kaçigar | Tarih: Cumartesi, 05-04-14, 11:05 PM | Mesaj # 1 |
Tümgeneral
Grup: Admin
Mesaj: 162
Ödüller: 1
İtibarlarınız: 0
Konum: Dışarıda
|
Batçalanı Fatima. Sagışla
07.10.2004 0 2011
Süymeklikden Kutulurça bir madar… Anga nöger Bolub turu kıyındı. Süygen adam - Bagılmazlık caralı, Sagışları - Sırtda canlı cıyındı.
***
Sabır caua Turgan karga karayma, Közlerimça Çırak ketgend canım da, Men kesime Bir ölükça köründüm, Çabmay edi, Suuugan ed kanım da.
***
Ne etese Tansık bolub termilseng Süymeklikni Em nasıblı kününe, Mıllık atsa Canıg, çıdab bolalmay, Ertde ötgen Caşlıgıngı törüne?
***
Süymeklikni Em nasıblı kününe, Seni körgen Har künümü sanaem. Keçe, kün da Sen eding da sagışım, Seni körsem, Kuuanç otda canaem.
***
Endi seni Körürge da tapmayma… Kallay sezim Berilgened saugaga! Annı üçün Küreşmedik, karamay, Caşau kesgen Kemsiz ullu bagaga.
***
Auru bergen Süymeklikni otundan, Seyir tülmüd, Kesim süyüb içeme; Annı türlü Halisine tüzelmey, Otdan çıgıb, Calınına kireme.
***
Bu köpleden Kalgan duniya menden da Kalırına Kıynalmayma allay bir, Kıynalgança, Bolmazına cazıuum, cangılıp da, Senniki bla çırtda bir.
***
Köknü koüb Uçhan culduzlay, sözüng Cüregime Kuuanç bolub tüşe ed. Uzak ketseng, Olsagatlay, tansıklab, Meni canım Seni kemsiz küsey ed.
***
Carık söznü, Cılı söznü, sak söznü, Sıngar kere Eştirge da tabmayma. Seni körsem, Kurman bolub, kor bolub, Men da sennge, Algınça, baş atmayma.
***
Ne boldu da, Kaydan keldi sansızlık? Kış kelgença, Cay isside elime. Köknü koüb Uçhan culduzlay, sözüng, Kuuanç bolub, Nek tüşmeyd cüregime?
***
Çaprak artıb, Calan bolgan teregim Cangur takgan Tamçılanı agızad. Kün küsegen, Kaçhı cerley, cüregim, Seni küseb, Tansıklarga aşıgad. Aşıgadı Cılla ketmey aradan, Cangız kün bla Cangız keçe ketgença. Sen da mennge Ülüş etib canıngdan, Biyagınlay, Süyüb, kemsiz etgença.
***
Cokdu madar Cazıuunga kirirge, Tölesem da Sau duniyanı bagasın; Keçinmesem, Coklay turgan bolmasa, Coklagança Tolkun tilsiz cagasın. Ne sezgenin Bildirmegen cagadan Tengiz şaşmay, Kalay cırlab turadı? Sennge kerek Bolmay ese cüregim, Tohtab kalmay Ol nelikge uradı?!
***
Cangızlıkdan Kaçar cering bolmasa, Mıdahlıkga Keziu cengil cetedi. Cazgı culduz Köknü bauurun teşib, Teşgen cerin Otça carık etedi. Culduznu da Közüm süymey köredi, Har sanım da, Korgaşınlay bir auur. Meni canım Sarnagança bir cel bla, Bek kerek ed Bügün mennge buz cangur.
***
Mıdahlıknı Köb türlüsü boladı, Bügünngü ua - Canım çıga turgança. Cazıuum da Bolgan columu kesib, Har kalayda Mennge kabhan kurgança. Cangız seni Ceteriged karıuung, Mıdahlıknı Bulutların çaçarga, Can kaldırlık, Süygen canım, tabılmay, Nek kalasa Kuuanç eşik açarga?
***
Colum başha, colung başha bolsa da, İgi sezim Cüregimden ketmesin. Boranlagan Tang ese da süymeklik, Tang - umutdu, Allah ansız etmesin!
***
BÜGÜNLÜKDE
Cazıu erişe, Nasıb gireşe, Buzça suuukluk Cerge ileşe.
Auru, çalpıu da Halkga katıla, Caş tölüsü da İşsiz atıla.
Namıs kalası Oüla ketgend, Tin baylıgı da Ölürge cetgend.
Har ne zatı da Birça carsıuulu, Ulhu beralgan Caşayd asıulu.
Okuu da, ne da Satılıb alınad. Bilimsiz duppuk İşge salınad.
Uyatlı - açdı, Betsiz a - tokdu. Milletge canı Aurugan cokdu.
Annı kaçından Korkgan körünmeyd.
Annı üçün deb, Cuku bölünmeyd.
Örge örlegen - Kesi kaygılı, Kölüne cetmey, Cırthan baylıgı.
Keçined millet Kesine baza, Işanmaklıgı Kün-künden aza.
Bügünngü - bazar, Tamblası - bazar. Bollukmud HALKGA Bir başha madar?
***
Ana tilin süygenni, Har zamanda kölü tok, Anatilni süymegenni, ''ANAM'' derge erkinligi cok.
|
|
| |