Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
Page 1 of 11
Forum (Nığış) » GENEL BÖLÜM » Algışla » ALANNI ALĞIŞI
ALANNI ALĞIŞI
kaçigarTarih: Çarşamba, 09-09-09, 9:57 PM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda

ALANNI ALĞIŞI

Alan bir elge konakğa barğanlay, kelin kelgen cerge çakırıb, koluna alğış ayaknı tutdurğandıla. Alan da bu alğışnı etgendi:

Bu elde elsiz kıyınlık kişi sınamasın,
Caşlay ölgen deb kişi cılamasın,
Bu elden nasıb kurumasın,
Arbazlarında it ulumasın.

Cañı .cuwukla cañıra-caşnay barsınla,
Awruwdan-talawdan keñde kalsınla,
Em bayla bılağa cutlansınla,
Em nasıblıla bılağa suklansınla.

Karañı keçe tolğan ay çığıb, col tanıthança,
Ertdenbla kün tiyib duniyanı carıthança,
Ekisin körgenley, mıdah cürekle carısınla,
İgile-aşhıla ekisine calınsınla.

Köb bolsunla törde olturğan kartlarıbız,
Bereket bolsunla etgen hantlarıbız,
Kögetlerin költüralmasınla sadlarıbız,
İgilik bla aytılsınla atlarıbız.

Kralıbız kralladan baş bolsun,
Cüregibiz kün künden da caş bolsun,
Kelin — egeç bolsun, küew — karnaş bolsun,
Aman innetli bu elden tas bolsun.

Bu üy calğan onow kerekli bolmasın,
Bılağa amanlık izlegen adam oñmasın,
Allay adamnı etgen muratı tolmasın,
Amannı üyüne ömürde rıshı konmasın.

Cazıbız aşığıb cetsin,
Cayıbız cayılıb kelsin,
Kaçıbız murukku etsin,
Kışıbız kuwandırıb ketsin.

Koban ızına aylanıb Miñi-Tawğa minñinçi,
Çegetde knyik üsüne kiyim kiyginçi,
Keçe arasında bir issi kün tiyginçi,
Uruş otun sınamayın kalayık,
Kuwançlada alğış ayak alayık,
Bir-biribizge carık betden karayık.

Har zamanda bılanı üyleri bereket bolsun,
Alaça deb alğışha aythan adet bolsun,
Elge onow eter kibik başları bolsun



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Algışla » ALANNI ALĞIŞI
Page 1 of 11
Search:

Copyright Karachay © 2017