| Assı | Tarih: Salı, 06-12-11, 8:48 PM | Mesaj # 1 |
Albay
Grup: Admin
Mesaj: 93
Ödüller: 0
İtibarlarınız: 5
Konum: Dışarıda
| 77: 1-50.
77 Суура Алмурсалат - Джиберилгенле.
Рахматлы джумушакъ Аллахны аты бла.
1.Мен ант этеме бир-бири ызындан тохтаусуз баргъан джелле бла.
2.Къаты ургъан джелле бла да.
3.Сюрюб булутланы джайгъан джелле бла да.
4.айырыучу аятла бла да.
5.Аманатны джетишдириучю бла да,
6.не кечер ючюн , не къоркъутур ючюн
7.Ол сизге сёз берилген, амалсыз келир ,
8.джулдузла джукълансала,
9.кёк да джарылса,
10.таула да букъу - чукъу болуб чачылсала,
11.Файгъамбарланы да чакълары джетсе,
12.болджал салыныб тургъан кюннге,
13. айырылгъан кюн.
14.Айырылгъан кюн деген, ол не болгъанын сеннге ким билдирир?
15.Ол кюн а, аны ётюрюк этиучюлеге къыйынлыкъ.
16.Биз буруннгуланы тюб этмедикми сора?
17.Аланы ызларындан артдагъыланы да?
18.Чекден ётгенлеге, Бизни этиуюбюз алайды.
19.Ётюрюк этиучюлеге ол кюн къыйынлыкъ.
20.Биз сизни сыйсыз суу джаратмадыкъмы сора?
21.аны бек джерде этмедикми?
22.Бир белгили болджалгъа дери?
23.Биз анга марда салдыкъ да Биз къаллай ашхы марда салыучубуз.
24.Ётюрюкге санагъанлагъа уа, ол кюн къыйынлыкъ.
25.Джерни да, Биз хар затны тартыб, юсюне джыйыб - къысыб турурча этмедикми?
26.Джашарлай, ёлюрлей .
27. Анда мийик таула да къураб, сизге да тузсуз сууну ичирмедикми сора?
28.Ётюрюк этиучюлеге, ол кюн къыйынлыкъ.
29.Алагъа: "Ол ётюрюк этиучюгюзге барыгъыз энди", - дерле,
30. юч бёлюмлю салкъыннга .
31.Ол не салкъынлыкъ этмеген, неда отдан къутхармагъан.
32.Къаланы окъла бла ургъан кибик, кёсёуле бла ургъан отха.
33. сары тюелеча .
34.Ётюрюк этиучюлеге ол кюн къыйынлыкъ.
35.Ол а аланы бири да сёлашалмагъан кюндю.
36. Сылтауларын айтыргъа да мадарлары болмаган.
37.Ётюрюкге санаучулагъа ол кюн къыйынлыкъ.
38.Алагъа: "Бу терс-тюз айырылгъан, Биз сизни да, буруннгуланы да джыйгъан кюндю,
39. хыйла этер мадарыгъыз бар эсе, этигиз - деб айтылыр.
40.Ол кюн, ётюрюкге санагъанлагъа къыйынлыкъ.
41.Ишексиз, Аллахдан къоркъгъанла уа, кёлеккелеринде, баргъан сууланы арасында болурла,
42.сайлагъан кёгетлерине да эркин.
43.Сора алагъа: "Этген ишлеригиз ючюн ашагъыз, ичигиз, бу сизге огъур болсун", - деб, айтылыр.
44.Ишексиз, ашхылагъа Бизни джал беририбиз алайды.
45.Ётюрюк этиучюлеге уа ол кюн къыйынлыкъ.
46. бир кесек ашагъыз, зауукъланыгъыз , сиз чекден чыкъгъан къауумсуз.
47.Ётюрюк этиучюлеге ол кюн къыйынлыкъ.
48.Алагъа: "Аллахха ийилигиз", - деб айтылса ол кюн, ийилалмазла.
49.Ётюрюк этиучюлеге ол кюн къыйынлыкъ.
50.Бу айтыугъа ийнанмагъан а, башха неге ийнаныр.
|
| |
| |
