Assı | Tarih: Salı, 02-06-15, 9:10 PM | Mesaj # 1 |
Albay
Grup: Admin
Mesaj: 93
Ödüller: 0
İtibarlarınız: 5
Konum: Dışarıda
| …
Taula - taulunu üyü, Kadarı, mudah küyü, Umutu, ak sagışı, Jomagı, jazı, kışı.
Kavkaz taulanı jaşı, Kum tüzlede ajaşıp, Taularınga termile, Janıng otha kemüle,
Onüç jılnı, uzakda, Kişi jerde, tuzakda, Açı gırjın aşadıng, Kep ahlungdan boşadıng.
Kepnü kerdüng, sınadıng, Kez jaş iymey, jilyadıng. Etding kel, tapdıng karıu, İynandıng - kelir jarıu !
Boşaldı dep azaplık, Halkga kelip azatlık, Taulu taulaga kaytdı, Tau tilinde jır aytdı !
Taulu - taulanı jaşı, Tauda - jaşauu, aşı. Jarık jüregi, jırı, Jaşagan üyü - jılı.
Taulu - taulanı jaşı, Tauda tıpırı-taşı. Taulu tauuuna erler, Erley bilgenle - erle !
TAR AUUZDA
Jel, kanatların jayıp, Tar auuzda uçadı, Bir konadı, şoşayıp, Bir tumannı çaçadı.
Tar auuzda naratla Kekge sozuladıla. Butakları - kanatla, Künden küç aladıla.
Tar auuzda kayala Ariudula, akdıla. Teppeleri - miyala, Boşalmaz jomakdıla !
***
Terek tepseydi jelde, Auanası ua - jerde. Çapıragı agadı, Küzge sırga tagadı.
Butakları - bilekle, Tilegença tilekle, Terek - kekge sozula, Kün a bütün buzula.
Kek jarıdı, jaşnadı, Jauun jauup başladı. Jokdu küzden kutuluu - Duniyada suuuk soluu ...
JAUUN
Jilyaydı jauun, tüşüre jilyamuk, Meni da, kesiça, ete jilyauuk. Çeksiz-kıyırsızça anı buşuuu Sez aytmay jilyaydı, etedi şuu-şuu. Seleytmeydi ol biyikden tamganın, Manga da sala mudahlık tamgasın.
AJAŞHANMA JAŞAUDA
Kar jauun katış tüşedi Küz jaygan küyüzlege. Mudahlıgın üleşedi Ezenlege, tüzlege...
Ay muthuz nürün çaçadı, Jarıta oramlanı. Sagış kitabın açadı Taulanı karamları...
Jol izleyme, jokdu jol a. Ajaşhanma jaşauda. Ayt, nege, kimgedi sora Jürekden urgan şaudan ?
***
Jol janında esgen jege, Çulganasa suuuk jelge, Çapıragıng tüşe jerge, Sen ne sagış etese ?
Tengizge aşıkgan çerek, Tolkunlarıng kümüş jibek, Jilyay, jırlay, sarkasa terk... Sen ne sagış etese ?
Uçup bargan kanatlıla, Kek kenginde rahatlıla, Uçhan çakda - azatlıla, - Siz ne sagış etesiz ?
***
Kergenmise karnı ariu jauganın, Kış kelgende narat esgen tarlaga ?
Kergenmise jankozlanı çakganın, Jaz kelgende, konak bolup, taulaga ?
Jıyganmısa ammang bergen çelekni, Tık tolturup, otça, kızıl jilekden ?
Eştgenmise küznü teren soluuun, Sezgenmise tabiygatnı bolumun ?
Kergenmise çapırakla akganın, Terezengi mudah jauun kakganın ?..
Ne bilgense?
***
Julduzlanı alıp ketgendi jel, Alay juklaydı tınç, soluydu el. Manga ua jok tınçlık da, esenlik da, Jüregimde ozgan, bolgan, kellik da Tamırların iygendile teren.
Julduzlanı alıp ketgendi jel. O, nek juklaydı, nek soluydu el - İzlemeyin madar da, boluşluk da ?!. Karangılık, bu ogursuz şoşluk da Tamırların iyginçinnge teren.
Julduzlanı alıp ketgendi jel...
