Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
Page 1 of 11
Forum (Nığış) » GENEL BÖLÜM » Şiirle -Nazmula » Saylamla
Saylamla
kaçigarTarih: Salı, 27-03-12, 7:21 PM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
MİLLETİN SATHANLA!

Milletni sathanla!
Uppa etib, körürge,
Nart taularıbıznı!
Çırttan mında ölürge,
Soluy taza hauabıznı!

Öhtemlenib kararga,
Tau biyikden Curtubuzga!
Kargalanı mararga,
Kaythan edik auuzubuzga!

Kördüm kuuanç, Carsıuu da,
Cokladı meni asıu da.
Kabır çek ızladım kesime,
Atam ayak üsge süyegen cerimde!

Alay, barmaydı caşau aklay,
Turmadı sagışım carıklay!
Köçgünçülükde sathıçla,
Canngıdan çıkdıla nalatla!

Cüregimi cargan a nedi?
Taulanı sathan, taulu iyedi!
Kerekli edi kökürek tirerge,
Cer biyley, tauga örlegennge!

Satdı! Kurutdu! Nart taularıbıznı!
Nögerleri boldu, kanlı caularıbıznı!
Nek? Ömürlük karının toltururga!
Çirimez cerde ming cılla oltururga!

Kuş uyada, karga köb onoumu eter?!
Karga begimle ornatıbmı keter?!
Kuş kannı kurgasıbmı kalır ızları?!
Kanatların çıgırlarırmı zamannı cılları?!

Karalaymı turur kargalanı türsünleri!?
Carıkmı atarla kellik künleri!?
Kuşla ua inciltmezle öhtemliklerin,
Karga cıyınnga boşlab cerlerin!

Kesibmi bir birlerin, coyubmu,
Beş kargaga, bir kuş koyubmu!!!
Cırtırla, dumb eterle mıllıkçılanı,
Atları da kalmaz, mulharçılanı!

Taulu atların tas etib,
Milletibizni sathanla!
Tüz coldan kenge ketib,
Kyafır caşauga bathanla!

Aldanıb ırıshıga, ahçaga!
Nalat berib taularıbızga,
Em çıdamlı kartlarıbızga!
Keçilmesin ol sathıçlarıbızga!

Tarıhıbıznı, törebizni, tilibizni!
Taşıbıznı, agaçıbıznı, ceribizni!
Satadıla, sathança öhtemliklerin,
Cer bla teng ete taulu cüreklerin!

Tüyüldü taulu, halkından ıylıkgan,
Kötürüle bargannı tartıb cıgılthan!
«Halkım» - degenni, cauça körgen,
Cumuşak şindikge, cerin bergen!

Üyün birinçi cerge salgan,
Kart olturgan taşnı sathan!
Milletin milletça körmegen,
Kesin alan adetde cürütmegen!

Tamblagı künnü sagışın etmegen,
Aşar umutu esinden bir da ketmegen!
« Cer bolmasa, halk bolurmu » demegen,
Tındırgan işin, kesi başı bla etmegen!

Milletni kadarın cazarga itinngen,
Korkgandan, kullukga berilgen!
Ullu işde, halknı akılın sormagan,
Cılla uzunu adam kıyından toymagan!

Kabırın satarga ata – babasını,
Kol salgan taulu, kalırmı taululay!?
Akıl etmey kesini catar cerin,
Bilmey, ol da turmazın saulay!

Mulharga üyrenngen, caylıkda otlayalmaz!
Eki ayaknı, birge tuthan, birden ayıralmaz!
« Kesim » degen, milletin ongduralmaz!
Nasıb küçün, inbaşına konduralmaz!

Sathıçla kurusunla miletibizde!
Bolmasın kir tamga betibizde!
Kara salınsın köz tiymezge
Bizge kellik nasıbha, köllendirge!

Karaçaçlı - 15.03.2012 23:09:13



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Salı, 27-03-12, 8:02 PM | Mesaj # 2
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Gitçe sanlı,sıfatsız adam 
Kir niyetden cüreging tolup, 
Toymagan gubu kanın içese 
Malkar halknı sırtına konup. 

Halkınga palahnı alamat cumuş dep 
Kuuanç tıpırlı keltirese, 
Artıng şintikde, karnıng tok 
Alay etseng, turlukların bilese. 

Halk içinden er çıksa, 
Erlay anı ızından tüşese, 
Kesingça ilişanlıla bla kurşalap, 
Abındırgınçı talmayın sürese. 

