю чакъгъанча
Тауланы зынгырт атады
Шоркъа акъгъанча

Акъ чакъгъанча балий терек
Жарыкъ ким тийгенди
Тынгысызны сюйген жюрек
Сени бек сюйгенди

Назик ёрюм тамашада
Шендю чакъгъанча
Тауланы зынгырт атады
Шоркъа акъгъанча

Назик ёрюм тамашада
Шендю чакъгъанча
Тауланы зынгырт атады
Шоркъа акъгъанча

Сени жырынг жюреклени
Тынч жаратады
Учуз ётмек тёлегинги
Жастаны атады

Назик ёрюм тамашада
Шендю чакъгъанча
Тауланы зынгырт атады
Шоркъа акъгъанча

Назик ёрюм тамашада
Шендю чакъгъанча
Тауланы зынгырт атады
Шоркъа акъгъанча

Къобузчу къыз бирчик жырла
Къулакъ салайым
Тилейме ашыкъмай тур да
Кёзюнге къарайым

Назик ёрюм тамашады
Шендю чакъгъанча
Тауланы зынгырт атады
Шоркъа акъгъанча

Назик ёрюм тамашады
Шендю чакъгъанча
Тауланы зынгырт атады
Шоркъа акъгъанча

*** *** ***

Къап-къарады сени ариу кёзлеринг

Ананг сени тебредеди тау элде
Алтын кюмюш огъай агъач бешикде
Къаяла шош къатлайды бешик джырыннгы
Ай джарыгы ийнакълады джанынгы

Къап- къарады сени ариу кёзлеринг
Минг джашны умутуна суу къууя
Кимни тенг этерсе ёхтем къушлагъа
Той къууанды джыр къанаты Зульфия

Къап-къарады сени ариу кёзлеринг
Минг джашны умутуна суу къууя
Кимни тенг этерсе ёхтем къушлагъа
Той къууанды джыр къанаты Зульфия

Уча туруп къобузуму татыуу
Сенсиз тойну джокъду дейдиле татыуун
Сенге алгъыш эте джангы келирле
Чолпан джулдуз жарыгей кёзлерингден

Къап-къарады сени ариу кёзлеринг
Минг джашны умутуна суу къууя
Кимни тенг этерсе ёхтем къушлагъа
Той къууанды джыр къанаты Зульфия

Къап-къарады сени ариу кёзлеринг
Минг зашны умутуна суу къууя
Кимни тенг этерсе ёхтем къушлагъа
Той къууанды джыр къанаты Зульфия

Бирча ариу къыйынлыпдыла къашларынг
Минг къарамынг солуу тыя салкъында
Джунчудула джашла сени кёргенлей
Джан тилеги джер нюреги Зульфия

Къап-къарады сени ариу кёзлеринг
Минг джашны умутуна суу къууя
Кимни тенг этерсе ёхтем къушлагъа
Той къууанды джыр къанаты Зульфия

Къап-къарады сени ариу кёзлеринг
Минг джашны умутуна суу къууя
Кимни тенг этерсе ёхтем къушлагъа
Той къууанды джыр къанаты Зульфия

(Укъа) чачынг къара сууну толкъунуп
Къадар ашхы муратынгы толтуруп
Менден башха киеу болса къара
Ма бу джыр къалсын санга саугъагъа

Къап барады сени ариу кёзлеринг
Минг джашны умутуна суу къууя
Кимни тенг этерсе ёхтем къушлагъа
Той къууанды джыр къанаты Зульфия

Къап барады сени ариу кёзлеринг
Минг джашны ма умутуна суу къууя
Кимни тенг этерсе ёхтем къушлагъа
Той къууанды джыр къанаты Зульфия

Уча туруп къобузуму тартыуу
Сенсиз тойну джокъду дейдиле татыуун
Минг къарамынг солуу тыя салкъында
Жан тилеги джер нюреги Зульфия

Къап-къарады сени ариу кёзлеринг
Минг джашны умутуна суу къууя
Кимни тенг этерсе ёхтем къушлагъа
Той къууанды джыр къанаты Зульфия

Къап-къарады сени ариу кёзлеринг
Минг джашны умутуна суу къууя
Кимни тенг этерсе ёхтем къушлагъа
Той къууанды джыр къанаты Зульфия

*** *** ****

КИМ ЧАЧСЫН МЕНИ САГЪЫШЫМЫ

Ким чачсын мени сагъышымы,
Къатымда мыдахды бир адам,
Атымы айтып ахсынаса,
Жыламукъ агъады мыйымдан.

