Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
Page 1 of 11
Forum (Nığış) » GENEL BÖLÜM » Eski cırlanı sözleri » ALİM GAZAEV
ALİM GAZAEV
kaçigarTarih: Çarşamba, 09-09-09, 10:40 PM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
ALTIN KİBİK

(Qumıqsqaya pesnya)
Perevod na karaçayevo-balqarskiy yazık Alima Gazayeva

Ariw bolmaz süygenle
Bir-birin añılamasala
Sen cılamuklarıñı
Tögüb, tögüb cılama.

Altın kibik barmağıñ,
Qümüş kibik tırnağıñ.
Süeme deb aytasa,
Nege kıynaysa meni?

Miyik tawğa minñenme -
Körmey bolmayma seni.
Bir kesekge amal alıb
Şukur da bolğanem.

Közleriñ kökdüle seni,
Kök atnı calı kibik.
Keregeñ sen maña,
Quşha kanatla kibik.

Kaşıñ bla közüñü
Ortasında ay bardı.
Saña termilib kalğan
Nença türlü can bardı?

Uzak colnu kelirme
Seni cañız bir körürge.
Teñizni cüzüb öterme
Çaçıña bir tiyerge.

Altın kibik barmağıñ,
Qümüş kibik tırnağıñ.
Süeme deb aytasa,
Nege kıynaysa meni?



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Çarşamba, 09-09-09, 10:41 PM | Mesaj # 2
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
KARAÇAYIM - MALKARIM

muzıqa Borisa Turkliyeva
slova Noriy Sozaruqova

Dew alanla zorçuladan, cawladan,
Köb ömürleni Allah bla saklanñan.
Seyir curtnu erkelete, iynaklay,
Biz caşaybız Malkar bla Karaçay.

Bu duniyanı candeti, deb atalğan,
Taw ceribiz mahtaw bla aytılğan.
Suwlarıbız - tamam kümüş belibaw,
Kuwançıbız - eki başlı Miñi Taw.

Karaçayım, Malkarım!
Ekibiz da eki uçar kanatım.
Bir milletden caratılğan eki halk,
Şoh turabız bir-birge bolub cak.

Tamadanı sıylab orun bergenle,
Tişirıwnu ana kaçın körgenle.
Kartlarıbız tüz onowlu kelbetli,
Caş tölübüz taw namıslı, adetli.

Kıyın künde şohun, teñin satmağan,
Başhalağa sawut alıb çabmağan,
Tüzlük colda teñ atlağan egizle,
Zorluk açıw sınamağız ömürde.

Karaçayım, Malkarım!
Ekibiz da eki uçar kanatım.
Bir milletden caratılğan eki halk,
Şoh turabız bir-birge bolub cak.



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Cumartesi, 24-04-10, 0:19 AM | Mesaj # 3
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Oy, Kafkas Taula,
Bir miyik ariuvla,
Bizni demengili kalabız,
Siz da cilagız, biz da cilaybız,
Uzak ayırılıb barabız.

***
Uzak ayırılıb, ketib da barabız,
Ömürübüz caşagan tauladan.
Biz ölgenlege nege cilaybız?
Ala nasıblılla sauladan.

***
Stauat saklagan bizni itleribiz,
Izıbızdan karab uluyla.
Carım sagatha Ullu Karaçay'da
Kallay ariuv elle kuruyla.

***
İynekleribiz da kalıb ketdile
Eşikleri açılmay öküre,
Maşinaga minib ketib da barabız
Izıbızga karay, öküne.

***
Moskva'dan kelgen çuvut(yahudi) komandirle
Tögerek aylanıb saklayla,
Bu kıyınlıkla bizge cetgenine
Taula, taşla da cilayla.

***
Moskva'dan kelgen çuvut komandirle
Tögerek aylanıb karayla,
Bizni koyub ketib barasız deb,
Ölgenle da bizge cilayla.

***
Ala cilamay kalay etsinle;
Ketdile duaçı kartları,
Kazakistan'da bir cılga bolgandı
Ol carlı kartlanı artları.

***
Ol carlı kartla catadıla, harib,
Ala canazısız, duasız,
Mejgitleribiz kalıb ketdile
Cuma künlede cumasız.

***
Beri kelgenli bir köb bolganla,
Oy, açı cürek carala,
Anaları ölgen öksüz sabiyleni
Mında kaznaga alalla.

***
Aytır sözlerim birda köbdüle
Aytıb kolumdan kelmeydi,
Mında ölgenlege; aşdan ölgend deydile.
Acalsız'a kişi da ölmeydi.

"Koban"
Özdenlanı Albert

Özenleni,keñ tüzleni
Suwsabların kandırğan,
Miñi Tawnu cüregini
Kan tamırısa,Koban.

Karaçaynı Kobanı,
Miñi Tawnu kök kanı,
Alğışları kartlanı,
Tarkayma miñ cıllanı!

Caz başında kemsiz aza,
Kulak suwdan wyala,
Cayda-boza,kaçda-taza,
Kış bolsa wa -miyala.

Karaçaynı Kobanı,
Miñi Tawnu kök kanı,
Alğışları kartlanı,
Tarkayma miñ cıllanı!

Seni suwuñ-meni kanım,
Öhtemligiñ kölümde.
Sabır bolğanlıkğa añım,
Ceñilligiñ halimde.

Karaçaynı Kobanı,
Miñi Tawnu kök kanı,
Alğışları kartlanı,
Tarkayma miñ cıllanı!

Endi halkım termilmesin
Senden urtlam urtlarğa!
Açlık cetib küsemesin
Taşlarıñı calarğa!

Karaçaynı Kobanı,
Miñi Tawnu kök kanı,
Alğışları kartlanı,
Tarkayma miñ cıllanı!

Sınamazça halkım kuvluk,
Ömürde da bolma say!
Etib tursañ halal kulluk,
Razı tururKaraçay!

Karaçaynı Kobanı,
Miñi Tawnu kök kanı,
Alğışları kartlanı,
Tarkayma miñ cıllanı!

Alim Gazayev



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Eski cırlanı sözleri » ALİM GAZAEV
Page 1 of 11
Search:

Copyright Karachay © 2017