***
Janım, janım- jarık Ay ,- Kümüştuyak jengil tay, Tüpsüz kökde jıltıray, Keçe bilmeyse juklay. Jokdu manga da juku ,- Jaşau degening – buku : Tolmay kalıp umutum, Amalsızdan uludum…
Janım,janım - jarık Ay ,- Kümüştuyak jengil tay, Kök jel jalkangı taray, Biyikden jerge karay, Ak nürüngü çaçasa, Salkın kökde uçasa ,- Tuyaklarıng ot çaga ,- Jılımıdı ot jagang?
Janım, janım - jarık Ay ,- Kümüştuyak jengil tay, Ming julduznu jarıgı Bir kesingde – altın Ay.
Janım, janım - jarık Ay - Kümüştuyak jengil tay, Üyüng, arbazıng da – kök, Jay, sen jerge nasıp – tök !
K Ö Z L E
Dugumça, kara közle, Tolkunça, köksül közle… ( Közledegin esleseng ,- Kerekmeydile sözle. )
Buz kibik suuuk közle Kıynalgannı körmezle. Başhanı kuuançında Işarmazla, külmezle.
Gülge kuuanngan közle Mudah bolurla küzde. Jılıu bergen jürekni İzlep tabarla jüzden.
Ş I Y I H A T A M
Zıngırdata karlı biyikleni Kaya kızı mudah jırın aytadı, Elgendire öhtem kiyikleni, Çuçhur bolup,kesin juhdan atadı.
Kaltırata subay naratlanı, Kaya kızı, boran bolup, jetedi. Tabiygatda ariu suratlanı Boyauların tamaşalık etedi.
Biyiklege – örge, örge, örge -, Atam süygen Azau tala saklaydı! Kaya kızı, alsang a nögerge -, Konak üyün tüşlerimde joklaydı
ariu atam! Anı auanası, Ayak ızı da ol jerde kalgandı. Umutunu jilyaydı anası, Ak umutu jartı jolda kalgandı…
Kıralına ete edi kulluk, Süe edi işin, adamlanı da. Alay a köp jaşamadı – buyruk… Bizge koydu künnü da, tanglanı da…
Azau tala,Çepelleuüng öldü, Azdı, azdı Mingi taunu beti da, Konak üyü ahır kezin kördü, Mudah boldu,uuahtısı jetdi da.
Ak umutu kömürça karaldı, Kaya kızı, jilya, jilya meni bla. Süe edi atam bu taulanı, Süe edi taulu halkın kölü bla.
Atam ketdi ,- etalmadım madar, Ölüm ahşılanı da – hak ,- eltedi. Har insannga – ençi julduz, kadar, Har adamga – ençi nasıp jetedi.
Kal, atam, jat ariu jannetlede, Tüşlerime da mudahlık keltirme. Jankoz çagar Azau betlerinde… Umutungu ua men kesim eltirme ,-
Jartı jolda kalgan umutungu, Jürek jılıuungu da men saklarma, Ot jagangda öçültmey otungu, Adamlaga ülüş ete jaşarma.
Sır sırına, suu ızına kaytır. Taza kanıng jüregimde kaynaydı, Ol entta da jarık jırın aytır ,- Közlerimde seni nürüng oynaydı.
İgilikge salganma jolumu Jol nögerim halallıgıng bollukdu. Kızıngma da, kellikdi kolumdan, Allah aytsa,har umutung tollukdu,
ŞIYIH ATAM !..
E L İ M
Bıllım tıngılaydı kışhı jomakga, Keldi da jomak elime konakga. Taula, kayala da juklay kaygısız, Karlı oramda aylanama jangız.
Bu kış keçeni uşatama tüşge, Elde oramla sırılıp kümüşge. Tüşgença bolama eski jomakga - Oburça, uçadı, tütün ojakdan.
Meni janımı biylegendi sagış, Salgançadı kış janıma da nakış. Janım kuuanadı tuugan elime, Bolgu edim kor taşına, jeline.
Süeme da, tapmayma söz aytırga, Jerin da, kögün da salırça jırga. Bolsun ogurlu har kışı, har jazı, Tolsun kuuançdan har üyü, arbazı!
Elim jaşnasın taulanı koünunda, Kobuz sogulsun kuuançlı toünda, Taulu unuturça mında açıuun ,- Künü da, jeli da bolsun hıçıuun!
T A U L U K İ Y İ Z
Taulu kiyiz - Öresine oüu – nakış. Seni sokgan kollaga - Mahtau – algış!
Taulu kiyiz, Har nakışıng söleşe, Jüreklege Seyir sezim üleşe.