Ким чачсын мени сагъышыммы,
Бу адам менден кетеди,
Чыммакъ акъ сыйлы насыбымы
Къап-къара боран элтеди.

Ким чачсын мени сагъышымы,
Жазыугъа бойсунмайды жюрек,
Ким чачсын мени сагъышымы,
Кёк да тюйюлдю манга бюгюн кёк.

Ким чачсын мени сагъышымы,
Жарсыудан да жокъду шапагъат,
Юзгенге мени къанатымы,
Чыкъмасын ёмюрюнде къанат.

С.Узденов.

**** **** ****

«Ичеик»

Айран аякъны биз къолга алыб
Алгъыш тилеик таулага
Сюймегенледа сюйсюлле бизни
Ол миллетибиз саулагъа

Ичеик ичеик ичеик
Адамлакыкъка базыб
Тилеик тилеик тилеик
Халкъыбызга насыб

Джети атага дери санарга
Уста болсулла балала
Сабийлериннен ачымасылла
Таулу анала атала

Къартсыз болмасын ата джуртубуз
Таркъаймасын къобаныбыз
Ашын ашарга суун ичерге

**** ***** *****

Узденов А.

«Тау къушну уясы»

Ата Джуртум къучагъын джаяд,
Халкъларын ийнакълай.
Тау къушну да уясы къаяд,
Уямса, Къарачай!
Мен джырлайма, джюрекден келген
Ауазыма тынгылай.
Джашна! Джаша, къонакъны сюйген,
Джомакълы Къарачай!
Тау башлача мийикди сени
Адебинг, намысынг.
Бу таулада туугъаным мени -
Олду баш насыбым!
Къайда болсам да, терк къайтырма,
Кюсеб къучагъынгы.
Ахыр тылпыуум бла да айтырма,
Къарачай, атынгы!



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Pazar, 20-12-09, 7:19 PM | Mesaj # 6
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Кёзлеринг кёз къаматалла

Сени бетинг гюл дегенча
Ышарады жарыкъсанг
Ёмюрюнгде сюйгенинча
Къууандан жашарыкъса

Жашаунг да сагъышып
Кёп затладан ариуду
Бёгюлсе уа алгъышынг
Тамблагъы къарыуду

Кёзлеринг кёз къаматалла
Чыкъгъан жылан жылтырай
Къашларынг къоюп тарталла
Къарылгъач къанатынлай

Сенде барды табыракъ ийсенг
Жашауну бла жанлыкъны
Жыйылып жарыкъ кюлкюсюн
Жери юсю къууанчлыкъны

Кёкден жан бла да ариу жулдузча
Ариулугъунг сени
Кёкде бийик жулдузча
Насыбымса сен мени

Кёзлеринг кёз къаматалла
Чыкъгъан жылан жылтырай
Къашларынг къоюп тарталла
Къарылгъач къанатынлай

Кёзлеринг кёз къаматалла
Чыкъгъан жылан жылтырай
Къашларынг къоюп тарталла
Къарылгъач къанатынлай

Кёзлеринг кёз къаматалла
Чыкъгъан жылан жылтырай
Къашларынг къоюп тарталла
Къарылгъач къанатынлай

(Р.Хасаитов жырлайды)

*** *** ***



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Pazar, 20-12-09, 11:26 PM | Mesaj # 7
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Кегала

(дуэт)

Кекле тюбюнде кек баш юйледе
Джашайды ариу кек ала,
Экибиз бирге кюйюб барабыз,
Кек ала сенге тарала.

Кекле тюбюнде кек баш юйледе
Мен бир къайгъысыз джашай эдим.
Тойгъа оюнга къошулмай эдим,
Мен сюймекликден таша эдим.

Джарыкъ джулдузча сени сюйюмюнг,
Къууанч салады шахаргъа.
Ышаргъанчыгъынг, ала кезлеринг
Къоймайдыла бизни джашаргъа.

Бизни тийреге сиз тойгъа келиб,
Юйде олтуруб кетдигиз,
Бирден кёзюме къараб, ышарыб,
Мени тынчлыкъсыз этдигиз.

Субай санынга ариу джарашгъан
Кек бетли чепкен киесе,
Экеулен болуб сени сюебиз,
Сен къайсыбызны сюесе.

Экигизиге да бир сезюм джокъду,
Джашласыз.. ашхы, аламат.
Халал тенглени шохлугъун бузсам,
Не айтыр менге джамагъат.

