Anasayfa | Kayıt | Giriş Hoşgeldiniz Ziyaretçi | RSS
Site menu
bookmark
Kategoriler
Genel [26]KARAÇAY MALKAR [29]Kültür [27]
İstatistikler
  • visitors by country counter
    flag counter


    Toplam girişler: 1
    Ziyaretçiler 1
    Kullanıcılar: 0

  • Kurlar
    ГТРК
    TV KARACHAY
    TV MALKAR
    Вести КБР
    Bars-El Radiyo
    KURAN
    Anasayfa » Makaleler » Kültür

    SALAM BERIU

    Salam beriu

    Ogartın kelgen - töbentin kelgennge beredi;


    eşikden kirgen - üyde turgannga; 
    kele turgan - süyelip turgannga;


    ekeulen tübeşsele, salamın gitçe beredi;


    süyelip turgannı katına kauum adam kelse, salam bergen - ol kauumda tamatadı;
    kauum adam süyelip, bireu kelse, salam algan - tamatadı;
    tamata bla hapar aytır bolsang neda tişirıu bla (elden tışında tübesele), alaga cetmey, atdan tüş;
    salam berseng, alsang da - kıçırmay, şıbırdamay ayt.

    Kayda em kaçan;

    Salam Allahnı salamıdı: cauung ese da, salam berse, salamın al;
    aurup, ongsuz tüyül ese
    olturup salam bergen - algan adet cokdu; 
    keçginlik tilemese
    bir kere salamıngı almay koygan adamga ekinçi tübegende salam berme
    tanımagan adamga cuk sorluk bolsang, alga salam ber;
    kabırlada salam bergen durus tüyüldü (kol tutup koyadıla);
    ayak coldan çıgıp kelgen adamga salam bermeydile;
    kauum adamga, salam berip, kol tutama deseng, tamatadan, ong canından başla.

    Kol tutuu;

    Tamata kolun uzatsa - tut, uzatmasa - tur;
    kol uzathan kolun alga aladı;
    adamnı barmakların tutma - kolun tut;
    adamnı kolun katı kısma, 
    kesingi kolungu da suu bıstırça berme;
    salam alga er kişige tiyişlidi.

    Oramda coluguu;

    İşley turgan adamlaga algış etmey ozma;
    elge kirseng, atdan tüş;
    nıgışha cetseng, salam ber;
    elge kirseng, çariş kurama (atdan tüşmeseng da, akırın bar);
    er kişi ozgan zamanda ahşı katın (oramda olturgan), namıs etip, örge kobadı;
    adamnı kolun atdan tüşüp tut;
    kolların tutama dep
    sıy kangaga keçirek kalıp barsang, salam ber da, sıynı tının buzma

    Üyge kirgende


    Er kişile
    - Assalam (salam) aleykum!
    - Ualikum salam!

    - Üyge da igilik!

    - Kelgennge da igilik! (Kelgen adam üyge kirse) Hoş kel, cuuuk bol!

    Künnü keziulerinde;

    Er kişile bla tişirıula neda tişirıula kesleri tübeşsele, bir birlerine eşikde, üyde, oramda bolsun, bılay salam beredile
    - Tang ahşı bolsun!
    - Ahşılık kör!

    - Ertten ahşı bolsun!
    - Ahşılık kör!

    - Kün ahşı bolsun!
    - Ahşılık kör!

    - İngir ahşı bolsun!
    - Ahşılık kör!

    - Keç ahşı bolsun!
    - Ahşılık kör!


    Ayırıla turup emda bireunü üyünden çıga turup aytadıla


    - Hayda sora, sau kalıgız!
    - Sauluk Allah bersin!

    - Ahşı künlü boluguz!
    - Ahşılık Allah bersin!

    - Ahşı ingirli kalıgız!
    -Allahnı ahşılıgına colugayık!
    - Tınç keçeli kalıgız!
    - Tınçlık Allah bersin!

    Türlü-türlü bolumlada;

    - İş kolay bolsun!
    - Sau bol, kolaylı bol!
    Mal, cılkı kütgen adamga
    - Köp bolsun!
    - Sau bol, köp nasıp Allah bersin!

    Üy işley turganlaga;

    - Mekyamıgız ogur bolsun!
    - Allah ırazı bolsun, kuuançlaga keliuçü bol!

    Sabançıga, bahçada işley turgannga;

    - Bereket bolsun!
    - Sau bol, bereketli bol!

    - Bahça tolu bolsun!
    - Sau bol, bereketing köp bolsun!

    İynek saua turgan tişirıuga

    - Sauganıng tarkaymasın!
    - Sau bol, nasıbıng tarkaymasın!

    İynek saua turgan er kişige

    - Akdan kuru bolmagız!
    - Sau bol, bereketing kurmasın!

    Satıu etgen adamga

    - Bazar bolsun!
    - Sau bol, Allah bereket bersin!

    Er kişile cıyılgan cerde
    - Nıgış bolsun!
    - Sau bol, cuuuk bol bizni nıgışha!
    - Nıgışıgız tolu bolsun!
    - Sau bol, kel, seni da nıgışha cuuuk eteyik!

    Colda tübeşsele

    - Col bolsun!
    - Sau bol, caşau colung carık bolsun!

    Aurugan adamga anı köre kelgen aytadı

    - Sausuz bolma!
    - Sau bol, sauluk Allah bersin! 
    Sau bol, Allah ırazı bolsun!