Cuuuknu cuuuk bla cau etip 
Tenge tengin satdırasa, 
Sanga baş iymegen çıksa 
Kıral küçge kabdırasa. 

Tau elleni adamsız etip, 
Tış adamlaga cerlerin koydung, 
Öz milleting carlı bolsada, 
Calangaç ösgen, sen toydung. 

Kalay küçlüme, demengilime dep, 
Alauganlanı cıkganınga, 
Öhtemlenese kesing bla, 
Önüng tıgılıp tamagınga. 

Alay öhtemlenirça cokdu sıltauung. 
Cokdu akılıng ne da karıuung, 
Cangız bardı satılganıng gırcınga, 
Ne eltirikse halkdan artık kabırınga? 

kunya - 
22.03.2012 17:26:04



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Salı, 27-03-12, 8:13 PM | Mesaj # 3
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
CARSIU

Carsıuga tuuduklarıbızda
Hata körürle sathıçladan,
Sathıçlanı tuuduklarıda
Keterge izlemeydile ata coldan.

Hayıuanla sabiyleri bla kalmay
Bügedile saulayda milletni,
Men aşayma seni ua neng igidi
Dep uzata kemirilgen süyekni.

Kesi ou kesindenda oulanı
Cıyadı kalmay katına,
Bilimleri akılları bolmaganla
Kararça anı auzuna.

Ma alay artdan artha
Barabız başhala barganda alga,
Birda bolmasa salayık cırga
Etgenlegeni çırmau colubuzga.

куня
Эльбрусоид



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Salı, 27-03-12, 8:19 PM | Mesaj # 4
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Jolga-alga! Ne da – kabırga!
Ullu tüyüldü saylama
Amannı kebinden jaşarça
Takgandıla şınjırga

Birle iynandıla aşıgıp
İynandıla sagışsız, maganasız
Şınjırga tagılıp olmudu jaşau
Beklenip eseñ olmudu saylau?

Hıylalıdı bizge berilgen ahşılık
Oburnu hıynı suuuna uşaydı
Kesibiznikileden ölüm taş artına bugup
Başhaladanda ölüm sırtıbızdan turup

Janıbız suup, sanıbız juklap
Biz da tıñılaybız atılgan süekça
Kir terezebizge hılikge karap
Ayıplı işibiz bizge külgença

Bolsak edi bugoulanı sındırgan
Bogurdagın alır edik kemirip
Es etip , ol bizni baylagannı
Mahtau jaşauga, şınjır bla takgannı

Zathamı ışanabız biz, nege?!
Kelmeymidi eterge jumuş koldan
Süek tauuş kabaklanı jannetge
Nek tüebiz, etilipdile ala kurçdan

Çıga esegiz kazauatdan jok ugay
Alay bagasın saldıla kallay:
Köp jıllanı tururça jaşaganlay
Terslikde, ayıpda, satılganlay

Alay jaşau tutamıdı ol baganı
Hoş boluguz – boşalmagandı jol
Bir janında, tökgenleden kanlanı
Tiyişli ölürge andan esse hazır bol

Aşıkmagız sanarga batmak kurtha
Çirigen jerde kesibizge uya kurmak
Biz ölmebiz tiyişsiz jaşaudan
Tiyyşli ölüp, jaşarbız unutulmak!!

kunya
Elbrusoid



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
kaçigarTarih: Salı, 27-03-12, 8:32 PM | Mesaj # 5
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
İt nöger bolsa
Kalın agaçda
Korkmayın barırsa ingirde
Ayıu okuna
Allınga çıksa
Küreşir ol anga ürürge

İtden başladım, cırımı allın
Adamlada itlik köre
İtliklerinden kanım buzula
Caşadım kaum cılnı töze

Tenging it bolsa, ol seni satar
Bilmey turganlay sırtdan kabar
Börü cıyın bla, sanga col açar
Hayt dep turmasang, talar

Caşauda ahça, maşina sıylı
Adamlık, seyir uçuz boldu
Cuuknu aldau, tengleni satıu
Ayıpdan törege buruldu

Bek köp insannı baş ilişanı
Zarlık, zorluk bolup kaldı
Tenge erişip uru kazganı
Cüregine asıu saldı

İt nöger bolsa, kalın agaçda
Korkmayın barırsa ingirde
Ayıu okuna alınga çıksa
Küreşir ol anga ürürge
Bir aman tengden igi it bolsa
Anı ala tur nögerge.

ТАУЛУЛА



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Şiirle -Nazmula » Saylamla
Page 1 of 11
Search:

Copyright Karachay © 2017