O Tişirıu, Kiyiz bashan ınnam! Azap çekding, Allah a berdi çıdam…
Seleytmeding Jüregingi jılıuun, Sen etmeding Ata jurtnu jilyauun:
Kol ızıngda - Malkarıngı kadarı, Mingi taunu Kümüş buzları, karı.
Har kiyizde Jarık jırla jazdıng, Buşuulaga Çıkmaz uru kazdıng.
Taulu kiyiz - Jaşauungu suratı, Sabiyinge Etgen ahşı muratıng.
O Tişirıu, Kiyiz bashan ınnam! Kıyamada da Çakırdıng iyman!
Ol küç berdi Seni eki kolunga, Ay da, kün da Nürün töge jolunga.
Taulu kiyiz! Öresine oüu – nakış, Seni etgen kollaga - Mahtau – algış!
Taulu kiyiz, Har nakışıng söleşe, Har jürekge Jarık sezim üleşe!
***
İzlegenim bolmadı, O, jaşau, tamaşasa! Köp tilegim tolmadı, Bolluk bolsun, marjasa !
Nasıbımı,sıyırıp, Üleşdile arada ,- Nença açıu sıyındı Jaşau salgan jaraga ?!
İzlegenin tapmagan Jürek – auruu tabadı. Kesi issi kapmagan - Eşigimi jabadı…
***
Sorlugum, surarıgım da jok. Kün bathandı. Çıkmazdandı ay. Kaygıdan da, jarsıudan da bay - Men bolganma aytalmazça juk.
Tözümü jetermi dep sınay, Sınatdıng jaşlıgıma azap. Jauunnu uzun çaçın sılay, Saklaganma janımı taza.
Arada uzakdıla jolla, Har biri – jüregimde ızlık. Bir birni süredile jılla, Kıyırsız – çeksizdi jangızlık.
Köz körmezça, bir birden uzak, Sen – tüzde küese, men – tauda. Süymeklik kurdu bizge tuzak, Jürekle tebedile auda.
Başımı sagışlarım basıp, Umutsuz karayma enişge. Süymeklik – kesi ese nasıp, Bizniki uşaydı bedişge.
Jüregim tüyül edi sokur,- Kış ozgandı. Kelmezdendi jay. Bu açı tizginleni okur Har adam…kesiça angılay…
***
Bar. Seni saklaydı jol. Men seni tıydımmı?! Kaçan? Karamıng suuukdu , karça. Kar, erip, jerge agarça - Endi etalmam…
Bar. Jolung bolsun ahşı, Nasıbıng – jarık julduzça. Süymeklik açıdı, tuzça, Köpürü bolgandı buzça,- Endi ötalmam…
Bar. Bargan – nasıp tabar… Çık jolga, manga ışar da. Saklasın Allah, kadar da. Jilyamuk tıyar madar a - Endi tabalmam…
Bar. Meni künüm batdı,- Jarıtıp çıkmaz algınça. Nek kördüm seni janımça ?!.. Jüregim tohtap kalgınçı,- Bar…
***
Toguz jılım – toguz terek, Kışda, jazda da çakganlay. Toguz jılım – toguz çerek, Jürek jırımça - sarkganlay.
Toguz jılım – toguz jırım, Sanga jetalmay joülgan. Toguz jılım – toguz jaram, Kalam,- tüz jarça oülgan.
Toguz jılım – toguz kuuanç, Toguzusu da – ötürük
Toguz jılım – toguz koranç, Toguz kamaça öltürlük.
Toguz jılım – toguz atlı, Közkörmezge atlandıla. Süymekligim a - kanatlı,- Uçup ketdi allarında…
G E S T E N T İ J A G A S I N D A
Men kelgenme Gestenti jagasına, Soruuumu,sagışımı da alıp, Bu tau suuçuk eltip keterik suna Jarsıuumu,- kümüş sırtına salıp.
Küz boyadı terekleni sarıga,- Mudahdıla bir-birine tarıga. Tau başında tolgan ay da sıljıray, Bulutlaga içgi sözün şıbırday…
Men kelgenme jüregimi açarga, Açıuumu, jarsıuumu çaçarga. Men saklarma, jeter ese tözümüm… Jaşil tolkun, eşit, eşit sözümü!
***
Kara kış. Karalgan terekleni Butakları tırnaydıla aynı. Bulutlanı mılı kölekleri Tansıkdıla jılıuuna jaynı.
