Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
Page 1 of 11
Forum (Nığış) » GENEL BÖLÜM » Tavruhla » SATANAY GOKKA HANS
SATANAY GOKKA HANS
kaçigarTarih: Çarşamba, 09-09-09, 10:13 PM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda

SATANAY GOKKA HANS

Ömürde bolmağan ariwluğu bla kökde künñe erişgen bir seyir zat bolğandı Satanay biyçe.
Uzun, kara kaşları, cıltıray - cana turğan közleri, künde ciltinlene turğan kutas çaçı, subay sanları. Duniyada bolmağan ariwluğu bolğan Satanay biyçe, ariwma deb, ullu kellü bolmağandı, neda menden ariw bolur da deb da kayğırmağandı.
Kobannı cağalarında soluğa, kiyim cuwarğa, cuwnurğa öç bolğandı Satanay biyçe. Suwnu köksül şorkaları anı iynak kuçaklarına cıyıb nazik sanın kuçaklay, keslerine işlendirgendile. Satanay biyçe, çabakça, Kobannı uyuğan cerinde arı-beri cüze, kün tohtab, anña suklanıb karağandı, gokka hansla wa, başların sozub, Satanay kersün deb, suwğa iyilgendile. Çegetlede kiyikle, kün talakağa çığıb, suwda cuwuna turğan tişirıwğa seyirsinib, alaylada ösgen hanslanı otlamağandıla.
Satanay biyçe Kobanña kirse, çegetde canıwar ulumağandı, kökde kanatlıla uçmağandıla. Suw kesi da uyub kalğandı, deydile. Suw cağasında aylanñan sağatda, anı kezüne gokka hans ilinse, ol anı sabiyni erkeletgença, erkeletib.turğandı.
Gokka hanslanı barın da birça iynaklab turğandı, alay a bir gokka hansnı bek süygendi barısındanda. Ol gokka hansnı bir-birde bitgen cerinde tögeregine aylanñandı, birde wa kelib, arbazında ornathandı. Bir süygen teñine tansık bolğaça, arı-beri ketgeni bolsa, ol gokka hansha aşığıb, ızına ceñil kaytıwçu bolğandı. Gokka hans da bir seyir zatçık bolğandı: kün bla birge közün cumub, tañ bla birge uyanñandı.
Tüşünde kesi allına söleşgeni bolsa da, gokkası bla uşak etgendi Satanay biyçe. Anı alay kemsiz etgenin körüb, ullu Kam bla ullu Hurzuk bir-birine koşulğan ullu tüzde ösgen seyir gokka hansçıkğa halk Satanay gokka deb atağandı. Burundan beri ösedi ol hans. Aşham bolsa, közün kısa, kün tiye başlasa, Satanaynı izleb, közün aça edi, deydile büğün da.



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Tavruhla » SATANAY GOKKA HANS
Page 1 of 11
Search:

Copyright Karachay © 2017