98: 1-8.
98 Суура Баййинах - Баямлау.
(Дунияны юсюнде, Аллах бир болгъаны кибик дини да бирди, адамла аны бёлек - бёлек этиб кёб динле къурасала да. Бу суура аны терс болгъанын ачыкълайды).
Рахматлы джумушакъ Аллахны аты бла
1.Китаб ахлуладан да, мушрикледен да къаршчы чыкъгъанла, алагъа Аллахдан ачыкъ далил келгенден сора къаршчы болдула.
2.Аллахны келечиси алагъа таза сухуфаланы окъуй тургъанлай,
3.ичлеринде да эм тюз джазыула болгъан.
4.Ол кеслерине китаб берилгенле уа, къуру алагъа ачыкъ далил келгенден сора бёлюндюле.
5.Алагъа да, къуру таза джюрекден, ханифле болуб, намаз да къыла, зекят да бере, бир Аллахха къуллукъ этерге буюрулгъан эди. Ма олду тюз дин.
6.Ишексиз, китаб ахлуладан да, мушрикледен да къаршчы болгъанла ишексиз, ала ёмюрге джаханим отдадыла. Ма ала джер юсюнде адамланы аманларыдыла.
7.Алай а, ийман да салыб, ашхы къуллукъла да этгенле, ишексиз, ала да джер юсюнде адамланы ашхыларыдыла.
8.Раббийлерини джанында аланы хакълары, тюбю бла суула баргъан, ёмюрге анда турургъа Аднан джаннетледиле. Алагъа Аллах да разы болгъан, ала да Анга разы болгъан халда. Ол зат а, къуру Иеси Аллахдан къоркъгъан адамгъады.