Экибиз бирге аллынга келдик,
Бирибизден уяла,
Халал тенглени, харам этмеда,
Бирин сайлачы Кекала.

Экигизни да мен айырмайын
Бирча багъалы кереме.
Айыб этмегиз, тюзюн айтайым,
Мен башха джашны сюеме.

*** **** ****

Эркишисе сен...

группа Учкекен..

Энчи насыб ызламай,
Буз юйде да бузламай,
Бай кишиге сукъланмай,
Ырысхыгъа джутланмай,
Джукъунг келсе, джукъламай,
Ашамай да, ач болмай,

Тёзе эсенг, тёзе эсенг, эркишисе сен!
Тёзе эсенг, тёзе эсенг, эркишисе сен!
Эркишисе, эркишисе, эркишисе сен!
Ант этеме, эркишисе, эркишисе сен!

Отсуз къазан къайнатсанг,
Арыкъ тайны айнытсанг,
Джуртну джаудан сакъласанг,
Онгсузланы джакъласанг,
Атлаб алгъа баралсанг,
Тюзлюкчюге саналсанг,

Ант этеме, ант этеме, эркишисе сен,
Ант этеме, ант этеме, эркишисе сен!
Эркишисе, эркишисе, эркишисе сен!
Ант этеме, эркишисе, эркишисе сен!

Сакълай эсенг тилинги,
Джакълай эсенг дининги,
Ач этмей юйдегинги,
Тута эсенг тенгинги,
Акъсакъалгъа сый берсенг,
Къартлыкъ келирин билсенг,

Ант этеме, ант этеме, эркишисе сен,
Ант этеме, ант этеме, эркишисе сен,
Эркишисе, эркишисе, эркишисе сен,
Ант этеме, эркишисе, эркишисе сен!

Энчи насыб ызламай,
Буз юйде да бузламай,
Бай кишиге сукъланмай,
Ырысхыгъа джутланмай,
Джукъунг келсе, джукъламай,
Ашамай да, ач болмай,

Тёзе эсенг, тёзе эсенг, эркишисе сен!
Тёзе эсенг, тёзе эсенг, эркишисе сен!
Эркишисе, эркишисе, эркишисе сен!
Ант этеме, эркишисе, эркишисе сен

*******************


Алгъыш...

группа Учкекен.

Той барады эшик аллында,
Келин киргенд джарыкъ арбазгъа.
Толу юйдегили болсунла.
Этген муратлары толсунла.

Тебсейдиле джашла бла къызла,
Олтуралла тёрледе къартла.
Тауусулалла алгъыш аякъла,
Ууалалла къурманлыкъ базукла.

Ойнагъыз, тебсегиз, кюлюгюз,
Къысхармасын сизни кюнюгюз.
Джарыкълай къалсын бу дуниягъыз.
Алгъышда айтылсын атыгъыз.

Туугъан джерим, джашагъан джерим,
Ата джуртум, ой, Къарачайым,
Къууанчларынг таусулмасынла,
Къыйынлыкъла кери къалсынла.

Бизни миллет кёбден кёб болсун,
Хар юйге да туудукъ къошулсун.
Ётген къыйынлыкъны сынамай,
Рахат джашасын джигит Къарачай

**********************

Сен дугъум джыя тура эдинг,
Челекчикни толтуруб,
Джюрегим сюйсе алыб кетерме
Сени арбама олтуртуб.

Биз ол кюн ишден келе эдик,
Узакъ къышлыкъдан, биченден,
Инана эсенг сюйюб къалгъанма
Къолунгдан сууну ичгенлей.

Кезюнге къараб ышаргъанлай,
Джетиб арбагъа сен миндинг,
Къалай болгъанын эслеялмадым,
Кесинги менге сюйдюрдюнг.

Ёшюнюнгде тюймеле, къызчыкъ,
Тюймеле тюйюл а, тюгелле,
Былай мы эте турадыла,
Ма келлери бла да сюйгенле.

Тюлкю бла турна уа шох эдиле,
Бла къамишде уа къош эдиле.
Сюйген десенг ма быллай болады,
Къалгъан сюйгенле уа бош эдиле.

Ариуса, кез бауса дейдиле,
Айтхан сезлери уа бошдула.
Бир бирибизни билгинчи,
Волганы Доннга да къошдула.

**********************
Джанкъозла...

(Узденов Сапар)

Гитчеликден биз ёсген эдик бир элде..
Ол сагъатда джокъ эди сюймеклик эсде.
Ёсе келиб мен эследим, сени ариу сыпатынгы,
Энди уа джашырама атынгы..