Tau töppele, tau etekle – karsız. Köz jaşları, jauunça, kuüla, Kara kış ahtınadı, amalsız,- Ak jırına jetalmay, joüla…
T İ L E K
O adam, Adamnı balası, Hunering duniyaga jarasın, Közlering kuuana karasın Har kimge, har künnge!
O adam, Hauanı balası, Namısıng nafısnı horlasın, Jüreging igilik jorasın Har kimge, har künnge!
O adam, atangı balası , Oyma sen umutla kalasın, Kanıngda süymeklik ornalsın Har kimge, har künnge!
O adam, anangı balası, Allahıng janıngı saklasın, İgilik eterge saylasın Har kimge, har künnge!
***
Işanadı kanatlı kanatına, Jolouçu da ışanadı atına. İgi kuuum etseng - umutung tolur. Arsar bolma, kıyın bolsa da jolung.
Taukelliging - tıyançagıng jolungda, Hayt deyalsang, neda kelir kolungdan. Adam eseng, kazma başhaga uru,- Palahlanı kadar kesinge burur.
Ahşı murat har zamanda toladı, Namıs bergen - nasıplı da boladı. Halkıng keldi kerti sözge allana, Ogurludu halkıng, anga tıngıla!
KETE ESENG
Serdse k serdsu ne prikovano, Esli hoçeş – uhodi… A.Ahmatova
Kete eseng – ahşı jolga! Madar jokdu kadarga… Ata eseng – teren kolga! Alday eseng – aldarga!
Körünedi ming küzgüde Arabızda bir terslik. Bilyalmadı jol körgüzte Bizge sokur süymeklik.
Kete eseng, bargan jolung Jarık bolsun algından. Kelgen künnge etme soruu, Köpdü bizley janngılgan.
Kete eseng, jolung açık, Kişi tıymaz allıngı. Kollarımı uumam apçıp, Ne söleşmem jalınıp.
Taza sezim, boş ışandım Köz kamathan nürünge. Otha kirip kalay jandım, Keçe termilip künnge!
Közlerim a nek toladı? Madar jokdu kadarga… Göbelek da öç boladı Kesin otha atarga…
***
Jüregimi sezimlerin Bu kış suuuklugu algandı, Jaznı, jaynı da güllerin Kagıp – kagıp, kırıp salgandı.
Süyseng unut, süyseng termil… Keçem esgeriuden toladı. Janım tüyül edi temir, Birde temir da tot boladı.
Esgeriule eltgen jerge Barıp, şoşluk bla tübeşeme. Seni tabalmay nögerge, Jangızlıgım bla söleşeme…
***
Sakla. Kelirme bir künde, Jüregimi sanga açarma, Kaygılanı barın çaçarma, Küyüp, jaratılsam külden.
Altın çapıraklı küzüm, O etme dau, Allah köredi, Birde jüregimde öledi Sanga aytalmagan sözüm.
Kaydam, bolalmadık birge, Har kününge da, tüşünge da, Jazıuunga, ülüşünge da Jılıu tabarça - berirge.
O kışımı ahır karı, Jüregimi terenindese… Meni kalay mudah etese… Mudahdı bügün Malkarım.
O tıngılagız, kayala, Jelde tepsegen ak kayın da, Saklagannı işi kıyındı, Sakla, bilseng saklayala.
Sakla, altın çapıragım, Jauun bolup, seni juuarma. O kışımı ahır karı… Sanga dep jangıdan tuuarma.
***
Jaşil tolkun çıgaradı Suu boynuna çapırak, Şoş uşakga çakıradı, Salçı jırına kulak!
Jaşil tolkun aytırıkdı Nasıbını üsünden. Anı közleri jarıkdı, Jıltıraydıla künde! Nov 8, 2014 at 5:09 pm
Kyyn Adam NARAT TEREK
Kar hapula, aşıkmay, ingirlikde, Julduzlaça, tüşedile, biyikden, Konadıla jangız turgan naratha, Kanat – kanat butakların agarta.
Tauuşsuzdu, şum bolgandı tögerek, Kar japhandı biteu da jerni başın. Süeledi jangız kalgan bu terek, Etgen kibik sau duniyanı sagışın… Nov 8, 2014 at 5:10 pm
Kyyn Adam
Kar jauadı. Dün-duniya çimmak. Men izledim jay kelirin terkirak. Nek eriyme bu kar bashan terekge,- Jaz başında çulganır güllü kökge.
