Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
Page 1 of 11
Forum (Nığış) » GENEL BÖLÜM » Şiirle -Nazmula » MEÇİ'lanı KAZIM(Мечи'ланы Казим)
MEÇİ'lanı KAZIM(Мечи'ланы Казим)
kaçigarTarih: Perşembe, 10-09-09, 0:32 AM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda

KAZİM

Men bir insan. Caşadım. Candı otum.
Temir da tüydüm, köp kitap okudum.
Tamatağa sak boldum, örge kopdum,
Bir Allahdan, artıklıkdan korkdum.
Kalırla körügüm, töşüm, çögüçüm,
Caşadım, kulluk da etdim el üçün,
Bir adam ketmez körürün körgünçü,
Caşawun etip, beririn berginçi!
Men ölürme, canazıma kelirle,
Cannet tilep, ırazılık berirle,
Sözümü, aksak butumu esgerirle,
Carlı Kazim cilyay-uluy ketdi derle.
Asıl kartla, kelip, duwa tutarla,
Egeçlerim ak çaçların cırtarla.
Kart pariyim da töşge çığıp ulur,
Camağat arbazımda üç kün turur.
Kabır suwukluğu kısar etimi,
Munkar, Nakir bilirle niyetimi,
Tilegim carıtır anda betimi,
Ökülünley kalırma ümmetimi.
Tiyre kartla gürbecimi katında
Ekindide la-illaha aytırla.
Uyatırla kör şoşluğun, esimi,
İnşa-Allah el unutmaz kesimi.

"Uzak kalıp tavlarıbız..."
Uzak kalıp tawlarıbız,
Kıyın boldu safarıbız,
Arıdıla sanlarıbız,
Az kaldıla sawlarıbız.
Bılay boldu kadarıbız,
Nedi aña madarıbız?
İyman izlep acaşhanbız,
Eşitilirmi haparıbız?
1910

"Uwğa barsın, aylansın kazawatda..."

Uwğa barsın, aylansın kazawatda,
Sermeşsin ceri üçün canñan otda,
Taw başına biyik çığıp, acaşsın,
Suw tübüne suw taşınlay da batsın,
Kıyın işden arıp kelip, cuklasın,
Palah cetip, eşiklerin da kaksın,
Barında da bir nögeri adamnı,-
Tawkelligi-aldamazlık kadarı.
1910

Uwçulan Cırı

Zıbır mıyıklarıbız da buz bolup,
Colla uçhalawuk, tawla körünmey.
Apsatı bizni colubuznu kesmez,
Büğün kuşla bla erişirbiz, hey!
Kuşnu awanası kayağa ense,
Colubuz bolur, biz bir hata körmey.
Kayadan keterbiz dep, korkup artha
Burulmabız colubuzdan büğün, hey!
Aybaş cuğuturlanı terk körürbüz,
Terkirek boluğuz, arıdık demey.
Başıbızdan karla üzülsele da,
Aladan korkup da tohtamabız, hey!
Üyde sabiyle, katınla saklaydıla,
Alağa barmabız kurlay, zat eltmey.
Mıyıkla – buz! Cüreklede buz cokdu,-
Kardan da, çıñıldan da korkmabız, hey!
Kayala tikdile, colla – bek kıyın,
Kar buğeyle turadıla körünmey.
Ölgenibizge cır etilsin, artha
Aylanñandan ese, korkaklaça, hey!
Ma kuş awanası kayağa enñend,
Colubuz bollukdu. Alğa, erinmey!
Başıbızdan karla üzülsele da,
Aladan korkup da tohtamabız, hey!
1918



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Şiirle -Nazmula » MEÇİ'lanı KAZIM(Мечи'ланы Казим)
Page 1 of 11
Search:

Copyright Karachay © 2017