Кёзюуледе къарасам а, сени ариу сыпатынга,
Чакъырама сабийликни ызына.
Кёзюуледе къарасам а, сени ариу сыпатынга,
Чакъырама сабийликни ызына.
Эсингдемиди биз чыкъгъан эдик бир кере...
Джыяйыкъ деб джанкъозланы, кюн бетге.
Мен джыйгъанларымы саулай сенге саугъагъа берген эдим.
Сен аланы барын текген эдинг.
Сора менда ачыулаб, джанкъозланы теплеген эдим,
Сабийликде гюнахлыкъ этген эдим.
Сора менда ачыулаб, джанкъозланы теплеген эдим,
Сабийликде гюнахлыкъ этген эдим.

Сабий кюнле бизден кери кетдиле,
Бирер мурат ала бизге бердиле,
Сен энтда эсде тураса, сюеме.. биягынлай..
Артыкъысыда джанкъонзла чакъгъанлай...
Чыгъыучанма эримеин.. джаз келгенлей ол кюн бетге..
Сыртымдан джатама ол джерге.
Чыгъыучанма эримеин.. джаз келгенлей ол кюн бетге..
Сыртымдан джатама ол джерге.

**********************

Тиширыула

( гр. Учкекен)

Къыш суукълада джылыу излесек
Биз ушатабыз джазгъа.
Джай иссиледе тенглештиребиз
Сизни салкъын аязгъа.

Гокка ханслача ариулукъ салыб
Сейирилик джерибизге
Иги умутла, иги муратла
Туудура келюбюзде.

Джолубузгъа тийириб джарыкъ кюн
Бизге къанат бересиз тиширыула
Бизден бек сюебилгенигиз ючюн
Сизни артыкъ сюейбиз тиширыула.

Кёгюрчюн кибик сакъалайсыз отдан
Сиз джерни юсюн хаман.
Кёгюбюз чууакъ рахат джашайбыз
Джарыкъды бизни заман.

Джолубуз кенгди кюн билек болуб
Хаман бирге барабыз
Къууанч кюнде да, джарсыу кюнде да..
Биз халал тенг болабыз.

Джолубузгъа тийириб джарыкъ кюн
Бизге къанат бересиз тиширыула
Бизден бек сюебилгенигиз ючюн
Сизни артыкъ сюейбиз тиширыула.

Хар насыбны да тамамы болгъан
Сиз огъурлу анасыз.
Сабийлеригиз джарыкъ ышарыб
Юйге къууанч саласыз.

Нюр сыпатыгъыз булут кюнде да
Бизге джарыкъчыкъ эте.
Сюймеклигигиз кюч бериб хаман
Таукел алгъа элтеди.

Джолубузгъа тийириб джарыкъ кюн
Бизге къанат бересиз тиширыула
Бизден бек сюебилгенигиз ючюн
Сизни артыкъ сюейбиз тиширыула.

********************

ИНАНМА СЕН
(просто нравится)

Джулдуз джанады, кез къамата кечеде,
Танг атханлай, тас боллугъун билсе да.
Чыкъ да тюшеди мынчакъ кибик ингирде,
Кюн чыкъгъанлай думп боллугъун сезсе да.

Инанма сен, джолунг джартыды деселе,
Инанма сен, дуния тарды десле,
Инанма сен, джюрек тотту деселе,
Инанма сен, насыб джокъду деселе.

Чыпчыкъ бала уясындан къарайды,
Термиледи дженгил ёсюб учаргъа.
Боз булутда кюн аманны марайды,
Джангур болуб джерни юсюн джууаргъа.

Инанма сен, джолунг джартыды деселе,
Инанма сен, дуния тарды десле,
Инанма сен, джюрек тотту деселе,
Инанма сен, насыб джокъду деселе.

Джан излейди оюнланы ашхысын,
Тууар кюнню бачхыч этиб кесине.
Бир джагъадан бир джагъагъа ашыгъыб,
Атлайды ол умут тюшсе эсине.

Инанма сен, мурат толмайды деселе,
Инанма сен, джукъда къалмайды деселе,
Инанма джурт кирленгенди деселе,
Адеб-намыс кирленгенди деселе.

Таулу атын тас этмезин унутма,
Аты джокъну тауусулур къарыуу,
Джюрегинге джанган отну суутма,
Батхан кюнню кебге бармаз джылыуу.

