Anasayfa | Kayıt | Giriş Hoşgeldiniz Ziyaretçi | RSS
[ Yeni mesaj · Üyeler · Forum kuralları · Arama · RSS ]
Page 1 of 11
Archive - read only
Forum (Nığış) » ИНТЕР КАВКАЗ ФОРУМ » ДИН-Бизни тилде Куран » 78 Суура Наба - Хапар
78 Суура Наба - Хапар
AssıTarih: Salı, 06-12-11, 8:19 PM | Mesaj # 1
Albay
Grup: Admin
Mesaj: 93
Ödüller: 0
İtibarlarınız: 5
Konum: Dışarıda
78: 1-40.



78 Суура Наба - Хапар

(Мухаммад меккячылагъа, къыямат кюн тирилиуню юсюнден аятла окъугъанында, ала анга ийнанмай орамла хапардан толгъандыла. Бир - бирине аны айтышыб, сорушуб анга бек сейирсиннгендиле. Сора Уллу Аллах кеси алагъа джууабха бу суураны джибергенди, аны ичинде кесини къудретин баямлаб).

Рахматлы Джумушакъ Аллахны аты бла.

1.Ала бир-бирине нени юсюнден сорушадыла?
2.Ол а уллу хапарны юсюнденди,
3.ол ала даулашыб - тартышыб тургъан.
4.Огъай, алай тюлдю! Ала аны артда билирле,
5.энтда огъай, алай тюлдю! Артда билирле ала.
6.Биз джерни тёшек этиб аланы тюблерине салмадыкъмы?
7.Тауланы да къазыкъла этиб;
8.сизни да нёгер-нёгер джаратыб,
9.джукъуну да сизге тынчаймакъ этиб,
10.кечени да сизге джабыу этиб,
11.кюндюзню да сизге джашау этиб,
12.башыгъызда джети деменнгили да ишлеб,
13.къызыб тургъан бир чыракъны да этиб,
14.булутладан сыгъылыб чыкъгъан сууну да эндириб,
15.аны бла Биз сизге битдирир ючюн; мюрзеуню, битимни,
16.къалын кёгет терекле да.
17.Ишексиз, айырылгъан кюнню болджалы салыныбды.
18.Сургъа юфгюрюлюб, сиз да джоппу-джоппу келир кюн.
19.Кёк да ачылыб эшикле болуб къалгъан кюн
20.Таула да джюрютюлюб букъу чарс болуб къалгъан .
21.Ишексиз, джаханим да мараб турады.
22.Чекден чыкъгъанланы ары барырларын.
23.Анда ала ёмюрлени турурла.
24.Ала анда , не бир салкъынлыкъ, не бир ичерик табмазла,
25.къуру, къайнар суу бла ирин болмаса,
26.ол аланы этгенлерине кёре хакъларыды,
27.Ишексиз, ала ишлери эсеблениуге ышанмадыла .
28.Бизни аятларыбызны да ётюрюкге санадыла.
29.Биз а хар нени да тергеб, китаб этиб турабыз.
30.Сора алагъа: "Чегигиз, Биз сизге къуру, азабдан башха джукъ къошарыкъ тюлбюз", - дербиз
31.Ишексиз, Аллахдан къоркъгъанлагъа уа ол кюн, хорлам барды,
32.кёгет терекле, джюзюм бачхала,
33.тёгерек ёшюнлю, тенг къызла,
34.толу ички аякъла,
35.ала анда не терс сёз, не ётюрюк эшитмезле.
36. эсеблениб Раббингден сеннге хакъгъа,
37.кёклени, джерни да, экисини арасындагъыланы да, Иеси Рахмандан болуб. Анга бир киши джукъ айталмаз.
38.Ол кюн сыйлы джан да мёлекле да саф -саф болуб тизилирле. Къуру Рахман Аллах эркинлик берген адам болмаса, киши сёлешалмаз. Сёлешген да, къуру тюзню айтыр. 39.Ишексиз, ол кюн, келлик кюндю, Раббисине къайытыр акъылы болгъаннга. 40.Биз сизни джууукълашыб келе тургъан азабдан сакълыкъгъа чакъырдыкъ. Хар адам этген затына къараб кёрюб , сора кяфыр а: "Ай, анасыны, мен топуракъ болуб къалсам эди!" - деб, айтхан кюн.

 
Forum (Nığış) » ИНТЕР КАВКАЗ ФОРУМ » ДИН-Бизни тилде Куран » 78 Суура Наба - Хапар
Page 1 of 11
Search:

Copyright Karachay © 2017