Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
Page 1 of 11
Archive - read only
Forum (Nığış) » ИНТЕР КАВКАЗ ФОРУМ » ДИН-Бизни тилде Куран » 79 Суура Аннаазигъат - Джыртыучула.
79 Суура Аннаазигъат - Джыртыучула.
AssıTarih: Salı, 06-12-11, 8:10 PM | Mesaj # 1
Albay
Grup: Admin
Mesaj: 93
Ödüller: 0
İtibarlarınız: 5
Konum: Dışarıda
79: 1-46.



79 Суура Аннаазигъат
- Джыртыучула.


Рахматлы джумушакъ Аллахны аты бла

1.Мен ант этеме, джанын джыртыб, хыны алыучу,
2. джанын да джумушакъ алыучу,
3. хауада сюзюлюб джюзюучю,
4.ашыгъыб бир - бирин озуучу,
5.буйрукъну тындырыучу мёлекле бла.
6. Ол титирерик титиреген кюн ,
7.аны ызындан экинчи да келир,
8.ол кюн джюрекле къалтырарла,
9.кёзле да сюзюлюрле .
10.ала "Сора биз, ишексиз, бурун халыбызгъамы къайытырбыз?
11.биз чириб бошаб, сюек болгъандан сора?" - дерле.
12.Дагъыда ала: "Алай болса, ол къайытыу а къолай къайытыу тюлдю", - дерле.
13. ол кюн а, джангыз бир ачы таууш болур,
14.ала олсагъатлай уяныб сагъайырла.
15.(Мухаммад), сеннге Муссаны хапары келдими?
16.Раббиси анга Тууаа деген бир сыйлы тюзде, таууш этгени:
17."Фыргъаууннга бар, ишексиз, ол чекден чыкъгъанды,
18.сен анга: "Тазаланыргъа къалайса сен?" - де,
19.хо болсанг, мен сени Раббинги джолуна тюзетейим, Аллахынгдан къоркъа билирсе", - деб, бар.
20. анга Мусса уллу сейир белги кёгюзтдю.
21.Ол аны ётюрюкге санаб тынгыламады,
22.дженгил огъуна ары бурулуб,
23.адамларын джыйыб, алагъа таууш этди:
24."Сизни мийик раббигиз менме да", - деди,
25.Сора Аллах да аны дунияда, ахыратда да тутду.
26.Ишексиз, ол затда къоркъа билгеннге керти оюм барды.
27.Джаратылмакъда, сизми деменгилирексиз, огъесе, кёклеми? Аны уа Ол ишледи.
28.Ол аны мийикге кёлтюрюб джарашдырыб къурады,
29.аны кечесин - къарангы, кюндюзюн - джарыкъ этди,
30.андан сора джерни да этиб джайды,
31.сууун, отлауун да чыгъарды,
32.мийик тауланы да сюеди.
33.Сиз да, малларыгъыз да хайырланыргъа.
34. уллу къыйынлыкъ басхан заманда,
35.ол кюн хар адам неге талпыгъанын эсине тюшюрюр,
36.ол кюн кёзге джаханим туура болур.
37.Сора чекден да чыкъгъан,
38.дуния джашауну да сайлагъан адамны айтсакъ,
39.ишексиз, аны орну джаханим болур.
40.Алай а Раббисини аллына сюелирин къоркъуб, нафсы хауасын бошламай, аны тыйыб джашагъанны айтсакъ,
41.ишексиз, аны орну да джаннет болур.
42. сеннге: "Къыямат кюн къачан келликди?" - деб сорадыла.
43.Аны айтыргъа сенде билим къайда?
44.Аны билими Раббинге тиреледи.
45.Сен а, къуру Аллахдан къоркъгъан адамны сакълыкъгъа чакъырыучуса.
46.Ала аны кёрген кюн, бу алагъа, не ингирчакълы, не эртденчакълы бир кёрюнюр.
 
Forum (Nığış) » ИНТЕР КАВКАЗ ФОРУМ » ДИН-Бизни тилде Куран » 79 Суура Аннаазигъат - Джыртыучула.
Page 1 of 11
Search:

Copyright Karachay © 2017