Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
Page 1 of 11
Forum (Nığış) » GENEL BÖLÜM » Algışla » Kelin kelgen cerde kep aytılğan alğış.
Kelin kelgen cerde kep aytılğan alğış.
kaçigarTarih: Pazartesi, 06-09-10, 6:38 PM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Tıñılağız, tıñılağanla awruwsuz boluğuz,
Kelgenleni colları bolsun mamukdan,
Caşawları bolsun zawukdan,
Kuwançıbız künde da bılay bolsun,
Bu kuwançha kelgen nasıpdan tolsun,
Nasıp halkdan ketmesin,
Kelgenleni caşawları mamır bolsun,
Acalları sabır bolsun,
Caşaw bolsun birlikde,
Bolayık bir birge süymeklikde.
Carısınla cürekle, tüz bolsunla niyetle,
Kabıl bolsunla ahşı tilekle.
Tüz niyet caşasın, zarnı küye aşasın,
Ahşılıkğa çabış sınla, nasıbın köp tapsınla,
Ahşılıkdan ülgü alayık, amanlıkdan keñ kalayık.
Istawatla mallı bolsunla, batmanla ballı bolsunla,
Egiz-egiz tölü tuwsun, segiz-segiz nasıp cawsun,
Kozlamağan tişi kalmasın, cawunlu bolsun cazıbız,
Karlı bolsun kışıbız, moñ bolsun azığıbız.
Elpek bolsunla malla, bek bitsinle sabanla,
Başlarına kol cetmezça, tübü cilyan ötmezça,
Ol nasıpnı biz tileybiz, alğış ayak kolubuzda,
Uça sıy da allıbızda, cañı kelinni nasıbıdı,
Kelgen kelinibiz kutlu bolsun, kelgen kelinni ayağından,
Cılıw ursun cayağından, süyüm bersin közleri,
İynak bolsun sözleri. Işara-küle kelsin,
Kelgen üyün süye kelsin, eter işin bile kelsin,
Kartha tatlı bolsun, moñ caşawğa açhıç bolsun,
Carık bersin culduzça, cıltırasın künduzça,
Apsınlağa ülgü bersin, har kim anı ariw körsün,
Bek tabışsın eri bla, eti bolğança teri bla,
Ertten bla ertte tursun, eter işin terk toltursun,
Taza bolsun turğan üyü, cıltıray össün üyürü,
Butun burup oltursun, butlay urçuk toltursun,
Tabıwçu bolsun egizleni, caşı ceksin ögüzleni,
Kızı ursun kiyizleni. Allah bersin ögüznü tarthanın,
Atnı çaphanın, uşkoknu athanın, koynu tüklüsün,
İynekni sütlüsün. Alğışçı alğış etsin, tıñılağanla amin desinle,
Amin demegen tilin kapsın. Alğış bu üyden ketmesin,
Karğış bu üyge cetmesin, amanla aythan kibik Allah etmesin.
Bu eki sabiyge zaran bolğannı caşawu oñmasın,
Allahdan tilegeni kabıl bolmasın.
Duniyabız mamır bolsun, halkıbız mallı bolsun.
Kartlarıbız akılğa üyretsinle, caşla, kızla da anı etsinle,
Urunup caşayık, bir birge boluşayık, halal kıyın aşayık,
Allah süygenleden bolayık, carık betden karayık.
Bu caş bla kıznı toyudu, cañı üydegini wa oyunudu.
Boza ayaknı alayık, carık betden karayık,
Bu kuruğan çöpnü başıdı, nasıplını aşıdı, ulludu bu ayaknı hurmeti,
Carık bolsun munu etgenni niyeti, kelgen kelinibiz alçı bolsun,
Kelgen cawğa açı bolsun, kuwançlık üslerinde barsın,
Alğış ayaknı aksakal alsın, kuwançıbız elde terk-terk barsın.



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Algışla » Kelin kelgen cerde kep aytılğan alğış.
Page 1 of 11
Search:

Copyright Karachay © 2017