Инанма сен, мурат толмайды деселе,
Инанма сен, джукъда къалмайды деселе,
Инанма джурт кирленгенди деселе,
Адеб-намыс кирленгенди деселе.



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Pazar, 20-12-09, 11:30 PM | Mesaj # 8
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
КЪУРМАН БОЛАЙЫМ ХАЛКЪЫМА
(патриотичная)

Сюйген халкъыма келир джыллада
Не зат теджеим саугъагъа,
Сын таш болайым шеит джанлагъа,
Къурман болайым саулагъа.

Энди таулагъа бушуу джетмезча,
Буруу болайым къаугъагъа.
Ата-баба да эсден кетмезча,
Къурман болайым саулагъа.

Эээй, къурман болайым халкъыма,
Керек заманда, чеб да терек да
Болуб къалайым джуртума.

Адеб намыс да бирден атларча,
Хурмет салырча таулагъа.
Ёсген уланла тарих сакъларча
Къурман болайым саулагъа.

Къушла сюзюлюб кекден къарарча
Шоркъулдаб баргъан суулагъа.
Тыбыр отубуз джарыкъ джанарча,
Къурман болайым саулагъа.

Эээй, къурман болайым халкъыма,
Керек заманда, чеб да терек да
Болуб къалайым джуртума.

****************

Къарачайны Къадау ташы

Макъамы, сёзлери да Батчаланы Баширни

Къарачайны Къадау ташын
Таудан ургъан салкъын аяз сылайды.
Деу Къарчаны бёгек джашын
Кюн кесине нёгерликге сайлайды.

Бир джарлыны юзмей ашын,
Тау миллетим къыйыны бла джашайды.
Ол тюзледа да тутханд башын,
Уясына къайтхан къушха ушайды.

Керре джерни сууукъ къышын,
Малчы къоюн, тууарын да къурайды.
Къарачайны Къадай ташын
Ай сайлаб да, туурасындан къарайды.

Бир джарлыны юзмей ашын,
Тау миллетим къыйыны бла джашайды.
Ол тюзледа да тутханд башын,
Уясына къайтхан къушха ушайды.

Таулу къызны кёзюн, къашын
Тау джитиден Чолпан джулдуз марайды.
Къарачайны Къадау ташын
Ёхтем таулу огъурлукъгъа сынайды.

Бир джарлыны юзмей ашын,
Тау миллетим къыйыны бла джашайды.
Ол тюзледа да тутханд башын,
Уясына къайтхан къушха ушайды.
Бир джарлыны юзмей ашын,
Тау миллетим къыйыны бла джашайды.
Ол тюзледа да тутханд башын,
Уясына къайтхан къушха ушайды.
Ол тюзледа да тутханл башын,
Уясына къайтхан къушха ушайды.

*******************

Къач ай Ноябрь

Къасбот Тамбиев

Энчи болгъанды, быллай кюнюбюз
Бу соруума бармыды джууаб?
Нек этилгенди бу артыкълыкъ зат?
Мен ангыламай сорама бир зат

Къартламы этдиле бир уллу палахны?
Огъесе сабийле буздула къырал затны?
Мен ангыламай сорама бир затны
Нек излегенле быллай бир аманлыкъны

Мен ангыламай сорама бир затны
Къасай Уллуму этди уялтыр затны
Огъесе багъатыр Уллуму къарлны сатды
Итлеге джокъ эди, къарт анна, бала
Сюрюб джыйдылы мал вагонлагъа
Ючюнчю ыйыкъгъа элтиб къуйдула
Халкъымдан беш этиб
Бири елген эди джолда

Онтёрт джылны уа турдукъ тышында
Таулагъа ийие болуб башхала
Микоян Шахар болгъанды башха
Атыда башха, кесида башха
Ненча анала къалдыла баласыз
Ненча балала къалдыла анасыз

Ненча къарнашла къалдыла эгечсиз
Ненча эгечле къалдыла сюйгенсиз
Ненча къызыбыз чыкъдыла эрге
Разы болмайын башха миллетге

Ненча ахлубуз къалдыла палахсыз
Энтда туралла ала дууасыз
Халкъым къайтхан эди, сюйген таулагъа
Къартла джылайла, джатыб ташлагъа

Кебле кетдиле, сизге термиле
Къартджурт, Теберди, Архыз ёзенге
Кенг джумушакъ болсун джатхан джеригиз
Зарауатлыкъда ёлгенлерибиз.
Экинчини аягъы, къалсыз ёмюрге
Бурулуб турлукъ къыйынлыкъ
Аллах бермесиз бизге

