| Assı | Tarih: Salı, 14-06-11, 7:58 PM | Mesaj # 1 |
Albay
Grup: Admin
Mesaj: 93
Ödüller: 0
İtibarlarınız: 5
Konum: Dışarıda
| Bu elde elsiz kıyınlık kişi sınamasın,
Caşlay ölgen deb kişi cılamasın,
Bu elden nasıb kurumasın,
Arbazlarında it ulumasın.
Cañı cuvukla cañıra, caşnay barsınla,
Avruvdan,talavdan keñde kalsınla,
Em bayla- bılağa cutlansınla,
Em nasıblıla - bılağa suklansınla.
Karañı keçe tolğan ay çığıb coluñu tanıthança,
Ertenbla kün tiyib duniyanı carıthança,
Bu ekisin körgenley mıdah cürekle carısınla,
İgile, aşhıla bılağa calınsınla.
Köb bolsunla törde olturğan kartlarıbız,
Bereket bolsun bizni etgen hantlarıbız,
Kögetlerin költürelmesinle sadlarıbız,
İgilik bla aytılsınla atlarıbız.
Kelinegeç bolsun, küev karnaş bolsun,
Aman innetli bu elden tas bolsun.
Amannı etgen muratları tolmasın,
Amannı koluna ömürde ırıshı konmasın.
Kobanıbız ızına aylanıb Miñi tavğa minñinçi,
Keçe arasında bir issi kün tiyginçi,
Çegetde kiyik üsüne kiyim kiyginçi,
Uruş otun sınamayın kalayık,
Kuvançlada alğış ayak alayık,
Bir-biribizge carık betden karayık.
Bu üynü içi har kuru da bereket bolsun,
Bılaça... deb alğışda aythan adet bolsun,
Elge onov eter kibik başları bolsun,
Ayğa uçar kibik caşları bolsun!
|
| |
| |
