| Assı | Tarih: Salı, 02-06-15, 10:23 PM | Mesaj # 1 |
Albay
Grup: Admin
Mesaj: 93
Ödüller: 0
İtibarlarınız: 5
Konum: Dışarıda
| Laura Zhabelova
Hau, bu tema ua Özden Albertni çıgarmaçılıgına ataladı. Nazmuların, Albert kesi jazgan em da anga atalıp jazılgan statyalanı da – beri.
Meni ongsuz künlerimde
Çakırılmaganlay cetgen,
Men öterik köçüulege
Köküregin köpür etgen.
Öz közleri bla Malkarnı
Manga candetça körgüzgen,
Öz cüregi bla da Anı,
Kesi süygença süydürtgen,
Başı akıldan tolgan,
İnneti taza bolgan,
Tutuşuuda usta erge,
Kerti fahmulu poetge
Dodulanı Askerge atayma.
Cüreginde peliuanlık caşagan,
Ariulugu süymeklikge uşagan,
Tau namısı uşab tauda ak karga...
Canım kurman bolsun Curtum Malkarga!
Oyrası:
Men betime salsam kolun anamı,
Beş barmagın Beş Tau Eli sunama,
Erinlerim sılasala alanı,
Sau Malkarnı uppa etgen sunama!
Zar köz tie kök suuuna, taşına,
Ariulugu duşman bola başına,
Taş başında amal tabhan caşarga,
Canım kurman bolsun tacal Malkarga!
Oyrası.
Teşdirtmegen tinin zorluk sadakga,
Sürgünde da tilemegen sadaka,
Dert tutmagan Allah bergen kadarga,
Canım kurman bolsun şıyıh Malkarga!
Oyrası.
Canım saudan açhan candet eşigim,
Ölsem, rahat cuklar topurak beşigim,
Ata Curtum, Ana Sütüm, Kadarım —
Canım kurman bolsun sanga, Malkarım!
Oyrası.
1995 c.
( «Çolpan» kitabından )
1957-çi CIL
İngil may...
Taulada çuuak keçedi.
Kara tay
Culduzlu suudan içedi,
Auuzlugu cangı ay
Bolganlıkga cunçumay,
Duniyada cokça carsıu,
Nasıblı tay içedi suu.
Tabmay cannga asıuga,
Köb termile bu suuga,
Kum tüzlede nença can
Ketgen bolur duniyadan?
1987 c.
( «Çolpan» )
HALKIMA ALLAHDAN TİLEK
Fahmuluga, ya Allah,
Bilim, akıl ber!
Bilimlige, ya Allah,
Akıl, fahmu ber!
Akıllıga, ya Allah,
Fahmu, bilim ber!
Üçüsü da bolgannga,
Sen bir nasıb ber!
Tilegimi, ya Allah,
Sen bir kabıl kör!
Fahmulula halkda köb,
Bilimlile köb,
Akıllıla bütün köb,
Nasıblıla köb.
Bu tört şart da berilgen,
Körmeyme insan,
Ber, kıyınlı halkga Sen
Allay bir ulan!
Ol kün ayırlık eseng
Da, Sen, canımdan!
1981 c.
( «Çolpan» )
KARAÇAY
İginge cürekden kuuana,
Bulutdan çıkgan künça, caşnay,
Men cırlayma, sanga iynana,
Tinimi Mekkyası — Karaçay!
Amanıng bolganda kıynala,
KÜÇÜKNÜ makamın murulday,
Men caşayma sanga iynana,
Nasıbsız nasıbım — Karaçay!
Başha bolmay, cürek cürüşüm
Kagıtha tüşgennge uşagan
Taularım — Allahdan ülüşüm! —
Dey, nasıbdı mennge caşagan.
Tıngılayma carık mıdahlık
Cırına koşulgan Kobannga.
Körümü kırdışın sılarık
Ayazıng da kuuançdı manga!
Bolmay tot har çalkıng, oragıng
Çalsınla boysuna zamannga!
Sanlarım koşulluk topuragıng
Altından bagalıdı manga!
«Hasauka» bla «Umar» cırparıng,
Cazılgança karab Kur’annga,
Körnü körmesin cır buragıng,
Çırt boysunmasın ol zamannga!
Cüreging kuuançdan cırlasın,
Cılagan da kerek bolganda,
Çayırı aslamdan cılasın
Tamızık çıragıng tıbırda!