Bügeçe ua süeledi jangızlay, Terezeden jolga karagan kızlay. Sagışlıdı şaptal terek,- kesimça, Jaz jetse ua!.. Çagar! Jaşnar!.. – Kesiça!
JAŞARLAMI DUNİYaDA CAYLA?
Tamıçıla jibite arkamı, Sagışha ketgenme bölekge. Küz jauunnu mudah makamın Jay ketdi da iyip jürekge.
Tabiygat jilyaydı tarıga, Ma anı da bardı kadarı. Adam günahladan arıgandı, Kalmagandı endi madarı.
Duniya mülkü közlerin baylap, Unutdula borçların köple. Jaşarlamı duniyada jayla? Kögübüz kallıkmıdı kökley?
Jaz kelmez, jaşauga öpkelep, Kış salır ömürge nakışın. Keç bolgunçu borçungu töle, Kelir kününgü etda sagışın…
*****
Kök «mamugu» tüşedi taşha, tauga, Sen a anga terezeden karaysa. Közleringden açı köz jaşla tama, Sabiyçikça, sen ahtınıp jilyaysa.
Kar jauadı, aşıkmayın, burula, Ol bilmeydi sen sınagan buşuunu, Jilyaganıng – jırından başha tüyül Çıpçıklaça jüuüldey bargan suunu…
*****
Kar jauadı, jaş kelinça, uyala, Agarta da, jangırta tögerekni. Ak tonlaga kirgendile kayala, Ak jaulukla kıshandıla terekle.
Kış - ol kışdı, jütü karay betime, Közlerinden çıran suuugu ura, Tırnakların begitedi etime, Boranların manga üsgüre, bura...
Bursa-bursun ! Jaz a kaytır duniyaga, Jankoz çagar zaman da kısha jeter. Köz jaşları-jilyamukları aga, Jüregimden, tauladan da kış keter!
*****
Ak taşla. Şuuuldaydı suu - Birde jilyay, birde jırlay… Jaşil kolu taşla sılay, Jüregime boldu asıu…
*****
Süeme jangızlay aylanırga, Kış agartsa şahar oramlanı, Sagışlarım da eşile jırga, Tınçlık izley tınçaymagan janım.
NASIPLIMA MEN MINDA
Tansık bolup, kaytıp keldim elime, Har taşına, ayazına, jeline… Kuuanama, nasıplıma men mında,- Anam çıgıp tübeydi da allıma!..
Men kuuansam, menden da bek kuuana, Kelü tola, ışaradı da anam, Jaş boladı, atam sauda bolgança, Bar tilegi birden tolup kalgança !
Şukur, kaytdım ogurlu taularıma,- Emür tiley Allahdan saularıma !
*****
Kara jauun kara keçede sarnay, Arabızda bar jollanı sanay, Jırlarıma karangı makam saylay Terezemi tüedi…
*****
Sarın etgen jel edi, Jan alıuçunu tanıp. Kesing çakırdıng anı,- Ölüm kesi kelmedi.
Kesing süygense alay… Jer kuçagına aldı. Umutung öksüz kaldı, Üy – iesiz kalganlay…
*****
Tuugan jurtha jokdu duniyada baga! Jomakladan köp da ariu taulaga Aşıgama, aşıkgança anama, Darmandıla ala jürek jarama.
Men süeme narat ösgen tarlanı, Jel sılasa tau başlada karlanı, Birde kadar bola ese da açı,- Tauladıla jaşauumu kuuançı!
*****
Tüz ak karga kara karga konnganlay, Tüzlügüme kara bulut konngandı Gül terekni jütü jülgüç jonnganlay, Nasıbımı açı söz da jonngandı.
Amanlıknı köp türlüsün körgendi Muthuzlanngan közleri ömürleni. Umutlanı em igisi ölgendi, Halallıknı jarık beti türlenip…
ENTDA BİR TİLEK
Jüreklede ömürge Jarık ot öçülmesin. Kuuançdan külsün – külgen,- Açıuundan külmesin!
*****
Har adamnı da jüregi – özge, Har jürekde ençi makam jaşaydı. Bir jürekni – kaygıdı özegi, Bir jüreg a çakgan jayga uşaydı.
Jerde jaşay kelebiz adamla, Oynaybız, toy etebiz,- kuuanabız! Adamsızlık kirse ua araga, Adam tüyülbüz biz, - auanalabız!
