Bu hapar burundan kelgendi. Bir colda Uçkulannı özenine duniya cıyılğandı da, em küçlü adan kaysı bolğanın bilir üçün, göcebleni cığışdırğandıla. Köb küreşgendile. Cıyılğanlanı barın da Oğarı Teber- diden kelgen Hasan deb caş horlağandı. Uzun boylu, cigit, arıy-tala bilmegen, karakaş, karaköz. Sora alayda cıyılğanlanı arasından betinde awu bla bir subay adam cığışırğa razılığın bildirgendi. Ol tawkel adamğa oğay demegendile da, teberdiçi göcep bla cığışdırğa erkinlik bergendile. Ekisi da, arağa çığıb, biri birine boy bermey, köb küreşgendile. Ahırında betinde awu bolğan, sermeb alıb, teberdiçi götcebni cerge salğandı.

- Ay, medet, men caşağanlı büğünça kölüm sınmağan edi, atıñı bir ayt, beteñi da bir körgüz, öle tebresem, sanña tabınıb ölürme, - degendi cığılğan caş.

- Aperim! Maşalla! - deb özen birden kozğalğandı. Cıyılğanla içinden bir caş wa, çabıb barıb bir hora baytalğa minib, betinden awun sermeb alıb, başında berkün teşse, kün tayakça bir seyir kız –

Orayda!

Cığılğan göceb, oraydağa esi ketib, alayda bir alamat cır etdi.

Kız da oñsunñan bolur edi, katında tebcildeb turğan hazır hora baytalğa minib ketmegendi.

- Özen işni sırtha çığarmayık. Bu eki seyir sabiy bir-birleri üçün deb caratılğan bolur edile. Bir üy bolsala- degendile sıylı kartla.Kız bla caş da razılıkların bildirib,bir üy bolğandıla.

Köb zaman ketgendi andan beri. Oraydanı sıfatın adamla koy eseñ, tawla - taşla da unuthandıla, citligin wa büğün da caşaydı.Toyda-oyunda, ullu kuwançlada anı atı aytılmay kalmaydı.Orayda deb başlaydıla kuwanç atlamnı, orayda aytılıb kız üyden çığadı,orayda tartılıb kiredi kelin da otowğa…