**********************



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Pazar, 20-12-09, 11:44 PM | Mesaj # 9
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Ооой Кавказ таула…мийик ариудула

Ооой Кавказ таула…мийик ариудула…
Бизни деменгили къалабыз…
Сиз да джылагъыз…бизда ооой джылайбыз…
Сизден айырылыб барабыз…

Узакъ айырылыб кетиб а барабыз…
Ёмюрлюк джашагъан тауладан…
Биз ёлгенлеге уа бошуна джылайбыз…
Ала насыблыдыла сауладан…

Ыстауат сакълагъан бизни итлерибиз…
Ызыбыздан къараб улуйла…
Машинагъа миниб кетиб а барабыз…
Ызыбызгъа къараб ёкюне…

Москвадан келген къызыл(чууут) командирле…
Тегерекни алыб санайла…
Бу къыйынлыкъны уа бизге джетгенине…
Ташла-таула бары джылайдыла…

Ала уа джыламай къалай а этсинле…
Кетдиле дууачы къартлары…
Казахстанда… джангыз бир джылгъа болгъанды…
Бу джарлы къартланы артлары…

Бизни къартларыбыз джатадыла..оой, Аллах…
Ала джаназысыз-дууасыз….
Межгитлерибиз а, къалыб а кетдиле…
Уллу Байрым кюнде джумасыз…

Бери келгенледе уа… бир кеб а болгъанды…
Оой Аллах..джюрек джарала…
Аналары ёлген ёксюз сабийлени…
Мында казнагъа да аладыла…

Айтыр сезлерим а…быртда кебдюле…
Айтыб къолумдан а келмейди…
Мында ёлгенлеге ачдан ёлгенди дейдиле…
Аджалсыз киши да ёлмейди…

*******************

Джёрме

(исполняет О. Отаров)

Къарачайдан белек атлы
Тебредиле, ой, ой.
Ала, жорта, Загьызандан
Атландыла, ой, ой!

Ала алайда азыкъларын
Жаратмайла, ой, ой!
Ала алайда доммай уугъа
Жайылдыла, ой, ой!

Алайчыкъда ёлтюрдюле
Семиз доммай, ой, ой!
Ол доммайдан этген элле
Тогъуз жёрме, ой, ой!

Жёрмелени санадым да -
Бири жокъ, ой, ой!
Жёрме урларгъа Шимаухадан
Тири жокъ, ой. ой!

Былай ары жёрме озуп
Кёрюрмегиз, ой, ой?
Ол сагъатха аны ашаргъа
Бёрюмегиз, ой, ой?

Бирин къоюп бирин манга
Берирмегиз, ой, ой?

Мени жёрмем алты эшекге
Жюк болады, ой, ой!
Аны урлагъан юйю бла
Тюп болады, ой, ой!

Мени жёрмем багъанадан
Базыкъ эди, ой, ой!
Мени жёрмем бир къарыннга
Жазыкъ эди, ой, ой!

Жёрме барад, маржа, жашла,
Жаным бла, ой, ой!
Къан салгъанма жарлы юйюме
Къарным бла, ой, ой!

Жау жагъылып, урлагъанымы
Билдирдим, ой, ой,
Уллу къабып, мен аузуму
Кюйдюрдюм, ой, ой!

*****************

Салам (Байрамуков М.)

«Унутма мени»

Къайданда кердюм джолумда сени
Къарамынг тартад къоймайды мени
Кёзле кёзлеге джарыкъ (джилуу) тёгелле
Джюрегим эсин санга элтелле

Ахыргъы чапракъ тюше терекден
Ахырлы турна учады келден
Къарайма сенге (джолга) кезлерим талмай
Кеткеним олкюн бир сез айталмай

Тансыкъ боганма чыдаялмайма
Арабыз тенгизди атлаялмайма
Унутма мени бек сюйгеними
Сюймеклик насыб (отну) тёккен джеринги

Кеси ёмюрюнде кетерик болмаз
Аллах (джазуу) салган джюрек джарамы
Сенге барырга мен джол табмайма
Бир (терк) Тенгиз боганды бизни арабыз

Джазуу къатылык этиб
Шайтан джелчикча бурула кетдинг
Турабыз энтда алгынча кююб
Бир бирибизни алгынча сююб