Har adamnı da jüregi – özge, Andan bolurbuz biz ençi, başha da, Birleribiz – şinji esek közge, Birleribiz – janı bolgan taşlabız.
***** Kuş öç boladı biyikge, Betsiz katın – ötürükge. KYaZİM
Bu oram «biyçeleri»,- Elde sözçü katınla. Künleri, keçeleri - Kabaklanı katında.
Kolların kerip kengnge, Solutmayın tillerin, Sözlerin bırgay jelge, Ozduralla künlerin.
Tazalıknı bahçası Gokka bolup çagadı, Uu sözleni açısı Anga kirni jagadı.
Bu oram «biyçeleri»,- Elde sözçü katınla. Künleri, keçeleri - Kabakları katında.
Kuraydıla «jomakla»,- Maganaları ua – jok, «Tamaşalık», «omakla»,- Har biri da birer ok!..
Bilmeydile betsine, Betsinmegen – türlenmez. Alay,- ne da etsinle,- Tüzlük degen tügenmez!
*****
Çapırakla akgança terekden, Üzülgença kar biyikleden, Suu sarkıp ketgença elekden, Umutla ketelle jürekden.
*****
Nasıpsızga sanayma men Süygenin, tengin da sathannı. Nasıplıga sanayma men Başhaga nasıp sınathannı.
KÜN BLA AY
Kün küedi, janadı, Tiyip süymeklik auruu. Alay ol kaydan tapsın Süygenin körür karıu?!
Aydı anı süygeni, Kümüş nürlü, jarık Ay. Erip ketedi tangnga, Keçe uzunu jilyay.
Ötedile ömürle, Alay süymeklik jaşaydı. Kün, jerge jılıu bere, Aynı körürün saklaydı. Nov 16, 2014 at 7:33 pm
Kyyn Adam NASIBDAN NASIBSIZ BOLGAN
Nasıpdan nasıpsız bolgan… Sınamasın bir kişi, Umut bla çıgıp jolga, Bolmay kalganın işi.
Eki ajaşhan çıpçık - Eki tınçlıksız jürek. Eki jürek da açık, Süymeklik – açı jilek.
Eki jangılgan jürek Kar algan duniyada. Eki jay çagar terek, Bolurmu sizge madar?
Nasıpdan nasıpsız bolgan… Kim angılar sözümü? Eki süygen jürekni Taudan ullu tözümü.
Közle karayla kökge, Kökden a tüşedi kar… Eki süygen jürekge Nasıp berirmi kadar?..
*****
«Süymeklik jırla ömürlükdüle!»- Dep iynana edim men ! Ugay, birleri - ötürükdüle Sezim kılların üzdürgen.
Aythan jırlarıng bir jarık edile, Künnge tagılgança – alay! Tatlı sözlering aldarık edile, Alay közlering a – ugay!
Ozgan nasıpnı men izlemeyme,- Etgenme uzak aramı. «Sau etseng edi!»- dep da tilemeyme,- Bu sau bolmagan jan jaramı».
*****
Entda ötdürdük bir kün… Ol da tas boldu bizge. Eki jürekge jügün Koüp, ketgendi tüzge.
Entda ötdürdük bir kün… Ol ketdi, alay tiri,- Sagışça, auur börkün Ekibizge kiydirip.
Entda ötdürdük bir kün… Ol ketdi bizden, jilyay. Tambla da kellikdi kün - Jaşau ötedi alay.
Entda ötdürdük bir kün… Sen – mensiz, sensiz a – men. Nasıpnı etgendi kül Umut tartıuçu tirmen.
****
Aytama içimden birde: «Kalay uzakbız bir birden»…
Aythanma aldauuk küzde: «Kölden keter – ketgen közden»…
Köp aldaganma kesimi, Senden alalmay esimi.
Aythanma kış suuuklada: «Nasıp tabalmaydı adam,
Nasıp – çıpçıkdı duniyada: Birde – mında, birde – anda».
Zaman barsa da akırın, Jay eritdi kışnı karın.
Jay ıçhınngandı auladan, Jankoz çakgandı taulada!
Jürek tartınmadı artha, Günahdı süygenin athan.
Bilese,birdi jüregim, Anı men etmeyme eki.
Toludu ol süymeklikden, Anı alganma biyikden,
Ariuluknu –erttenlikden, Öhtemlikni – erkinlikden,
Tazalıknı ua – şaudandan,- Közleringi körüp anda…
|
|
| |