Bolalsam da usta cürütgen
İlkerge uçarık kemeni,
Hunangı teşigin begitgen
Men barmak taşçıgıngma seni!
1991 c.
( «Çolpan» )
BAŞLADIM
Menge «Boynak» bolçu, delle,
Kuu sözüngü koyçu, delle,
Haram haknı aşa, delle,
Körünmeyin caşa, delle,
Biz külmesek, külme, delle,
Kereksizge ürme, delle,
Sıncırga boy salçı, delle,
Bizden ülgü alçı, delle,
Bılay bolgand zaman, delle,
İtden töbend adam, delle,
«Ogay!» — dedim, hap-hap! — delle,
«Uu gayangı terk cab!» — delle.
Men gayamı cabalmadım,
İgi caşha sanalmadım,
İssi-issi kapdırdıla.
Gayamı da «cabdırdıla».
Cürek kaldı biyagınlay.
İt auazla anı talay.
Zaman — kobuz, otuz cılım,—
Ol kobuzda otuz kılım,
Sokdum men da bilgenimça.
Ketmez üçün kelgenimça,
Aldamadım camagatnı,
Tas etmezge adam atnı.
Hamhot sürtgen ceng bolmadım,
Milletimden keng bolmadım,
Adamla bla köb tanışdım,
İtle bla da, köb talaşdım,
Talansam da, boysunmadım,
«Boynak» atha tursunmadım!
Şukur, zaman işin etdi,
Boynaklaga tayak cetdi.
Tohtamasın ma bu tüyüş!
Bu tüyüşge koşa ülüş,
Cangızlıkdan baş alganma,
Cırla cırlab başlaganma.
1982—87 c.
( «Çolpan» )
DİN
Cuklanmazlık candet tün,
Çırt batmazlık carık kün,
Künden künnge ol bütün
Carık bolgan — İslam din!
Tau başlada karladan,
Tau etekde şaudandan,
Tang alada hauadan
Ese taza — islam din!
Kerti dinnge kaythannı,
«Bir Allah!» — deb aythannı,
Fakır cannı em hannı
Teng körüuçü — İslam din!
Aşhılıkga üretgen,
Cürekleni nür etgen,
İnnetleni bir etgen,
Allah dini — İslam din!
Ongsuzlaga ong bergen,
Sakatlaga col bergen,
Öksüzlege kol bergen,
Allah dini — İslam din!
Har milletni teng etgen,
Nasıbların keng etgen,
Taş cürekni eritgen,
Allah dini — İslam din!
Duniyada dayım kallık,
Kyafırga iyman sallık,
Köb insanla da allık,
Allah dini — İslam din!
San tazalık — İslam din!
Kan tazalık — İslam din!
Can tazalık — İslam din!
Allah dini — İslam din!
1985 c.
( «Çolpan» )
KURAN
Duniyada kitabladan
Bar akıl sözleni alsak,
Tabıb allay ullu bazman,
Barın bir canına salsak,
Bir canına da Kurannı
Salsak, (sözü bolmaz anı)
Auur bolur barısından,
Kesi cangız sıylı Kuran!
Akılmannı burun aythan
Akıl sözleri— Kuranda!
Akılmannı bügün aythan
Akıl sözleri — Kuranda!
Akılmannı endi aytır
Akıl sözleri — Kuranda!
Adam akıl cetelmezlik
Akıl sözle da — Kuranda!
1986 c.
( «Çolpan» )
İSLAM DİNNGE TÖRT TÖRTTİZGİN
1.
Muslimanlık — çuuak kökde carık kün,
İynamsıznı iç duniyası keçedi!
Cüz cıl tolgan kyafırnı da, ma bügün
İslam dinnge kaytsa, Allah keçedi!
2.
Duniyada cangılgandıla mingle,
Ayıb cokdu bir cangılgan insannga,
Duniyada em akıllı alimle
Ahırında kaytadıla Kur’annga!
3.
İslam dinni tazalıgın uşatdım
Mingi Tauda cıltıragan kök buzga,
İslam dinnge karşçı cannı uşatdım
Balçıkdagı töngeregen tonguzga!
4.
Koy kütgennge, kazgannga da magadan,
Bolgannga da kralga ara bagana
Bir Alahha kulluk etgenden ullu
Cokdu-cokdu bu duniyada magana!
1986 c.
( «Çolpan» )
|
| |
| |