*****************

Дон суу

Дон суу сабыр бол сен
Энтда къонагъынгма мен
Энтда да жырыма тынгыла

Миннген атыма сенден
Суу ичирип жигитни
Эскерип берген жырла

Эгиз къарындашлача
Бир бирден айырылмай
Бирге ёсхен эдик экибиз

Къарап тауларыбызгъа
Шуехлукъны атмазгъа
Ант этхен эдик экибиз

Кёкню жерни къаралтып
Аналаны сарнадып
Уруш кирди жерибизге

Атлагъа иер салып
Къоллагъа къылыч алып
Чыгъаргъа тюшхен эди бизге

Дон суу сабыр бол сен
Энтда къонагъынгма мен
Энтда да жырыма тынгыла

Жыл сайын Донгъа келип
Тауладан салам берип
Сын ташына къарап жылайлла

Жыл сайын Донгъа келип
Тауладан салам берип
Сын ташына къарап жылайлла

******************

КЕЛ, КЕЛ, КЕЛ… ТАУЛАНЫ КЕР

Жазда жайда сакълайма тауларымда,
Кёксюл ашхамларымда тангларымда,
Шуёхум кюндюз кёллендиредиле жол ызла,
Кече уа сени ашырыкъдыла жулдузла.

Кел, кел, кел…
Тауланы кёр,
Жерими жазы жайы да шоркъа тауушлу,
Жолунга тюшер кенг ала насып ал къушлу.
Кырдыкны чыгъып кюн жылтыратхан кезиуде,
Жугъутурланы кёрюрсе тауну кесинде.

Чакъырама сакълайма тауларымда,
Кюзню ашхамларымда тангларында,
Эл бердирликни жыйгъан да жигер эллиле,
Салкъын тёбеннгиде эшитилир эрирей.

Кел, кел, кел…
Сакълайды эл,
Жерими кюзю бишхен шапталла тюрсюнлю
Къуанч жарытыр сени тюшюнгю тюнюнгю,
Бирге къарарбыз элимде баргъан тойлагъа,
Алгъыш этербиз чагъырдан мюйюз толгъанда.

Чакъырама сакълайма тауларымда,
Къышны ашхамларында тангларында,
Бетинги сыларла Минги тауну желлери,
Билесе жюрекни жылыуну суукъ женгмезин.

Кел, кел, кел…
Урса да жел,
Жерими къышы ушайды сейир жомакъгъа,
Акъ кёгюрчюнле къаяладан акъгъан жумакъла,
Санарма мен санга жигитлени атланы,
Айтырма санга таурухларындан нартланы.

Кел, кел, кел…
Тауланы кёр,
Жерими жазы жайы да шоркъа тауушлу,
Жолунга тюшер кенг ала насып ал къушлу.
Кырдыкны чыгъып кюн жылтыратхан кезиуде,
Жугъутурланы кёрюрсе тауну кесинде.

Газаланы Алим жырлайды,

*****************

Алания

«Нёгер болсун джолунга»

Бара бара кетдим, ой орида ой
Бара таракъ таптым, ой орида ой
Аны аммага бердим, ой орида ой
Амма баппу берди, ой орида ой

Джомакъ джомакъ джолунга
Джолоу таякъ колунга
Негер болсун джолунга
Ой орида ой

Баппуну итке атдым, ой орида ой
Ууча кучюк берди, ой орида ой
Аны къойчугъа бердим, ой орида ой

*******************

"Кёгюрчюн"

Кёкде учуб баргъан кегюрчюн
Сюйген джашыма бир айт мени ючюн
Сюеме да болмайды
Къоямада болмайды
Унутама болмайды
Къалай этейим?

Кёкде учуб баргъан кегюрчюн
Сюйген джашыма бир айт мени ючюн
Айтама да болмайды
Барама да болмайды
Башхагъа бар дейдиле
Къалай этейим?

Кёкде учуб баргъан кегюрчюн
Акъырын бир айт мени ючюн
Къолумда алтын джюзюк
Башымда уа ау джаулукъ
Отоуда турама мен
Сау къал сюйгеним

Кёкде учуб баргъан кегюрчюн
Сюйгенлеге айт англар ючюн
Насып джашау болмайды
Сюйгенинге бармасанг
Дуния къарангы болады
Джюрегинги ачалмасанг

***************

«Келин келеди»

Келин киргенди бизни юйюге, жерни жарыта,
Къууанч бергенди жашны, къызына, жарыкъ жырлата.
Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Келин уяла босагъабыздан басханды,
Къайын анасы алына барып, къучакълагъанды.
Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Жашла хайт дегиз, татлы къонакълагъа къарагъыз,
Къууанч этсинле, жарыкъ болсунла, иги жарагъыз,
Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Pazartesi, 21-12-09, 0:51 AM | Mesaj # 10
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Турнала

Боз булутла къачхы джелге бойсуна,
Барадыла къыбла таба шималдан.
Чырмалалла Минги Тауну бойнуна,
Кёб мычымай къарайдыла башындан.