    Aşay turgannga

    - Aş tatlı bolsun!
    - Sau bol, caşauung tatlı bolsun!

    Toyga kelgenle üynü ielerine aytadıla

    - Bayramıgız kuuanç bolsun!
    - Sau bol, kir üyge, konak eteyik seni da.

    Uzakdan kelgen konaklaga üynü iesi aytadı

    - Kuuanç bla keligiz, hoş keligiz! Kelgen ayaklarıgızga köküregim köpür bolsun, arka uzunum col bolsun!

    Uzak cerde köp turup kaythannga neda bireunü konagına bılay salam beredile

    - Sau kel, ogurlu künde kel!
    - Sau bol, ogur – nasıp Allah bersin!
    - Ayıp etme, kimse, kimladansa?
    Atın aytsa, kesini atın aytıp
    - Ogurluluk Allah bersin!

    Ayırıla turup 


    İşley turgan adam bla uşak etip, kete tebiregende aytadıla
    - Sau (hayır, ogurlu, kuuanç, nasıp) iş etigiz!

    - İşigizni Allahutala kurasın!

    - Başlagan işigizni kuuanç bla boşagız!

    - Tuthan işigizden kuuanıgız!

    - Kol ızıng buzulmasın!


    Colda tanışhan adamga


    - Sanga - sauluk, manga - esenlik!

    Tengle, colouçula bolup, ayırılgan zamanda

    - Sanga - igilik, manga ahşılık!

    Kayınlaga aytılgan algışla


    Caşnı atasına, anasına aytadıla
    - Kelgen kelinigiz ogurlu bolsun!
    -Kelgen kelinigiz ogur ayak bla kelsin!
    -Kelgen kelin ulanla beşigin tebiretsin!
    - Tolu üyürlü bolsun!
    - Ulanla atası bolsun!

    Kelinni cuuuklarına

    - Kieuügüz da ogurlu bolsun!
    - Cangı cuuukla da ogurlu bolsunla!
    - Tukum-cuuuk bolsunla!

    Ol - bu üyge kelin kelgenin eşitgende

    - Ahşı künde kelsin!
    - Ahşılık bla kelsin!

    Sabiy tuuganda

    - Caşar süek bolsun!
    - Tuuganından caşaganına kuuanıgız!
    - Allah bu sabiyge süek sauluk bersin!
    - Ongnganlaga (ahşılaga) nöger bolsun!
    - Atasın, anasın kuuandırıuçu bolsun!
    - Atasına (anasına) uşagan caş (kız) bolsun!
    - Kuuanç kününe kuuanç bla ceter nasıp Allahutala bersin barıbızga da!

     



    Kaynak: http://zaman.smikbr.ru/readarticle.php?article_id=1694
    Kategori: Kültür | Ekleyen: kaçigar (18-05-14)
    Görüntüleme: 713 | Etiketler: salamberıu, özden adet, algış | Rating: 0.0/0
    Toplam yorumlar: 0
    avatar
    Giriş Formu
    Site içi arama
    ....
    Керек кенгден танытыр

    Керексизге сёлешме, онгсуз бла кюрешме

    Керекни шиндиги мийик

    Керти айтханнга айгьакъ джокъ

    Керти акъыллыгъа кёз тиймез

    Керти джылтырар, ётюрюк къалтырар

    Кертини кирит тыймаз

    Керти сёзню кезден айт

    Керти сёз кери барыр

    Керти сёзге къарыу джокъ

    Керти суу салмаз, от джандырмаз

    Кетерик кетмей, келлик келмез

    Кеси аман балта алыб чабар

    Кеси аман ёмюрюн аман бла ашырыр

    ETİKETLER
    egiz caşçıkla başhüyük LAYPANLANI Bilal bashuyuk akbaylanı mihail adet başhuyuk appalanı hasan kara kübür culduzla söleşe bilsele drau katliamı bittirlanı tamara itil suuu ağa turur aşhı adam elge borçlu Bittirlanı aminat kiyimle çarh oyun üyle küreşni colunda bilal laypan karaçay üy kar atala babala es comakla halk cırla 8.mart çam haparla чам хапарла hapçalnı_mammet mussa batcaev gapalau sürgün atacurt bayrak köçgünçülük akka batcalanı gekki kamatur balkar kafkasya karachay Stalin ayak hasan bilal laypan kalamla kanatlıla karaçay hikaye anı hatıra sapar özden cır cırçı smayıl ismail semenov ahmat hazar karacahay karaçay kabartay adeb goçiya aytek buşuukun jenosid kasay borlak çoma cırçı Atilla gazalanı alim gıpı karaçat 8mart1944 genosit algış ufuk tavkul cugutur alanla kimledile curtubaev mahti bıllım chegem habaz holam curtubay curtubayev Аланы karacahaymalkar bayramuklanı halimat halimat malkar karçay bayram cumhuriyet Alan
    Meteo
    KONYA Click for Konya, Türkiye Forecast
    Medya


    Site kodu
    Karachay

    Siteler

    Karachay

    Karachay

    karachays.com

    http://www.elbrusoid.org Карачаево-балкарский фонд Эльбрусоид(R)

    karachays.com

    AS - ALAN

    Bashuyuk

    Karachay

    Copyright Karachay © 2017