Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
Page 1 of 11
Forum (Nığış) » GENEL BÖLÜM » Şiirle -Nazmula » SEMENLENİ SIMAYIL
SEMENLENİ SIMAYIL
kaçigarTarih: Perşembe, 10-09-09, 0:41 AM | Mesaj # 1
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
Miñi Taw


Sen kökge cete miyikse
Kavkaz tawlanı içinde.
Miyala kibik, cıltıray,
Kaña buzlarıñ üsüñde.

Üsüñde bardı ak tonuñ,
Sen cay da, kış da kiyese.
Kün buzulurğa tebrese,
Boran eterge süese.

Kün ariw, çuwak turğanlay,
Tohtamaydı boranıñ,
Cay da, kış da erimeydi
Üsüñdegi buzlarıñ.

Tögeregiñde toğay otlayla
Altın müyüzlü kiyikle.
Seni töppeñe çığıwçandıla
Bögekle bla cigitle.

Kiyik buwlarıñ öküredile,
Koñurawlanı kakğança,
Cuğuturlarıñ turuşadıla,
Atlıla çarsha çabhança.

Kaplanlarıñ, aslanlarıñ
Buğoylarıña kirelle.
Pokunlarıñ, gujdarlarıñ
Adam cıyınnı bilelle.

Ayuleriñ muruldaydıla
Şındık çegetni içinde.
Börüleriñ kalkıydıla,
Koylanı köre tüşünde.

Kök caşnasa, sızğıradıla
Etekleriñ, cel ete...
Menden küçlü cokdu deb,
Kesiñ kesiñe köl ete.

Kaplanlarıñ karab turalla,
Beklege kirib, mıñayıb.
Borsuklarıñ, tülküleriñ
Cuwuk barırğa uyalıb.

Kankazlarıñ kañkıldayla,
Çın tawuklarıñ cırlayla.
Karğalarıñ kark-kurk ete,
Mıllık tabmayın cılayla.

Kögürçünleriñ cüwüldeydile,
Künüñ cıltırab kakğanlay.
Marallarıñ otlaydıla,
Gelew kırdıkğa bathanlay.

Çıpçıklarıñ, çawkalarıñ
Buday ındırnı çöbleyle.
Ararat bla Kazbek taw
Saña tügel cetmeyle.

Ullu kuşla saña konsala,
Üyle kibik, karaşıb,
Cur tekele cığılsala,
Sürüwlerinden acaşıb.

Küz artında turnalarıñ
Awub ketelle teñizge.
Kışha hazır boluğuz, deb,
Esgertiwçense sen bizge.

Senden sora kaysı tawdu
AriwluK bla bay bolğan.
Başı kış bolub, beli caz bolub,
Eteklerinde cay bolğan?

Miñi Taw bla Kazbek taw,
Arağız ariw cibek aw...
Sen kiyiz börknü ağarta,
Etegiñ caşil katapa.

Sen culduzlağa canaşa,
Kalğanla senden alaşa.
Bir-birigizge karaşa,
Kalay seyirsiz, tamaşa!

Buznu, karnı cıyıwçu,
Başıña bulut konuwçu.
Tögeregiñe basınıb,
Tawlula karab toymawçu.

Kış aylanı boranısa,
Cay aylanı salkını.
Cumuşaklık etmeseñ,
İncitirikse halkıñı.

Kesin begitmey çıkğanña,
Başha bolmay, bir cawsa.
Saw duniyanı başında
Em belgili bir tawsa.



Ana tilin süygenni,
Har zamanda kölü tok,
Anatilni süymegenni,
''ANAM'' derge erkinligi cok.
 
Forum (Nığış) » GENEL BÖLÜM » Şiirle -Nazmula » SEMENLENİ SIMAYIL
Page 1 of 11
Search:

Copyright Karachay © 2017