Булутлагъа тирелмезге кюреше,
Деу садакъны учу кибик, тизилиб,
Бир-биринден хапар биле, сёлеше,
Къалмасын,-дей,- онгсузуракъ юзюлюб.

Сиз учасыз, къыбла таба, турнала,
Сау къал эте, къанат къагъа, къычыра...
Бир кезюуде кюй сокъгъанча зурнала,
Джюреклеге такъырлыкъны чакъыра.

Сизни къанат тюбюгюздед Джуртугъуз,
Ушамайды сизге мени джазыуум.
Бюгюн къанат тюбюдеме Джуртуму...
Нек эскертед кесин озгъан джарсыуум?

Ким биледи, энди сизни ненчагъыз
Къайтмай къалыр джаз бла бирге таулагъа?
Сиз къайтыргъа таулада да ненчабыз,
Кете бара, сукъланырла саулагъа?

**********************
Газаев

"Марьям"

Танг аласы Чолпан жулдуз,
Марьям, Марьям, Марьям.
Узалдым да жеталмадым
Нечик болур дуниям?
Эй! Хай! Кёзюр жай!
Нечик болур дуниям?

Ол жулдузну алып санга,
Марьям, Марьям, Марьям.
Берир эдим белги халда
Нечик болур дуниям?
Эй! Хай! Кёзюр жай!
Нечик болур дуниям?

Алай амал неда табып,
Марьям, Марьям, Марьям.
Сенсиз ишим келишмейди
Нечик болур дуниям?
Эй! Хай! Кёзюр жай!
Нечик болур дуниям?

Къарамынгдан нор басхычны,
Марьям, Марьям, Марьям
Ишлеп кёкге тирер эдим
Нечик болур дуниям?
Эй! Хай! Кёзюр жай!
Нечик болур дуниям?

Ол басхычха сен жабышсанг,
Марьям, Марьям, Марьям
Жулдуз таба ёрлер эдим
Нечик болур дуниям?
Эй! Хай! Кёзюр жай!
Нечик болур дуниям?

Айтханыма сыйынмадынг,
Марьям, Марьям, Марьям
Умутуму юлешмединг
Нечик болур дуниям?
Эй! Хай! Кёзюр жай!
Нечик болур дуниям?

Эй! Хай! Кёзюр жай!
Нечик болур дуниям?

*****************

Абдуллах Борлаков

*Атаны къачы*

Ата ат бла ата джуртунг айтылыр
Ата ат бла этген ишинг танылыр
Ата ат бла тукъум болур юй болур
Ата ат бла халкъгъа улан къошулур
Ата ат бла тукъум болур юй болур
Ата ат бла халкъгъа улан къошулур

Ата къачны сыйламагъан абыныр
Ата хакъгъа акъылы аманны джаны табыныр
Ата сыйны кёре билген танылыр
Ата хатер этсенг хар ненг табылыр
Ата сыйны кёре билген танылыр
Ата хатер этсенг хар ненг табылыр

Джети атагъа ата тукъум айтылыр
жанынг къурман болсун атанга
Атам ючюн мени кёлюм мийкде
Узалмайын джетеме мен кёкге
Атам ючюн мени кёлюм мийкде
Узалмайын джетеме мен кёкге

Ата къачха келигиз сый береиик
Анны уллуду балалада къыйыны
Сыртда джолда кёб ишледе айланганд
Юйдеги ючюн кёб джерде къыйналгъанд
Сыртда джолда кёб ишледе айланганд
Юйдеги ючюн кёб джерде къыйналгъанд

Ата ат бла ата джуртунг айтылыр
Ата ат бла этген ишинг танылыр
Ата къачны сыйламагъан абыныр
Ата хакъгъа акъылы аманны джаны табыныр
Ата къачны сыйламагъан абыныр
Ата хакъгъа акъылы аманны джаны табыныр



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » ИНТЕР КАВКАЗ ФОРУМ » Литература и Искусство | Адабият бла Санагъат » Къарачай-малкъар тилде джырланы сёзлери. (Бир къаумланы тынгларга боллукъсуз)
  • Page 1 of 1
  • 1
Search:

Copyright Karachay © 2024